لا داعى للأسف يا أستاذ هانى :) أنت تنورنى و تشرفنى بمشاركتك. أنا أؤيدك فى كلامك , كلام سليم 100 فى 100 و للأسف فى ناس مستهترة جدا فى هذا الموضوع , تجد الطفل جالس فى الأمام و طبعا مش رابط الحزام , أو قاعد مع والده بيسوق العربية معاه !!!! قمة فى الأستهتار (و كلام تانى مش عايز أكتبه هنا ) فكرت كذا مرة أنبه ناس بتعمل كده و بعدين قولت طالما سمح بذلك - يعنى مفيش مشكلة العيال تقعد قدام و تلعب بالدركسيون و البيه مشغول كمان بيتكلم فى المحمول - أكيد أكيد مش هيتقبل كلامى و هسمعلى كلمتين أنا فى غنى عنهم. فياريت يا جماعة لو حد يعرف حد بيعمل كده يبنبه بمده خطورة هذا الموضوع و عواقبه الوخيمة و الحادثة - لا قدر الله - بتحصل فى ثانية رجاء رجاء رجاء الأطفال دون سن ال 12 يقعدوا ورا و رابطين الحزام من فضلكم. و لغايت ما يكبروا و يتجوزوا يقعدوا برده ورا :D و ربنا يكفينا شر الطريق.
شكرا جزبلا لك يا أستاذ هانى مرة أخرى لأنك أتحت لى الفرصة لكتابة هذا الكلام. و السلام عليكم و رحمة الله و بركاته.
المفضلات