تحذير من التعامل مع محل

[M.Mostafa80]

ياجماعه أنا بحذركو من التعامل مع الفرع ده أخدت منهم تيل فرامل المهم التيل طلع بيصفر رجعتلهم تانى تخيلو الى واقف فى المحل يعمل أيه يجيب واحد ميكانيكى فك العجل وبص على التيل قالى يابيه التيل مبلط قلتلو يعنى ايه مش فاهم قالى يعنى حضرتك جبت مياه على التيل وهو سخن قلتلو ودا علاقته أيه بالتصفير قلتلو دا عيب تيل ملهوش دعوه بالمياه ولا غيرو ما عربيات مصركلها بيجى عليها ومدام التيل نضيف عمرو مايصفر ثم على حسب معلوماتى البسيطه المياه مع السخونيه تخرب طنابير مش تيل طبعا هو كان بيخلع من الحوار حتى الواد الصنايعى مكنش مقتنع بالي بيقولو الراجل دا حتى المحل الى جنبو بتاع الأوبل بقى بيبص للراجل ونفسو يتكلم بس مرديش من الأخر الفرع ............*أنا حبيت أنصح أخوانى وعلى فكره لا هتعامل مع الفرع ده ولا غير مفيش غير الشهابى فى نفس الشارع والصفوه فى شارع رمسيس الناس دى محترمه على فكره بردو لو الحاجه أصلى يقلك أصلى لو مضروبه يقول مضروبه ويكفى ان الموقف دا لما حصل معايا من فتره عند الصفوه ورجعتلهم كانو محترمين وغيرولى التيل على طول من غير مشاكل أحذرو الله ما بلغت الله مافشهد

توضيح إداري :
نفس المحل قام بتغيير التيل لنفس العضو بعد ذلك
والعضو قام بتوجيه شكر لادارة الشركة
تم تعديل العنوان لعدم التشهير

[original]

طالما مفيش أمانة يبأا هوا الخسران...

[ahmed1981]

ياجماعه أنا بحذركو من التعامل مع الفرع ده أخدت منهم تيل فرامل المهم التيل طلع بيصفر

هل هو تيل صيني ؟؟؟

[M.Mostafa80]

للأسف التيل ريمساأسبانى بس الله أعلم الى يعمل كدا يبقى ممكن يكون ضارب العبه ومكان الصناعه كمان لأن ريمسا محترم وما بيصفرش

[umoussa]

محدش بيشتغل في الريمسا الأصلي غير أشرف سمير صاحب محل الصفوة إلى في شارع رمسيس أدام السنترال

ونصيحة التيل الرمسا ده صبته ناشفة التيل الأتي أنضف منه 100 مرة وعمرة ميصفر لو أصلي مش مضروب.

عدي انت بس كده على عمو أشرف وهو حيظبطك وبعدين منا قولتلك قبل كده حد تاني غير أشرف = ضرب وحلفان انه أصلي

مفيش فايدة مش عايز تصدق

[ehab_mansour]

+10000000000
الف شكر يا استاذ محمد علي المعلومة دي

انا كمان اشتريت من عندهم بلية شداد كاتينة ب 250 جنيه وقلي انها كندي اصلي وركبتها وبعدها بأسبوع خلعتها لأنها مضروبة وبايظة والشداد بتاعها ضعيف جدا وركبت القديمة تاني وشكرا

طبعا البلية مضروبة + السعر غالي جدا + عدم أمانة في العمل = مستحيل أتعامل معاهم تاني حتي لو اللي عندهم مش عند غيرهم .

وجزاك الله خيرا علي تنبيهك

شكرا على التحزير و هو الخسران

[cheeez]

ممكن اعرف عنوان و تليفون محل الصفوة؟؟

[saidbakr]

مشكور جداً يا باشا...

[M.Mostafa80]

الصفوه موجود على شارع رمسيس الرئيسى فى منطقه التوفيقيه التليفون هبقى أديهولك فى مشاركه تانيه أن شاء الله لأنو الحقيقه مش تحت أيدى دلوقتى