تصحيح لمعلومة خطأ بخصوص تغيير زيت السريون

[معاذ الشرباصى]

السلام عليكم و رحمة الله و بركاته

كنت ذكرت معلومة خطأ فى موضوع صيانة ال25 الف عن كمية الزيت اللى بتتغير فى المشاركة دى: المعلومة الخطا

اولا الف شكر للمهندس احمد eng_ah_xxxx

هو اللى نبهنى للخطأ ده, جزاه الله كل خير

الكمية اللى بتتغير للعربية هى 2.8 لتر بدون فلتر , و 3.1 لتر بالفلتر (الكلام ده للعربيات ال 1.3 و ال 1.5)

المعلومة موجودة فى قسم 15 بالكتالوج, صفحة 2 (15-2)

المعلومة الغلط اللى كنت قلتها كانت: 3.6 لتر بالفلتر ... أنا المعلومة دى مش فاكر اوى جبتها ازاى, بس انا كنت دورت فى الكتالوج, ده غير انى سألتهم هناك فى مركز الصيانة, و أكدوا الكمية دى و أخرها أخر زيارة!!

بعتذر فعلا عن الخطأ ده.

و المعلومة دى هتثير تسأول كبير جدا: لما المفروض يتغير تقريبا 3 لتر, ليه بندفع تمن 4 لتر؟؟؟؟!!!!

[shreif16672]

بصراحة يا أخ معاذ أنا بشكرك بشده ؛ لأنك عندما علمت أن هناك معلومة خطأ حتى ولوكانت صغيرة لم تتردد في ذكر ذلك .
أحيي فيك هذه الروح وهذا ما نعهده فيك .

[Eng_aly]

مشكور يا دكتور وفعلا انت راجل محترم :
اولا: تفضلت بالمعلومة الصحيحة ودى حاجة تدل على انك راجل امين.
ثانيا:سئلت السؤال المهم اللى اكيد فى ناس كتير هتسأله ليه بندفع ثمن 4 لتر بدل 3 لتر ؟ بلاش ليه مابيرجعوش ال8.لتر للناس "يعنى واحد زاى بالشكل دة ممكن اغير زيت فى صيانه ال35 الف من غير مادفع ال240جنيه بتوع الزيت" والله حاجة غريبة جدا ومش متوقعة من الناس دى

[أبو عبدالله]

على فكره يا معاذ العربيه بتغير 3.5 لتر
انا مغيره بنفسي قبل كده وفعلا العربيه اخدت 3.5 لتر والمقاس طلع مظبوط

[eng_ah_xxxx]

السلام عليكم جميعاً,اولاً ألف شكر للأخ معاذ, أحب أن أؤكد أن سعة السيارة الكلية للزيت هى 3.1 لتر بنزين وهذا كلام كتالوج السيارة السيريون وأيضاً فى كتالوجات السيارات الاخرى التى تستعمل نفس الموتور بالرقم وهى التويوتا افانزا 1.5 ,دايهاتسو ماتيريا ودايهاتسو تيريوس وايضاً كلام من فنى قديم داخل التوكيل نفسة أفضل عدم ذكر اسمة الان وزيادة التاكيد أستطعت أن اصل إلى كتالوج السيريون 1.5 باللغة الأنجليزية من على النت وهو يقول نفس الكلام,على فكرة جميع التوكيلات تقريباً فيها نفس المشكلة وهى عدم الالتزام بالكتالوج الذى كتبة صانعى السيارة أنفسهم!!,
يوجد مفاجاة اخرى بخصوص التعديل فى عفشة السيريون سوف أذكرها بالتفصيل فى الوقت المناسب عندما يصلنى التأكيد الاخير من داخل التوكيل عن طريق أحد الفنيين للعلم أننى متأكد حالياً بنسبة 90% ولكنى لا اريد ذكر شئ ألا عندما أكون متأكد بنسبة 100% للمصداقيه

[eng_ah_xxxx]

أعتزر عن كتابة 3.1 لتر بنزين بالخطأ المقصود 3.1 لتر زيت

[Eng_aly]

على فكره يا معاذ العربيه بتغير 3.5 لتر
انا مغيره بنفسي قبل كده وفعلا العربيه اخدت 3.5 لتر والمقاس طلع مظبوط

ابو عبد الله عندة حق الرقم دة مظبوط .....بس فعلا بردة بيبقى باقى شوية من اللتر الرابع ممكن يكونوا مش مهمين اوى

[eng_ah_xxxx]

يا جماعة دة كتالوج السيارة من الصانعيين انفسهم ويقول 3.1 لتر بالفلتر ,كيف يكون هناك شك فى الرقم بعد ذلك!!!,أنا فعلاً مندهش أن يكون هناك مجال للشك بعد الكتالوج والنت, أرجو أن تكون طريقة القياس صحيحة!!!!!!!

[معاذ الشرباصى]

على فكره يا معاذ العربيه بتغير 3.5 لتر
انا مغيره بنفسي قبل كده وفعلا العربيه اخدت 3.5 لتر والمقاس طلع مظبوط

ابوعبدالله

أنا مرة اضطريت اغير زيت بره, و حطيت 3.5 تقريبا, و كأن العلامة عند ال max

لكن دلوقت احنا بنتكلم على كتالوج العربية اللى منزله الصانع ... هو ادرى بعربيته.

ده انت تقدر ترفع عليهم قضية لو أى حاجة حصلت للعربية طول ما انت بتتبع التعليمات بتاعتهم.

أنا بس حبيت اصلح معلومة غلط انا قلتها, و طبعا كل واحد بيعمل اللى شايفه صح او مناسب له.

دلوقت الكل عارف ان الصانع يوصى ب 3.1 لتر بالفلتر, و دى اهم حاجة.

حضرتك حاول تدور على اضرار الزيت الزيادة

ده موقع لقيت عليه شرح للموضوع بصورة ممتازة



لينك الموضوع: carbibles

و ده اهم مقطع خاص بزيادة الزيت

What happens when an engine is overfilled with oil?

So you topped up the engine when it was warm after getting a faulty dipstick reading, or you put too much oil in when you changed it yourself. What's the worst that could happen? Well the problem with this is that the next time the engine is run, the windage in the crankcase and other pressures generated by the oil pump, etc. place a great strain on the seal on the rear main bearing.
Eventually, often much sooner than the ordinary man in the street might expect, the rear main bearing seal ruptures, and the engine becomes a 'leaker'. If you've got a manual gearbox, this means one thing: this oil goes right onto the flywheel and the face of the clutch disc. A lubricated clutch is A Bad Thing. If this still goes unnoticed, the front seal is the next to go, and the engine then becomes a 'gusher' (or to be more colourful, it starts pissing oil all over the place). As well as smothering the clutch with oil from the rear, the oil now coming from the front leak will be neatly distributed about the engine bay as it hits the front pulley - often propelling it out as far as the brake discs. At the same time as this Hollywood disaster movie is unfolding outside the engine, things aren't working out any better on the inside. As you can see from the diagram, the correct oil level is really close to the rotating crank. Overfilling will mean the crank dips into the oil and churns it into a froth. Froth is good on certain types of coffee but not good in an engine. The mixture of aerated oil will be forced into the bearings and in case you didn't know, air is not a lubricant. Typically this means that bearing damage will follow quite rapidly, especially if you are driving on a motorway. You'll know bearing damage when you get it. The engine smells like a garage mechanic cooking over an open flame and the noise coming from the engine is the sort of thing you'd normally hear in vaudeville plays when a piano is pushed down a flight of stairs. As if that all wasn't bad enough, the excess oil gets thrown up into the piston bores where the piston rings have a hard time coping with the excess oil and pressure. It gets into the combustion chamber and some of it will get out into the exhaust system unburned resulting in a nice patina of oil all over the platinum surfaces of your catalytic converter. This renders it utterly useless for good.
Well, you did ask.

الصورة لشرح موضوع الزيت

[ows212]

النهاردة الصبح قبل ما ادور العربية قست الزيت لقيته اعلى من الماكس
وده يؤكد كلام معاذ

[أبو عبدالله]

يا معاذ انا لا انكر كلام الكتالوج ولا اقصد من كلامي اني معارض
انا بتكلم على اللي حصل معايا بره التوكيل
اني لما حطيت بره حطيت 3.5 لتر وطلع القياس مظبوط
انا حبيت اقول بس اللي انا جربته

فياريت الناس متبقاش متحفزة كده
يعني انا مغلطتش في حد ولا ايه
براحه يا أخواني وركزوا في الكلام
*************
ربنا يهدينا



______________________
لقد خالفت القاعدة رقم (13) من قواعد المنتدى لذا يتوجب حصولك على (تنبيه ).

يرجى مراجعة قواعد المنتدى

مشرف القسم

[معاذ الشرباصى]

يا معاذ انا لا انكر كلام الكتالوج ولا اقصد من كلامي اني معارض
انا بتكلم على اللي حصل معايا بره التوكيل
اني لما حطيت بره حطيت 3.5 لتر وطلع القياس مظبوط
انا حبيت اقول بس اللي انا جربته

فياريت الناس متبقاش متحفزة كده
يعني انا مغلطتش في حد ولا ايه
براحه يا أخواني وركزوا في الكلام
*************
ربنا يهدينا



______________________
لقد خالفت القاعدة رقم (13) من قواعد المنتدى لذا يتوجب حصولك على (تنبيه ).

يرجى مراجعة قواعد المنتدى

مشرف القسم

ابوعبدالله

انا صراحة مش عارف ايه اللى حصل علشان حضرتك تكتب كده ... مش شايف ان فى حاجة اتكتبت او حصلت تستدعى الكلام ده!.

على العموم الغرض الاساسى من ماقشاتنا هنا هو الوصول للمعلومة الصحيحة علشان الكل يستفيد, مش الغرض مين قال كلام صح, و التانى غلطان و نحسب نقط و الكلام ده ... كلنا اكبر من كده بكتير

غرضنا كلنا المصلحة العامة فقط.

دلوقت حضرتك لما م/احمد مشكورا صلح المعلومة, صلحها من كتالوج السيارة, اللى هو اعلى مرجع فيه معلومات عن العربية, و اى خلاف بينا بنرجع للكتالوج للوصول للمعلومة الصح.

يبقى دلوقت بعد اما قلنا بتاخد 3.1 لتر من كتالوجها, حضرتك تقول هى بتاخد 3.5 لتر!!

يعنى مرجعنا التجربة الشخصية لفرد واحد او اتنين, و لا كتالوج الصانع؟!

و اظن من احسن المواضيع اللى فصل فيها الكتالوج فى خلاف كان دائر هنا فى منتدى ديهاتسو عن السريون 1.0 و البنزين بتاعها و كان مكتوب انه موصى لها بنزين 90 ... و ساعتها محدش يقدر يقول و الله انا بحط لها 80 و بتمشى زى الفل.

موضوع السريون 1.0


صانع السيارة قال من بنزين 90 و انت طالع, يبقى خلاص, اللى عاوز يحط 95 يحط, اللى عاوز 80 برضه هو حر... بس يتحمل عواقب قراره الشخصى, و ميفرضش رأيه ده على حد.

أنا عن نفسى مكنتش مقتنع بسبب نسب الانضغاط, لكن بما ان الكتالوج مكتوب فبه كده, يبقى مفيش كلام بعده يتقال ... انا بقى عاوز زيادة حرص استخدم حاجة اعلى دى حاجة تخصنى.

الموضوع عمره ما كان شخصى, و لا لأغراض دفينة ... الغرض الاساسى هو المنفعة العاملة للكل بغض النظر مين اللى قال المعلومة.

اتمنى اكون قدرت اوضح وجهة نظرى يا ابوعبدالله :k10:

[MoToRiZeR]

انا مرة ايام ما كان الحجز في الصيانة بياخد شهور برضه إضطريت أغير الزيت برة .. و أخد 3 و نص لتر مع تغيير الفلتر و المؤشر علي ماكس من وقتها .

هل أنزل شوية زيت يا جماعة ولا أعمل إيه ؟

[عمرو عمارة]

ده وضع المؤشر في الكاتالوج

[MoToRiZeR]

طب ليه التوكيل بيعملها علي ماكس !!؟