خشو شوفو عملت اه في صيانة ال 10000 كيلو

[m.3abdel3al]

انا يا جماعة لسه راجع من التوكيل الي في العجوزة ( ورا مسرح البالون وجامد مدا على فكره ) و عملت صيانة ال 10000 كيلو وكله تمام الحاجات الي عملتها
1.حطيط زيت 5000 كيلو
2.غيرت تيل الفرامل ( ادي اخرت اللعب بالعربية )
3.كان في كلبس واقع في الاقصدام ركبته
4.جلد الباب كن اتفك وعمله
5.بص على العفشة اصلي بلعب بالعربية كتير
----------------
الحساب= 620 جنيه مصري ورقه واحده

و خلصت في حوالي 30 دقيقة
ومن غير ما احجز ولا اي حاجة
وعلى فكرة جربت التيل بعد الصيانة على طول ولعبت بالعربية قدام مركز الصيانة والتيل 100 % و لا تزيق ولا حاجة و الفرامل جامده

[M.almaghraby]

الف مبروك يا باشا ................

عقبال ال 300,000 إن شاء الله


و ايه اخبار التيل الجديد.........؟؟

بس انتا غيرتوا بدري اوي كدا يا مان .....

كل دا عشان ال donutsالي بتعملها :]:]:]

[Abdo_Eldesokey]

مبروك عليك الصيانة يا باشا ودايما ً كده ربنا يمتعك بصحتك وعربيتك

بس معلش سؤال ...

مش قليل أوي 10000 كيلو على تيل الفرامل ... حتى لو كان استخدامك عنيف ؟؟

[m.3abdel3al]

انا اتصدمت وهو بيقولي عايز تغير تيل فرامل ؟؟؟؟؟!!!!! الي هو هيمشي معاك بس مش هيكمل لل 15 الف فا انا قلت غيره باه و خلاص خاصة ان انا بنزل من اسماعلية

[m.3abdel3al]

الف مبروك يا باشا ................

عقبال ال 300,000 إن شاء الله


و ايه اخبار التيل الجديد.........؟؟

بس انتا غيرتوا بدري اوي كدا يا مان .....

كل دا عشان ال donutsالي بتعملها :]:]:]

نعمل اه باه يا محب الشيطان شاطر و الاغراءات بتسخن الواحد

[bishoy02010]

ههههههههههههههههه انتة محرمتش ههههههههههههههههه
ربنا يوفقك فى عربيتك وتفضل مظبوطة معاك :)
نصيحة ومتفهمنيش غلط حاول لما تلعب خليك على أرض رملة بالتقريب هتقلل 50% من نسبة التلفيات :)

[m.3abdel3al]

ما انا بفكر وانا بلعب اجيب رملتي معاية ؟؟؟؟؟؟؟!!!!!
هههههههههه ( ان شاء الله و شكرا ليك )

[bishoy02010]

ما انا بفكر وانا بلعب اجيب رملتي معاية ؟؟؟؟؟؟؟!!!!!
هههههههههه ( ان شاء الله و شكرا ليك )

تصدق نفس الفكرة جاتلى بس معملتهاش عشان عند كليتى كده كده فيه احلى رملة :) ههههههههههه
وفيه كام مكان تانين زى الفل لما الواحد بيروح يلعب فيهم بس :( العربية خلاص قربت ........ :)
ههههههههههه المشكلة زى مقلت والشيطان شاطر ولو مفيش رملة بتتبهدل جامد :( :( :(

[m.3abdel3al]

ههههههههههههه مش انا بقولك المشكلة مش فينا المشكلة في العربية يعني لو معانه 128 كوبيه كابورليه مش كنا احترامنا نفسنا و مشينا على جنب في الشارع

[bishoy02010]

ههههههههههههه مش انا بقولك المشكلة مش فينا المشكلة في العربية يعني لو معانه 128 كوبيه كابورليه مش كنا احترامنا نفسنا و مشينا على جنب في الشارع

لالالالالا صدقنى بردة مكناش هنحترم نفسينا انا عرفنا هههههههههههههههه لو معانا توكتوك والصراحة اى رملة بشوفها مبمسكش نفسى والعربية خلاص حفظت تشوف اى رملة فى الشارع ايا كانت هيا بقت عارفة بتروح لوحدها وتعمل اللى ربنا يقدرها عليه ههههههههه

[bishoy02010]

لو لقيت حل لموضوع الشيطان شاطر ده ابقى قلى عليه عشان العربية خربت وانا زهقت من كتر مبغير حاجات فيها هههههههههههههه

[m.3abdel3al]

انا عندي حل اول ما تيجي تلعب افتكر تمن التيل و مشوار الصيانة هتبطل لعب دا مش بعيد تنزل من العربية و تروح مشوارك مشي !!!

[MuhammedSoliman]

بص يا جماعه موضوع الرمله ده عمل لى عقده لدرجة اني فكرت ابعد عن اي طريق فى رمله والشيطان ده منه لله ويا سلام وانت ماشي براحه كده ودخلت على الرمله ورحت زاغد البنزين زغده وصوت الموتور والكويتش يعلى والار بر ام يعلم معاك وتحس انك بتاكل الارض
تحياتي يا محمد على المشاركة

[SaMeR-PrOtOn ]

الف مبروك ياباشا وربنا يباركلك فيها وعقبال صيانة 1000000
تحياتي

[m.3abdel3al]

شكرا على رد حضرتك