إكشف على أي سيارة مستعملة قبل ما تشتري كويس ومتصدقش كلام حد

[ahmed1981]

إكشف على أي سيارة مستعملة قبل ما تشتريها كويس ومتصدقش حد
حتى لو قالك العربية فابريكة وحلف ألف يمين
ولازم يبصلك عليها سمكري ناصح :D وميكانيكي فالح :D

السبب أني كنت من مدة بدور على جولف 2 موديل 90
ولفيت الدنيا
وفي يوم في سوق السيارات بمدينة نصر لقيت واحدة لونها أبيض ونضيفة جداً
سألت صاحبها قالي العربية فابريكة ومفيهاش أي مشاكل وقال الدواخل فبريكة
قلتله بكام قالي 39 ألف المهم إتفقنا على 37 ألف
قلتله يلا نطلع من السوق وأوديك البيت وأديك فلوسك
المهم جه في بالي أوريها لواحد معرفة بيبيع قطع جولف إستيراد رحت طالع عليه
وقفت وندهتله وسألته (بص في العربية ومدققش وقال العربية دي راكبلها نص أمامي)!!!
صاحب العربية زعل وقال عربيتي إتهانت ومشي؟

بعد مدة قابلت الراجل بتاع قطع غيار المستعمل فقالي
أنا ما قلبتش في الشاسيه ولا حاجة لأن المشكلة إن الراجل اللي كان بيبعلك العربية زبوني وواخد النص القدماني من عندي بعد ما عمل حادثة فظيعة إتعالج منها أربع شهور!!!!!!!!!!!

فاحذروا أيها الأحبة من الغشاشين والكذابين وما أكثرهم في هذا الزمان

[Ahmed Anwer]

لا حول و لا قوة إلا بالله
بس يا تري كام واحد فينا لما بيجي يبيع عربيته بيقول الحقيقة و كام واحد بيكدب و يقول ده بيع و شرا
أنا شخصيا باهرب من الموقف ده و ابيعها لتاجر أو ميكانيكي

[hazem_khidr]

حسبي الله و نعم الوكيل في الناس الغشاشه دي.
يعني ما فكرش في لحظه في عقاب ربنا لما يبيع حاجه معيوبه زي دي و الضرر اللي ممكن يجي علي المشتري بعد كده.
شكرا للنصيحه :)

[محمد البحيري]

فكرتني بالذي مضي
انا بقي كنت رايح مع واحد معرفه بس مش اوي وداني لمعرض وقالي ايه رايك في العربيه دي (128)ها حلوه؟
بصيت كده وقلتله دي داقه في القايم قالي برافو عليك قلتله والله وانا الي مستامنك يعني لو كانت معموله بنضافه شويه كنت لبستني فيها
وقال ايه معرفه
:( :( :( :( :( :( :( :( :( :( :(

[أبو_حمزة]

قبل ما اشترى عربيتى كنت ها أقع وقعة زى دى
واحد معرفة جارى عمل لى البحر طحينة فى عربية كورولا 93
العربية فابريكة من جوه و معظم بره و صاحبها رافعها مش عارف كام سنة و مسافر عشان كده هايبيعها و كلام من ده
المهم كلمت ابن خالى و هو خبير قديم فى السيارات و كل العيلة لازم ترجع ليه قبل شراء أى سيارة مستعملة بس للأسف كان مش فاضى
انا افتكرت ان العربية لقطة و قلت بلاش تأخير بس برضه الحرص واجب
طلبت من الراجل نروح على بنزينة موبيل الهرم عشان فيها ناس كويسين نكشف على العربية ووافق
أول ما دخلنا الفنى قال له ادخل هنا نقيس كبس الموتور رفض وقال البطارية بايظه و كش ها تدور العربية
طب احنا جايين ليه
قال اكشف على العفشة أهم حاجة والباقى بعدين
الراجل اللى ماسك المحطة ما عجبوش و حس ان صاحب العربية بيستهبل
فقال انا مش ها أكشف على حاجة و حاجة لأ صلح العربية و تعالى و روحنا على أساس نتقابل تانى يوم
كلمت ابن خالى قال كده مش تمام و اطلب من الراجل تكشف فى التوكيل
و فعلا كلتمه و قلت له نروح التوكيل ( و كان قريب منه) قال السكة زحمة و انا ما أعرفش الحتة دى
و لما قرصت عليه تخيلوا قال ايه
التوكيل بيطلع القطط الفاطسة و بيوقع العربيات و رفض
قلت له مع السلامة و كويس لحد كده

[fahd_628]

لا حول ولا قوة الا بالله

:shock: الناس دية معندهاش ضمير

[ابوحميد]

حسبى الله ونعم الوكيل
وفيها ايه لما يقول انها فيها عيب كذا وعملها كذا وكذا
حتنزل كام الف لكن الفلوس اللى حتيجة منها ربنا حيباركله فيها ومش جاية من كذب وغش
والله المستعان

[Ahmed Anwer]

و لما قرصت عليه تخيلوا قال ايه
التوكيل بيطلع القطط الفاطسة و بيوقع العربيات و رفض
قلت له مع السلامة و كويس لحد كده

ما هو صاحب العربية ليه وجهة نظر برده ، الله أعلم العربية فيها أيه
بس مش منطقي إنك تكشف علي عربية موديل 93 في التوكيل يقولك فيها كذا وكذا من الحاجات اللي طبيعي تكون في عربية من سنة 1993و طبعا ساعتها هتنزل في سعرها عن سعر السوق
بس أنا لو مكانه أقولك العربية اهه أعمل اللي انتا عايزه و أنا طالب كذا لو عاجبك

[Abdallah]

لما جيت ابيع عربيتى كان واقف معايا واحد صاحبى تاجر وانتقدنى لما قلت للراجل الى بيشترى ان الفتيس فيه صوت ونة!!!
الراجل خد العربية وصاحبى راح معاه ولف على الصنايعية بتوعه وفرجهم على العربية ورجعلى وخلصنا والحمدلله, والحمدلله لما جيت اشترى الدايو ربنا وفقنى لعربية ممتازة فى الحالة وما تتخيرش عن الى قبلها, انت لما بتعامل ربنا صدقنى ربنا مش هيوقعك فى حاجة وحشة وهيكرمك ان شاء الله ومن غير لف ودوران الامانة جزء لا يتجزء من الاخلاق والايمان.

[أبو_حمزة]

بس مش منطقي إنك تكشف علي عربية موديل 93 في التوكيل يقولك فيها كذا وكذا من الحاجات اللي طبيعي تكون في عربية من سنة 1993و طبعا ساعتها هتنزل في سعرها عن سعر السوق

لما قال لى ان التوكيل ها يوقع العربية انا قلت له انى عارف انها عربيه مستعملة و عمرها اكتر من 10 سنين
و فى حاجات طبعا أقبلها (الحاجات اللى مش تعيب العربية) بس هو كان عايز يكروت و كمان رفض يرجع لنفس البنزينة
ربنا يهدى الجميع
و على فكرة انا لما جيت ابيع العربية القديمة كنت عامل جدول صيانة و كاتب كل اللى اتعمل فى العربية و كمان كاتب كل الحاجات اللى عايزة تتعمل و العيوب اللى فى العربية و سلمت كل ده للمشترى حتى هو نفسه ضحك وقال لى هو فى حد يعمل كده انت مش عايز تبيع واللا ايه
و ما أظنش ان اللى عملته ده فيه حاجة أكتر من الواجب وديننا بيقول لازم أقول على عيب السلعة قبل ما اتمم البيع و ألا يبقى باطل و الله أعلم

[tmz9111]

لا حول ولا قوة الا بالله

[sherifbm]

انا اضحك عليا فى حاجات بسيطة زى الكاوتش الى قالى علية جديد و لقيتة فية شنمبر من جوة و مش شغال تيبولس و كمان التكييف قالى شغال كويس و انا ما جربتوش و طلع فية خمس اخرام فى السربنتينة و عايز يتلحم و يتشحن و الكاسيت طلع بيقطع و بس غير انة بايع لى غالى شوية عن السوق عشان مغير العفشة كلها.
المهم انى ما دققتش فى حاجة غير العفشة و الماتور و الشاسية و الحاجات المهمة و سيبت الحاجات الصغيرة و ما تخيلتش انة يكدب فيها ربنا يسمحة هو كدة نصب عليا فى حوالى 500 جنية
بس هو مش مبلغ كبير فا انا مش زعلان بس نصيحة اكشف على كل صغيرة و كبيرة بنفسك و اسال على السعر كويس فى السوق قبل ما تشترى عشان الضمير فعلا قل

[bee]

كلام سليم 100%

انا البوهيجي بتاعي بقاله 3 ايام شغال في عربية اوبل كانت عامله حادثة ع الطريق والعتب والقايم الي في النص ضايعين وراحت لسمكري حمار معرفش يظبطهم اتفرجوا عليهم دلوقتي
فابريكةةةةةةةةةةةةة حتى الزنب عملها مش اسمها زنب بردو

لازم تاخد بالك كويس اوى اوى اوىىىىىىىىىىىىى

[abzoabzo]

لا حول ولا قوة الا بالله

يعنى خلاص الكدب بقى هو الاساس
ربنا يحفظنا من الناس ده ويباركلهم

[ringoo84]

منه لله الحمد لله ان حضرتك مخدتهاش...........