برنامج ross-tech

[M.Mostafa80]

لو حبيت أجيب البرنامج والكابل أجيبه من الصين ولا من أمريكا ولو فى حد يقدر يساعدنى فى الموضوع يبقى كتر خيره هوتقريبا عامل 250$وأكون شاكر ليكو أنا نزلت المانيول يوزر بتاعو والنسخه التجريبيه من على النت بس طبعا مش هتبقى زى البرنامج المرخص

[M.Mostafa80]

ياجماعه محتاج حد يساعدنى بجد

[umoussa]

الموضوع مش كده خالص

أولاً Ross-Tech هي الشركة الأصلية المصنعة لكابل الكشف على العربية بس الكابل ده غالي، بس غالي ليه؟

1. لأن الشغل كله في الكابل مش في البرنامج
2. الكابل محمي بهاردوير دونجل وده معناه مفيش كراك للبرنامج
3. لو حتى جبت كراك مش حيشتغل إلا على الكابل بتاعه
4. الكابلات بتاعة الصين مينفعش تعملها أبديت (Update) بمعنى إن تاريخ شرائك للكابل هو تاريخ أخر إصدار للبرنامج والكابل ولو نزلت أي عربية جديدة أو بروتوكول اتصال جديد البرنامج والكابل زي قلتهم ومش حيعرفوا يتعاملوا معاه.

أن مشتري الكابل ده من 2005 ولحد دلوقتي كل متنزل نسخة جديدة بنزلها عادي وتشتغل لكن الصيني طبعاً في المرجيحة.

كل سنة الكابل بيحتاج تغيرله الفيرموير (Firmware) بتاعه علشان يقدر يتعامل مع بروتوكولات الاتصال الجديدة

ضمان روس تيك موجود إنسى بقى الحاجات الصيني

عن تجربة شخصية مع منتجات صيني!!! أسوء جودة وأسوء خدمة وغالباً برامج مضروبة مبتشتغلش وحتلبس فلوس ويسترن يونيون وفلوس الشحن والجمرك وحتاخد منتج تحته في الزبالة..

لو عايز تشتري عليك وعلى روس تيك على طول بدون تفكير

بس الكابل غلي دلوقتي
بتاع 350 دولار + 70 دولار شحن بفيدكس + 400 جنيه جمرك هنا

بس حتشتري حاجة تعيش وتشتغل

معتقدش الأخوة في المنتدى هنا حد معاه الكابل ده غيري ولو حد معاه حتلاقي كلامه زي كلامي

[speed4speed]

ممكن اعرف ايه الى انتم بتتكلمم عليه دا ؟؟

[original]

م/ أسامة عنده حق بس لو عندك حد فى أمريكا يبأا الكابل مش هيكلك أكتر من تمنه سواء 250 أو 350 دولار..
خليت واحد صاحبى جابلى كابل صينى من أمريكا ب 15 دولار يعنى حدود 80 جنيه مصرى وشغال مش بطال والبرنامج نزل من موقع ross tech واشتغل عادى وبيعمل كل حاجة فى البولو 98 وجربته على أوكتافيا A4 وشغال بس بفكر أجيب الأصلى طالما هيكلفنى فى حدود 1500 جنيه بس طبعا مش هشتريه عشان عربيتى!! ده لما أفكر أكشف على العربيات اللى تيجى فى سكتى..

http://www.alpha-bid.com/vagusb.html

[M.Mostafa80]

أنا نزلت البرنامج بس لسه طبعا ماجبتش الكبل وهسعى فا الموضوع ده وربنا يكرمنى
فطبعا مش عارف أذا كانت النسخه الى عندى هتشتغل ولا لأ والحاجه التانيه أى هحتاج حد يعلمنى أزاى أستخدمو لما أجى الأسكندريه هرخم عليك و اخليك تعلمنى يأما بقى هرخم على أسامه

[ehab_mansour]

ربنا يوفقكم يا جماعه هو ده الشغل

والله الموفق ولما توصل يا محمد لحاجه ابقي عرفنا وربنا يعينك

ممكن اعرف ايه الى انتم بتتكلمم عليه دا ؟؟

ممكن اعرف ايه دا و بيعمل ايه ؟؟؟؟؟؟؟؟؟؟

[M.Mostafa80]

ياباشا دا برنامج لكشف الأعطال فى الفولكس والسيات والأسكودا والأودى

[original]

ربنا يوفقك وعلى فكرة سهل مش صعب..