ارجو الإفادة في ارتفاع عدد لفات المحرك بعد تنظيف البوابة

[ehab_mansour]

السلام عليكم يا جماعة

انا نظفت بوابة الخانق اللي بتتحكم في دخول الهواء للمحرك بإستخدام منظف كاربيراتير ده طبعا بعد فكها وكانت هذه هي النتيجة :-
ارتفاع عدد لفات المحرك (rpm)في idle speedعند الوقوف من1000 الي 1100 وكذلك في الحركة من 1500 الي 2000 لفة في الدقيقة
رغم ان قبل التنظيف كانت في الوقوف من 750 الي 800 وفي الحركة من 800 الي 1000 بالكتير .
ماهو الحل في هذه المشكلة رغم ان عند الدخول علي كنترول المحرك بالكمبيوترلا يعطي اية مشاكل في اي شيء ؟؟؟؟؟؟؟؟

[ehab_mansour]

نوع السيارة ابيزا 98 محرك 1000 سيسي انجكشن

[aYaBooY]

معلش اغرم فكها تاني و رش على الاكس بتاعها مزيل صداء مش منظف كربراتير و لو بتعمل الموضوع ده عند فني متخصص خليه يفك الحساس بتاع البوابة و يعمل معاه نفس الشئ

[ehab_mansour]

معلش اغرم فكها تاني و رش على الاكس بتاعها مزيل صداء مش منظف كربراتير و لو بتعمل الموضوع ده عند فني متخصص خليه يفك الحساس بتاع البوابة و يعمل معاه نفس الشئ

متشكر جدا علي ردك
بس مزيل صدأ ليه علميا وانا اللي فكيتها ونظفتها وفكيت كمان الحساس بس ما رشتيش عليه حاجه
الموضوع ده انا الي عملته بنفسي وهل ممكن لو زييت البوابة من بره بزيت موتور بكمية بسيطة هتحل المشكلة وترجع تهدي الموتور تاني ؟

[ehab_mansour]

ايه يا جماعه هو مافيش حد نضف البوابة قبل كده وعملت كده معاه او يمكن يكون مافيش حد يعرف حاجه عن الموضوع ده نرجو من الأخوة المحترفين الإفادة وشكرا

[M.Mostafa80]

العربيه لازم تتحط على الجهاز بعد التنظيف لظبط البوابه ثم أن مزيل الصدا لو جه على الحساس هيبوظ دى ألكترونيات وعمتا ممكن تلاقيها مع الوقت ظبطت معاك بس أهم حاجه حطها على الجهاز وظبط البوابه عشان لما بتحصل عمليه النضافه بيبقى فى فرق فى زاويه الفتح وبكده بتلاقى الأر بى أم على معاك

[ehab_mansour]

الف شكر علي ردك
اولا انا حطيت الكنترول علي الجهاز وكنت انا ومهندس اسامة ولم يعطي اي خطأ في الكنترول وتم تكويد البوابة من جديد وزاوية فتحها كانت مضبوطة ومافيش اي error ظهر غير ان حساس درجة حرارة مياة التبريد بيقرأ درجة حرارة قليلة(60 درجة) رغم ان المؤشر مضبوط وهو برضه اللي بيعطي للمؤشر وبعدين انا اللي نضفته هو فتحة البوابة ودي مافيش فيها اي أجزاء الكترونية كلها حديد في حديد
وكمان فكيت الحساس بتاعها اللي بيتحكم في فتحتها لقيته نظيف تماما من الداخل وما عملتش فيه اي حاجه ؟
ارجو الإفادة لأني زهقت من الموضوع ده

[aYaBooY]

بص يا معلم عندي الحساس بتاع البوابة معظمة بلاستيك و لو اترش عليه منظف الكربراتير بيكون حامي عليه و ممكن يسببله تاكل
لذا بستخدمله dw40 او مزيل الصداء علشان ده بيدي نسبة تزييت ليه و بينظف مكان الاتربة شوية
و نفس الشيئ بالنسبة للبوابة المفروض ترش منه شوية حلوين كدة عل الاكس بتاع الحركة علشان لو فيه شوية صداء ده بيتقل الحركة و بالتالي بتلاقي الموتور عالي
و لما برش المزيل ده عندي بلاقي الصوت بعد كدة هدئ اوي بس
الكلام ده عن تجربتي الشخصية و معرفش اذا كان في كل العربيات ولا لا

[ehab_mansour]

بص يا معلم عندي الحساس بتاع البوابة معظمة بلاستيك و لو اترش عليه منظف الكربراتير بيكون حامي عليه و ممكن يسببله تاكل
لذا بستخدمله dw40 او مزيل الصداء علشان ده بيدي نسبة تزييت ليه و بينظف مكان الاتربة شوية
و نفس الشيئ بالنسبة للبوابة المفروض ترش منه شوية حلوين كدة عل الاكس بتاع الحركة علشان لو فيه شوية صداء ده بيتقل الحركة و بالتالي بتلاقي الموتور عالي
و لما برش المزيل ده عندي بلاقي الصوت بعد كدة هدئ اوي بس
الكلام ده عن تجربتي الشخصية و معرفش اذا كان في كل العربيات ولا لا

انا ما رشيتش جوه الحساس اي شيء انا فقط رشيت علي البوابة برة يعني عند فواهة دخول الهواء للسيارة ودي كانت مليانة هباب اسود ممزوج بزيت واوساخ دي اللي نظفتها وحصل اللي حصل وياريتني سيبتها باللي فيها ماهي كانت مظبوطة كده .
وشكرا علي اهتمامك وبالمرة انا زييت المكان اللي نظفته بزيت خفيف جدا لكن لم يحدث اي تغيير

[aYaBooY]

انا ما رشيتش جوه الحساس اي شيء انا فقط رشيت علي البوابة برة يعني عند فواهة دخول الهواء للسيارة ودي كانت مليانة هباب اسود ممزوج بزيت واوساخ دي اللي نظفتها وحصل اللي حصل وياريتني سيبتها باللي فيها ماهي كانت مظبوطة كده .
وشكرا علي اهتمامك وبالمرة انا زييت المكان اللي نظفته بزيت خفيف جدا لكن لم يحدث اي تغيير

طيب كدة روح لحد عنده الجهاز بتاعها

[ehab_mansour]

اولا انا حطيت الكنترول علي الجهاز وكنت انا ومهندس اسامة ولم يعطي اي خطأ في الكنترول وتم تكويد البوابة من جديد وزاوية فتحها كانت مضبوطة ومافيش اي error ظهر غير ان حساس درجة حرارة مياة التبريد بيقرأ درجة حرارة قليلة(60 درجة) رغم ان المؤشر مضبوط وهو برضه اللي بيعطي للمؤشر وبعدين انا اللي نضفته هو فتحة البوابة ودي مافيش فيها اي أجزاء الكترونية كلها حديد في حديد
وكمان فكيت الحساس بتاعها اللي بيتحكم في فتحتها لقيته نظيف تماما من الداخل وما عملتش فيه اي حاجه ؟
ارجو الإفادة لأني زهقت من الموضوع ده

[aYaBooY]

انا موضوع الحساس ده بخاف منه علشان لما اتفك اول مرة على ايد الميكانيكي عندي قالي انه له دخلة معينة و لو خلفت الدنيا بتتلخبط و الكمبيوتر مبيعرفهاش
ممكن تجرب تفكة و تشوف اذا كان ليه دخلة مظبوطة او تخلي حد فاهم فيها يشوفه ممكن يكون داخل مش مظبوط ؟

[M.Mostafa80]

طب هقولك على حاجه أعملها وشوف هتعمل معاك أيه فك الوش الى عليه العلامه وبص على الأسبراتير بتاع العربيه شوف وضعو أيه وقولى ممكن ولا صعب دلوقتى ولو صعب دلوقتى ممكن تكلمنى لما تعمل الموضوع ده على الرقم 0113666755أو 0105299941أو 0120670765 أختار الشركه الى تريحك ماشى بسنترال متحرك
هنشوف مع بعض حاجه كده ويارب تكون هيه
أن شاء الرحمن

[Ahmad]

سلام عليكم ,
ازيك يا م/ إيهاب ؟ يا رب تكون بخير.

متعملش أي حاجة و مفيش حاجة غلط خالص.
دة وضع طبيعي أنه يعلي شوية لأنك رشيت سائل التنظيف و السائل دة دخل غرفة الاحتراق و بعدين خرج علي علبة البيئة و العلبة دلوقتي مليانة بسائل التنظيف.

كل المطلوب من حضرتك أنك تمشي بالعربية شوية لحد ما السائل دة يخرج من دورة الاحتراق و الشكمان. و بعد كدة هتلاقي ال Rpm رجع لوضعه الطبيعي ان شاء الله.

ممكن الوضع دة يفضل كذا يوم ما تقلقش.

[samirayad]

لو كنت فصلت البطاريه وأنت بتنظف البوابه ......يبقى أنت محتاج حاليا ....أجراء أعادة تنشيط لوحدة التحكم نحو سرعة السلانسيه idle learn procedure