ممكن أعرف أيهما أفضل ؟ النيو سيراتو ولا الجين تو ..من فضلكم

[bolty55]

الحقيقة انا واخويا بنفكر نجيب حاجة جديدة . وكنت محتار بين الجين 2 والنيو سيراتو وكنت عايز اعرف رأى اعضاء المنتدى فى كل حاجة عنهم والفرق بينهم ....؟
تحياتى
بلطى

[ghazy12]

النيو سيراتو بلا منازع بس الفئة السعرية مختلفة خااالص...

[m.3abdel3al]

هي النيو سيراتو جامده و الشكل الجديد جامد بس ما عرفش ليه انا بتجه ناحية الجين تو و انت كمان شوف احساسك بيوديك نحية اه

[Eng. Rafy Samy]

لو حضرتك بتتكلم على السيراتو Lx لأنها الاقرب في السعر فأكيد السيراتو تكسب
ولكن لو اي فئة تانية فمينفعش المقارنة لأن الفئة السعرية مختلفة تماماً..؟

[ahawit]

والله أنا شايف أن الأتنين حلويين بس السعر فى صالح الجين 2 وخصوصا ان فيها air bags & abs & EBD وده طبعا مش مموجود فى السيراتو ال LX وعموما صلى استخاره وربنا يرزقك الخير.

[Osama.shihata]

السيراتو الجديدة معدية 125000 جم
وطبعا تحفة
اما الجين 2 اخرها 91000 جم
وطبعا جميلة
بس السيراتو تكسب طبعا بس منساش فرق السعر مش كدة ولا ايه

[PoweRPassioN]

السيراتو الجديدة معدية 125000 جم
وطبعا تحفة
اما الجين 2 اخرها 91000 جم
وطبعا جميلة
بس السيراتو تكسب طبعا بس منساش فرق السعر مش كدة ولا ايه

كلااااااااااااام سليم جداااااااااا

[mohameduoser]

السيراتو افضل بس اغلى

[HamadaMOMO]

السيراتو,,,,,,,,,,,,,,,,,,,,,,

[bolty55]

بالنسبة ان السيراتو اغلى .. اوك . بس اعتقد ان الجين تو بتعوض فلوسها من التوكيل بطريقة رهيبة عن السيراتو . وفرق توكيل سيراتو من توكيل الجين تو . الجين تو 89900 جنية مصر اتوماتيك - النيو سيراتو 120000 جنية مصرى اتوماتيك + فتحة سقف وجميع الكماليات

هي النيو سيراتو جامده و الشكل الجديد جامد بس ما عرفش ليه انا بتجه ناحية الجين تو و انت كمان شوف احساسك بيوديك نحية اه

انا كمان بتجة نحو الجين تو بس الحقيقة المشاكل زايدة اوى فى التوكيل ودة اللى مخوف كل ملاك الجين تو !!...
وانا الحقيقة كنت عايز اعرف عيوب السيراتو ......؟

[karimone]

السيراتو أحلي...

بس هما عربيتين فرق السعر بينهم كبير فأكيد الكفه هاتميل ناحية السيراتو... ممكن تقارن السيراتو بالانسر البومه و الجين 2 بالصني و الاوبترا... ده يكون اوقع علشان اسعارهم قريبين من بعض...

[a7m8n]

انا مستعجب ياجماعة يعنى لو انا معايا 125 الف جنية حجيب سيراتو طيب ما افكر فى حاجة اوروبى احسن او يابانى الجين تو فيها abs و ebd واخرها 90 الف جنية هى مشكلة الجين تو بس التقفيل من جو العربية مش قد كدة انما فيها مميزات مش حتلاقيها فى عربية تانية بالسعر دة

[densfog]

بالنسبة ان السيراتو اغلى .. اوك . بس اعتقد ان الجين تو بتعوض فلوسها من التوكيل بطريقة رهيبة عن السيراتو . وفرق توكيل سيراتو من توكيل الجين تو . الجين تو 89900 جنية مصر اتوماتيك - النيو سيراتو 120000 جنية مصرى اتوماتيك + فتحة سقف وجميع الكماليات

انا كمان بتجة نحو الجين تو بس الحقيقة المشاكل زايدة اوى فى التوكيل ودة اللى مخوف كل ملاك الجين تو !!...
وانا الحقيقة كنت عايز اعرف عيوب السيراتو ......؟

استاذ بلطى : بعد السلام عليكم
اولا لو مش فارق معايا السعر وبختار بين الأتنين فقط هيكون راى السيراتو اعلى فئه فيها اوبشن تحفه وشكل السيراتو الجديده اصلا تحفه بصراحه وتقدر تدخل على منتدى كيا وتعرف كل حاجه عنها واسعار كل الفئات , بس اسمحلى ليه حضرتك محدد نفسك مادام السعر مش فارق معاك ممكن تفكر كمان فى الهوندا سيتى الجديده عربيه كويسه واوبشن عالى واسم كويس بس احساسى الشخصى انها مبالغ فى تمنها زى السيراتو برضه فرايىى حضرتك تحدد المبلغ اللى هتقدر تدفعه وساعتها حيبقى الأختيار افضل
ثانيا بالنسبه ان الجين 2 بتعوض فرق الفلوس من التوكيل فانا (خبرتى فى السيارات مش كبيره) بيتهيألى ان اسعار قطع غيارها مش المبالغ جدا فى تمنها وخاصه اسعار الصيانات شايف انها مش غاليه قوى وبالنسبه للمشاكل فى الجين 2 انا بقالى حوالى ثلاث ايام بلف فى معظم منتديات السيارات الأخرى بعد ماكنت بدخل علشان بروتون بس ولاقيت ان عربيات كتير من ماركات مختلفه ومعروفه احيانا يحدث بها مشاكل اكبر بكثير من اللى تحدث للجين 2 من تغيير مساعدين واصوات من العفشه وتيل الفرامل والطنابير وغيرها فبصراحه بعد ماكان موضوع المشاكل الهايفه التى تحدث من جينا بتزعلنى حسيت وايقنت انها احسن مقابل بالنسبه للسعر اللى ممكن يوصا الأن الى 82000 للمانيوال و 88000 للأوتو
وده رأى متواضع يمكن يفيد حضرتك فى شئ والسلام عليكم

[densfog]

انا مستعجب ياجماعة يعنى لو انا معايا 125 الف جنية حجيب سيراتو طيب ما افكر فى حاجة اوروبى احسن او يابانى الجين تو فيها abs و ebd واخرها 90 الف جنية هى مشكلة الجين تو بس التقفيل من جو العربية مش قد كدة انما فيها مميزات مش حتلاقيها فى عربية تانية بالسعر دة

انا مع حضرتك فى النقطه الأولى وخاصه ان الصنى الجديده على سبيل المثال نازله باوبشن جديد من abs & air bagsوك\لك الأوبترا الجديده وفارق السعر كبير
بالنسبه للنقطه التانيه ميتهيأليش التقفيل فى الجين 2 بالسوء اللى حضرتك متخيله وانصح حضرتك تشوفها على الطبيعه وخاصه شكل التابلوه المميز والشكل الخارجى كذلك ووسع الصالون وغيرها ( وده من راى الشخصى)

[bolty55]

شكرا لجميع الاستفسارات واحساسى برضو كان أتجاة الجين تو زى ما قلت
لانى من عشاق الجين تو !!


شكرا على هذا المجهود من اعضاء منتدى

نايل موتورز الكرام

تحيــــــــــــــــــــــــاتى/
بلطى