عندى مشكلة خطيرة يا مهندسين التوكيل ارجو الافادة على وجه السرعة

[koki77]

العربية بتاعتى جين 2 2006 وماشية 43الف ك حصل فيها ان العربية فيها 2سلندر مش شاغلين وطبعا رحت لمكانبكى على الطريق وانا مسافر وقال لى ان الموبينة بايظة و بالفعل بعت اشتريت واحدة من القاهرة وركبها وبردو العيب لسه موجود فالمكانيكى قالى ان العربية محتاجة جوان وش سلندر فطبعا لم اعمل شى دون الرجوع اليكم عاوز اعرف اذا كانت السيارة فى الضمان ولا خلاص كدة ولو غير ذلك هاتكلفنى كام فى تصليح وش السلندر وفين حتة اصلحها بالضبط واروح فين واجى منين انقذونى

[MuhammedSoliman]

يا أخي العزيز الضمان فى التوكيل لغاية 60 ألف على العربية عموما و 100 ألف كيلوا على الموتور يعنى فى الضمان

تحياتى

[SaMeR-PrOtOn ‎]

طول بالك يااخي انت لسه في الضمان و لازم تروح لعند عمو عز فورا وتركب القطع الاصلية عنده وبالنسبة للاسعار ماعندي فكرة بس ممكن تسال الاستاذ/توت أو الاستاذ/ايمن وان شاء الله يساعدوك تحياتي لحضرتك ويارب التصليح مايكلفك كتير

[tutankhamoun]

المشكلة دي يا إما موبنية أو وحدة التحكم الآلي ECU
و لأكتشاف المشكلة الأساسية يجب الذهاب للتوكيل للكشف على السيارة
و أعتقد أنك لسة في الضمان و يجب أن تذهب بأقصى سرعة لحل المشكلة

[m.3abdel3al]

لازم حضرتك تروح التوكيل بسرعة و ان شاء الله المشكلة هتتحل

[KHALED AYMAN]

طيب يا جماعه ازاى العربيه فى الضمان و الراجل غير الموبينه برا التوكيل ؟؟؟؟؟

[kloda]

التوكيل ياباشا انت لسة في الضمان

[Ayman_52]

طيب يا جماعه ازاى العربيه فى الضمان و الراجل غير الموبينه برا التوكيل ؟؟؟؟؟

ماهو شكله اتصرف بسرعه...بس المفروض مادام فى الضمان ماتغيرش اى حاجه برا التوكيل...عشان عمو عز مايخرجكش برا الضمان.



واستاذ/koki77 ..ياريت حضرتك تروح التوكيل فى اقرب وقت...وياريت قبلها تسال هل موضوع تغيير الموبينة بيخرج برا الضمان ولا لا...عشان لو كده تحاول ترجع الحاجه القديمه كانك ماغيرتش حاجه قبل ماتروح لعمو عـز.

وربنا يوفقك والجينا تتصلح وترجع زى الفل ان شاء الله.

[mohamed el hussien]

انت ضمانك 60 الف او 3 سنين علي العربية كلها
والموتور والفتيس 100 الف او 5 سنين
فا متقلقش ان شاء تتعمل في التوكيل
ولما تروح متقولش ولا تجيب سيرة انك عملت حاجة برة عشان
دول ما بيصدقوا في الحاجات المكلفة دي