إعـــــــلان

Collapse

.

,
See more
See less

تجربتى مع صيانة ال1000 كم للسيريون !

Collapse
X
 
  • Filter
  • الوقت
  • Show
Clear All
new posts

  • تجربتى مع صيانة ال1000 كم للسيريون !

    السلام عليكم

    حدخل فى الموضوع فى شكل نقاط :

    1- الحجز عن طريق ال Call Center كان سهل ومتابعة ممتازة منهم وتأكيد على الموعد قبل الزيارة بيومين وتغييره لو حبيت .

    2- وصلت مركز العبور الساعة 2 ظهرا دخلت العربية الساعة 3.30 عصرا واستلمها منى المهندس تامر بعد اخذ كل الملاحظات وطبعا راجل فى منتهى الذوق .

    3- طبعا قاعة انتظار تطل على المركز لمتابعة ما يجرى على الطبيعة ولكن يبدو ان الفنيين اخدوا على كده خلاص وتعودوا على متابعة العملاء ليهم ورجعوا لاسلوب العك المعتاد للفنى المصرى .

    4- صيانة الالف لم تاخذ منهم اكثر من 15 دقيقة من مراجعة على مستوى الزيوت والمياه وضبط ضغط الاطارات .

    5- لن اتحدث عن ملاحظاتى التى ربما تكون عادية وعند كل الناس مثل الاحساس بضعف وهشاشة المكونات البلاستيك الداخلية فى العربية حول الابواب او حول الفتيس وفرامل اليد وكان رد المهندس تامر على ان ده طبيعى لكن لما كلمته عن ان زجاج الابواب شكله سايب ويحتاج الى تربيط خاصة عندما تغلق الباب وانت فاتح الازاز شوية تحس انه حيقع من الباب غير صوته اللى بيخبط المهم كان رده انه محتاج تربيط ولما خرجت العربية لقيت كل اللى اتعمل انهم رشول سبراى WD40 ( وطبعا شفتهم بنفسى ) فى مجارى الازاز داخل الابواب !! طبعا زيتوا الدنيا وكل ما تفتح الازاز وتقفلوا تلاقيه خرج مزيت !!
    طبعا ده اللى عندهم بخصوص هذه الشكوى .

    6- العيب الاساسى اللى رحت بيه هو ان العربية بتحدف سنة شمال بيبان اوى مع السرعة العالية ولما خرجت العربية قالى انهم لقوا فرق فى ضغط هوا الكاوتش ولما اكدت للمهندس تامر ان ده مش مظبوط طمنى وقالى انهم جربوا وكله تمام ....ماشى حنشوف .

    7- طلبت قبل خروج العربية تركيب ال Security System او جهاز الانذار وسعره حوالى 890 جنيه وده اللى اخر خروج العربية الى الساعة 4.45 دقيقة والحقيقة ركب تمام وشغال زى الفل.

    8- خرجت بالعربية بجرب الحدفة الشمال لقيتها زى ما هى !!! طبعا رجعت للمهندس تامر وطلبت منه يجرب بنفسه وبالفعل جرب بنفسه ولقى ان فيه سنة شمال محتاجة ظبط زوايا .....قلتله يبقى كده محدش جرب وده ميرضيش ربنا ! قالى متقلقش شرفنا فى اى وقت وانا اكشفلك على الزوايا ....طيب ليه مش دالوقت ؟...قالى لاننا خلاص الساعة 5 وحنمشى !!!
    يعنى فيها مشوار تانى من 6 اكتوبر للعبور عشان الفنى مهانش عليه يجرب العربية وكدب وقال كله تمام .
    طبعا ده ضايقنى جدا لانهم بصراحة كده معملوش حاجة تذكر فى صيانة الالف وكلها حاجات بيعملها اى حد عنده خبرة بسيطة من متابعة للزيوت والمياه وضغط هوا الكاوتش والمفترض انهم بيهتموا اكتر بشكوى العميل ....طيب انا قلت المشاكل لكن فى النهاية هم عملوا اللى على مزاجهم واللى البيه الميكانيكى شايفه !!!!
    للاسف دايما بيفترضوا فى العميل انه مبيفهمش او انه بيبالغ او انه يمكن اول مرة يركب عربية !!!
    لانى قلت للمهندس تامر الحدفة الشمال دى استحالة عن خبرة 15 سنة سواقة تبقى ضغط هوا لكن دون فائدة .

    9- طبعا رايح بالعربية بتبرق نظافة جوه وبره ( وده طبيعى فى علاقتى بالعربية ) واستلمتها ملحوسة بره وجوه الابواب من الداخل وبصمة ايد الفنى المشحمة على الابواب طبعا كلمتهم على ده ونظفوا شوية لكن برده استلمتها وانا غير راضى عن نظافتها سواء جوه او بره .
    ويمكن لو كنت رحت بالعربية مبهدلة يمكن كانت النظافة ظهرت شوية لكن يبدو ان هو ده مستوى النظافة اللى بيخرجوه .

    10- اتصلوا بى الليلة لمعرفة انطباعى عن مستوى الخدمة وطبعا قلت كل ما سبق سواء مميزات او عيوب بما يرضى الله وطبعا على راسها اسعار قطع الغيار ! ولما سالنى عن التقدير العام جيد او جيد جدا او ممتاز ! طبعا كان ردى انه جيد ! .

    11-
    الخلاصة
    :
    توكيل يابانى توكيل المانى الفنى هو نفسه الاسطى الميكانيكى البلدى اللى ممكن تقابله فى اى مكان .
    طبعا مهندسين ذوق ذوق ذوق لكن للاسف المهندس مغلوب على امره لانه للاسف راى وكلمة الفنى هى اللى بتمشى والمهندس ما هو الا مجرد واجهة للتوكيل .
    12- بينى وبينكم يمكن ده خير انهم مظبطوش الحدفة الشمال البسيطة دى اللى مش محسوسة اوى لانهم كان ممكن يعكوا الدنيا اكتر وانا قررت انى مروحش تانى اظبطها ما دامت بسيطة بصراحة لعدم ثقتى فى الفنى اللى حيشتغل .
    ممكن واحد يقولى طيب حتعمل ايه فى اللى جاى ؟
    حقوله: وقتها حيبقى مجبر اخاك لا بطل اما المسائل البسيطة دى يبقى تجنب ايدى الفنيين دول بصراحة غنيمة لانهم شكلهم كده اكتر من تغيير الزيت والبوجيهات والسيور والحاجات الروتينية دى اكتر من كده بيبقى عك فى عك وده حال توكيلات مصرنا الحبيبة .
    ولسة مجاش موعد تجربة توكيل سكودا اللى لا اتوقع انه حيفرق كتير عن توكيل دايهاتسو وربنا وحده اللى بيسترها معانا ومعاكم .

    [CENTER]
    [IMG]http://img234.imageshack.us/img234/529/runninghourserk8.gif[/IMG]


    [/CENTER]

    dr_druggist سابقاً

  • #2
    اللف مبروك على الصيانة
    والله يكون فى عونك واحنا كمان بجد اصل احنا تعبنا خلاص
    [CENTER]:018::018:[/CENTER]

    Comment


    • #3
      مبروك الصيانة وأهلاً بيك في نادي مالكي السيريون
      نتمنى نتشرف بحضرتك في مقابلات مالكي الدايهاتسو اللي بتتم دورياً
      نصيحة إن ضبط الزوايا يتعمل في مكان زي برديجستون
      لو مش أفضل على الأقل بيكون أرخص
      [CENTER]Me on Twitter
      @aliabutaleb[/CENTER]

      Comment


      • #4
        الف مبروك يا جميل السيارة ويريت انطباعك عنها
        [CENTER]http://img844.imageshack.us/i/dscf0140c.jpg/[/CENTER]

        Comment


        • #5
          الف مبروك يا دوك.
          هل انت حاسس بفروقات بين السيريون و الاسكودا؟

          Comment


          • #6
            مبارك على السيارة ياباشا واحب اطمنك ان اغلب التوكيلات في مصر واحد . مجرد فني مؤدي للاوامر فقط
            انا معايا اوبترا وساكن في م.نصر والتوكيل في اول الصحراوي واكون حاجز الساعة 9 ص واروح تدخل العربية الساعة 12,30 ظ وعندي مشاكل واطلع بنفس المشاكل ويقولي انا جربت وزي الفل ولما اكلمه يقولي تعالى بدري شوية .
            على فكرة بتفضل العربية مركونة محدش يقرب منها ولازم الواحد يعلي صوته علشان يتحركوا ويجي واحد يقولك اصل الشغل كتير والعمالة قليلة بيت العربية يومين ونعملك الي انت عايزه
            بصراحة عك *عك

            Comment


            • #7
              المشاركة الأصلية كتبت بواسطة medo_sirion مشاهدة المشاركة
              اللف مبروك على الصيانة
              والله يكون فى عونك واحنا كمان بجد اصل احنا تعبنا خلاص
              الله يبارك فيك ويكون فى عون الجميع ومعلش بقى ادينا بنصبر بعض.

              المشاركة الأصلية كتبت بواسطة alijandroo مشاهدة المشاركة
              مبروك الصيانة وأهلاً بيك في نادي مالكي السيريون
              نتمنى نتشرف بحضرتك في مقابلات مالكي الدايهاتسو اللي بتتم دورياً
              نصيحة إن ضبط الزوايا يتعمل في مكان زي برديجستون
              لو مش أفضل على الأقل بيكون أرخص
              الله يبارك فيك وطبعا يسعدنى ويشرفنى مقابلتكم فى اقرب فرصة .
              وباذن الله اكيد حاخد بنصيحتك والف شكر .

              المشاركة الأصلية كتبت بواسطة eslamwega مشاهدة المشاركة
              الف مبروك يا جميل السيارة ويريت انطباعك عنها
              الله يبارك فيك وباذن الله حعمل موضوع منفصل عن انطباعى لكن مبدئيا العربية ممتازة والحمد لله فقط كان ينقصها ان وزنها يزيد 150 ك كده ولا حاجة يتقلها شوية على الطريق.
              بس استهلاك بنزين من وجهة نظرى ممتاز خاصة انها 1500 وكمان التكييف شغال على طول .

              المشاركة الأصلية كتبت بواسطة halloween مشاهدة المشاركة
              الف مبروك يا دوك.
              هل انت حاسس بفروقات بين السيريون و الاسكودا؟
              الله يبارك فيك وطبعا فى فروق كتير واعتقد مينفعش نقارن بينهم لان كل عربية من كاتيجورى مختلف يعنى السيريون من فئة الهاتش باك والروومستر من فئة ال مينى فان واكيد حيبقى فى فروق كتير.
              يعنى لو السكودا كانت مينى فابيا مثلا كان ممكن المقارنة تكون صحيحة .


              المشاركة الأصلية كتبت بواسطة rzeiny مشاهدة المشاركة
              مبارك على السيارة ياباشا واحب اطمنك ان اغلب التوكيلات في مصر واحد . مجرد فني مؤدي للاوامر فقط
              انا معايا اوبترا وساكن في م.نصر والتوكيل في اول الصحراوي واكون حاجز الساعة 9 ص واروح تدخل العربية الساعة 12,30 ظ وعندي مشاكل واطلع بنفس المشاكل ويقولي انا جربت وزي الفل ولما اكلمه يقولي تعالى بدري شوية .
              على فكرة بتفضل العربية مركونة محدش يقرب منها ولازم الواحد يعلي صوته علشان يتحركوا ويجي واحد يقولك اصل الشغل كتير والعمالة قليلة بيت العربية يومين ونعملك الي انت عايزه
              بصراحة عك *عك
              للاسف هى دى توكيلات مصر بس يظل هناك فروق فيما بينهم يعنى بعيد عن عك الفنيين داخل الورش اللى ملوش علاج بيبان الفرق بين توكيل والتانى فى نقطة المواعيد والنظام والحجز والحرص على اعطاءك انطباع انهم خايفين على زعلك .
              الحقيقة ده حسيته من توكيل دايهاتسو لكن طبعا ده مش كفاية لانه يظل عك الفنيين ورغبتهم فى عمل اللى على مزاجهم هو المصيبة الكبرى فى اى توكيل .
              وربنا يسترها مع الجميع

              [CENTER]
              [IMG]http://img234.imageshack.us/img234/529/runninghourserk8.gif[/IMG]


              [/CENTER]

              dr_druggist سابقاً

              Comment


              • #8
                مبروووووك يا باشا و عقبال المليون كم..
                انا كمان معايا i10 2009 و معملتش صيانة ال 1000 كم و ناوى معملش حاجه فى التوكيل بجد بهدله انك تسوق 4 ساعات و تقضى معاهم يومك و فى الاخر كل اللى بيتعمل يعمله عيل عنده 10 سنين.. انا معايا ماتريكس 2007 عملت 56500 كم من غير ما اروح التوكيل غير مره و حرمت من ساعتها و العربية الحمد لله زى الفل بتغيير الزيت و الفلاتر.. و ان شاء الله فى صيانة ال 60000 هجيب كل حاجه من التوكيل و اروح عند ميكانيكى اعرفه 100 100 يركب كل حاجه و هيكون قدامى و كفايه انى عارف شغله و نظافته.

                Comment


                • #9
                  المشاركة الأصلية كتبت بواسطة mecho_392 مشاهدة المشاركة
                  مبروووووك يا باشا و عقبال المليون كم..
                  انا كمان معايا i10 2009 و معملتش صيانة ال 1000 كم و ناوى معملش حاجه فى التوكيل بجد بهدله انك تسوق 4 ساعات و تقضى معاهم يومك و فى الاخر كل اللى بيتعمل يعمله عيل عنده 10 سنين.. انا معايا ماتريكس 2007 عملت 56500 كم من غير ما اروح التوكيل غير مره و حرمت من ساعتها و العربية الحمد لله زى الفل بتغيير الزيت و الفلاتر.. و ان شاء الله فى صيانة ال 60000 هجيب كل حاجه من التوكيل و اروح عند ميكانيكى اعرفه 100 100 يركب كل حاجه و هيكون قدامى و كفايه انى عارف شغله و نظافته.
                  الله يبارك فيك ومبروك عليك انت كمان ال i10 وربنا يباركلك فيها .

                  طبعا عين العقل ما فعلت خاصة لما تكون عربية محفوظة وسهلة للميكانيكى لكن ده بيبقى صعب لما تبقى العربية جديدة ومحدش اشتغل فيها كتير بره ساعتها بتضطر صاغرا الذهاب للتوكيل على الاقل خلال فترة الضمان .
                  ربنا يرزقك خيرهم

                  [CENTER]
                  [IMG]http://img234.imageshack.us/img234/529/runninghourserk8.gif[/IMG]


                  [/CENTER]

                  dr_druggist سابقاً

                  Comment


                  • #10
                    ياباشا الف مبروك واظاهر كدة الحلوين هيزيدو واحد انا خلاص وقعت واشتريت السيريون ياعم كنت قولتلي كدة الاول يلا حصل خير وهشوف بعينى كل اللى حكيته وامرنا لله
                    هانى محمد زكى

                    Comment


                    • #11
                      المشاركة الأصلية كتبت بواسطة hhhmmmzzzz مشاهدة المشاركة
                      ياباشا الف مبروك واظاهر كدة الحلوين هيزيدو واحد انا خلاص وقعت واشتريت السيريون ياعم كنت قولتلي كدة الاول يلا حصل خير وهشوف بعينى كل اللى حكيته وامرنا لله
                      الله يبارك فيك والف مبروك عليك انت كمان وبالتوفيق عند الاستلام وربنا معاك .
                      موضوع مركز الصيانة فده كاس وداير سواء دايهاتسو او غيره وربك بس اللى بيسترها .
                      [CENTER]
                      [IMG]http://img234.imageshack.us/img234/529/runninghourserk8.gif[/IMG]


                      [/CENTER]

                      dr_druggist سابقاً

                      Comment


                      • #12
                        مبروك...
                        معلش حصل خير الناس دى المفروض انهم كويسين ومعظم الاعضاء هنا ليهم تجارب كويسة اوى معهم بس مش عارف ليه فى اختلاف اليومين دول عموما ربنا يبارك لك فى السيارة ويصلح حالهم ويرجعوا زى الاول يارب...
                        م/على إبراهيم

                        Comment


                        • #13
                          المشاركة الأصلية كتبت بواسطة Eng_aly مشاهدة المشاركة
                          مبروك...
                          معلش حصل خير الناس دى المفروض انهم كويسين ومعظم الاعضاء هنا ليهم تجارب كويسة اوى معهم بس مش عارف ليه فى اختلاف اليومين دول عموما ربنا يبارك لك فى السيارة ويصلح حالهم ويرجعوا زى الاول يارب...
                          الله يبارك فيك واتمنى ربنا يصلح حالهم
                          [CENTER]
                          [IMG]http://img234.imageshack.us/img234/529/runninghourserk8.gif[/IMG]


                          [/CENTER]

                          dr_druggist سابقاً

                          Comment


                          • #14
                            اولا مبروك على حضرتك العربية ... ربنا يبارك لك فيها و يحفظها لك من كل سوء

                            و اخيرا لقيت حد بيهتم بالتفاصيل الصغيرة زى كده

                            لن اتحدث عن ملاحظاتى التى ربما تكون عادية وعند كل الناس مثل الاحساس بضعف وهشاشة المكونات البلاستيك الداخلية فى العربية حول الابواب او حول الفتيس وفرامل اليد وكان رد المهندس تامر على ان ده طبيعى لكن لما كلمته عن ان زجاج الابواب شكله سايب ويحتاج الى تربيط خاصة عندما تغلق الباب وانت فاتح الازاز شوية تحس انه حيقع من الباب غير صوته اللى بيخبط المهم كان رده انه محتاج تربيط ولما خرجت العربية لقيت كل اللى اتعمل انهم رشول سبراى WD40 ( وطبعا شفتهم بنفسى ) فى مجارى الازاز داخل الابواب !! طبعا زيتوا الدنيا وكل ما تفتح الازاز وتقفلوا تلاقيه خرج مزيت !!
                            طبعا ده اللى عندهم بخصوص هذه الشكوى .
                            حضرتك فى المهندس احمد معاه برضه سريون 1.5, هو قالى على حل اظن انه اوقع بدل اللى هما عملوه ده: هو اضافة جلدة داخلية تزيد من تمساك الزجاج, لأن مش معقول متبقاش قادر غير انك اما تفتح الزجاج كله او تقفله كله

                            نتمنى نقابل حضرتك فى اقرب مقابلة لنا .... و مرحبا بك فى عائلة دايهاتسو
                            [CENTER][SIZE="5"][COLOR="YellowGreen"]إن لم تستح ..... فأصنع ما شئت[/COLOR][/SIZE][/CENTER]

                            Comment


                            • #15
                              المشاركة الأصلية كتبت بواسطة معاذ الشرباصى مشاهدة المشاركة
                              اولا مبروك على حضرتك العربية ... ربنا يبارك لك فيها و يحفظها لك من كل سوء

                              و اخيرا لقيت حد بيهتم بالتفاصيل الصغيرة زى كده

                              والله يا اخى الواحد مش عارف ده عيب ولا ميزة لان النوعية اللى زينا كده بيتعبوا فى تعاملهم مع الناس !

                              حضرتك فى المهندس احمد معاه برضه سريون 1.5, هو قالى على حل اظن انه اوقع بدل اللى هما عملوه ده: هو اضافة جلدة داخلية تزيد من تمساك الزجاج, لأن مش معقول متبقاش قادر غير انك اما تفتح الزجاج كله او تقفله كله

                              نتمنى نقابل حضرتك فى اقرب مقابلة لنا .... و مرحبا بك فى عائلة دايهاتسو
                              طبعا ده حل منطقى جدا واتمنى ان المهندس احمد يكون نفذه عشان نستفيد من خبرته لانى فعلا زى ما حضرتك قلت بضطر قبل ما انزل اقفل الازاز بالكامل لانى ويمكن الناس تستغرب باستمتع بصوت غلق باب العربية بالذات لما يكون متماسك ومبطن كويس بالجلد بيبقى ليه صوت جميل تحب تسمعه .
                              وان شاء الله اتقابل معاكم فى اقرب فرصة ويشرفنى اكيد .
                              [CENTER]
                              [IMG]http://img234.imageshack.us/img234/529/runninghourserk8.gif[/IMG]


                              [/CENTER]

                              dr_druggist سابقاً

                              Comment

                              Working...
                              X