أخبار الجين تو من اصحابها

[bolty55]

الحقيقة كل الناس بتقلق انهم يجيبوا العربية وانا الحقيقة واحد منهم . وكنا عايزين ناخد رأى أصحاب الجين تو فى الاتى :- 1- فترة الاستعمال . 2- أداء الجين تو 3- المشاكل التى واجهتة . 4- معاملة التوكيل فى كل مرة وكل صيانة . 5 - عفشة الجين تو والراحة فى المطبات . 6- استحمال العربية وسرعتها وثباتها . 7- ندمان على شرائها وتفكر ان تتخلص منها ....... انا الحقيقة عارف ان بعض من المعلومات دى اتعرضت من قبل . ولكن أفضل ان كل هذا يكون فى موضوع واحد حتى يكون من السهل العثور عليها . واسف لو كنت أزعجتكم وذلك لكى يستريح كل من يريد شراء تلك الجميلة...
تحيـــاتى لأعضاء النتدى وجهوداتهم معانا .
بلطى

[m.3abdel3al]

1.انا جايبها من 3-4 شهور 10000 كيلو
2.كاحتها والعربية ما بتقولش لا ( لدرجة اني مغير تيل بعد 10000 كيلو ) بس برده كاحتها صح مش غشامة
3.الخامات ضعيفة نسبيا
4.يا راجل دا انا صاحبت الاستاذ عبد الغني بتاع توكيل العجوزه دا هو باه حافظ انا هعمل اه و صيانة كام من غير ما اقوله دا ناقص يعزمني عنده في البيت
5.عفشة رياضية بمعني الكلمه علشان نشفه بتجبرك انك تاخد المطب براحة و بصراحة انا مرة اخت مطب على 60 ما حستش باي حاجة حتى اني نزلت علشان اتاكد ان دا مطب و اعت اعدي عليه برجلي زي المجنون
6.---------------------- (دي باه مفهاش كلام اصلا )
7.انا بفكر اشتري واحد تانية مانيوال والله العظيم ما بهزر

[MuhammedSoliman]

الحقيقة كل الناس بتقلق انهم يجيبوا العربية وانا الحقيقة واحد منهم . وكنا عايزين ناخد رأى أصحاب الجين تو فى الاتى :- 1- فترة الاستعمال . 2- أداء الجين تو 3- المشاكل التى واجهتة . 4- معاملة التوكيل فى كل مرة وكل صيانة . 5 - عفشة الجين تو والراحة فى المطبات . 6- استحمال العربية وسرعتها وثباتها . 7- ندمان على شرائها وتفكر ان تتخلص منها ....... انا الحقيقة عارف ان بعض من المعلومات دى اتعرضت من قبل . ولكن أفضل ان كل هذا يكون فى موضوع واحد حتى يكون من السهل العثور عليها . واسف لو كنت أزعجتكم وذلك لكى يستريح كل من يريد شراء تلك الجميلة...
تحيـــاتى لأعضاء النتدى وجهوداتهم معانا .
بلطى

1.فترة الاستخدام ثلاث سنوات إلا شهرين حوالى 66 ألف كيلوا مانيوال
2. فوق الممتاز
3. المشاكل هي التعامل مع التوكيل بالإضافه إلى العيوب اللى احنا كلنا عارفينها بتاعت الفنش
4. التعامل مع التوكيل أسوء ما يكون وتخيال كل حاجه ممكن تتعمل لدرجة ياراجل رحت اعمل صيانه سابوا طبة الزيت مفتوحه ومشيت بيها والماتور كان حيتحرق لولا ستر ربنا فقيس على هذا
5. العافشه رياضيه ناشفه ( وده مناسب للراليات بتاعت الطرق فى مصر )
6. تحمل سرعه ثبات 9على 10 والواحد إللى ناقص ده على اساس إن الكمال لله وحده
7. فى انتظار الشكل الجديد بفارغ الصبر عشان اغير بيه وايضا ربنا بيحبنا لو التوكيل اتغير


تحياتى
\

[mangere90]

السلام عليكم ورحمة الله وبركاته

انا معايا العربيه عاملتلها صيانة 1000 و صيانة 5000 التوكيل كويس الي حدا ما
انا بتعامل مع المهندس مصطفي وهو راجل محترم ....
العربيه جميله اوي بس في بعض الملاحظات علي العربيه و التوكيل
اولا : العربيه الفرامل مش جامده اوي والعربيه اللي معايا مانيوال وانا معايا واحد صاحبي معاه 2007 هيدروماتيك الفرامل بتاعتها جميله جدا مش عارف المنيوال مش زيها ليه لدرجة انو ركب عربيتي وقالي انا لو معايا الفرامل دي ماشيش بالعربيه علي سرعات ابدا ...
ثانيا : التوكيل ساعات بتبلغهم عن عيوب و بتزيد اكتر ما بتتحلش ياعني في صيانة 5000 الشنطه عندي كانت يتفتح بطريقه جميله و سلسه دلوقتي بتفتح بقوه وبتقفل بقوه
وعاندي واحد صاحبي شاري سياره زي اللي معايا واشترنها انا وهو في نفس الوقت راح يعمل صيانه 1000 كان بيشتكي من الفرامل واستلم العربيه سيئه اكتر والعربيه بقي في صوت المتور في زنه معينه ماكانتش موجوده قبل ما يستلموها .
وانا اسف علي طول الوضوع

[bolty55]

شكرررررا على كل هذة الاستفسارات والحقيقة احنا مستنيين رأى باقى الاعضاء ...

[Ayman_52]

1- فترة الاستعمال ...من 12/2008

2- أداء الجين تو...رائعه جــدا

3- المشاكل التى واجهتة...الحاجه الوحيده انها واخده عين شويه ...واتخبطت منى كذا مره..وبقيت اقلق اركبها.>>>مشكله عويصه صح

4- معاملة التوكيل فى كل مرة وكل صيانة ....لسه ماتعملتش معاه كتير....بس مبدئيا هو بطىء جدا خصوصا فى موضوع استيراد قطع الغيار...ولازم تراجع بعدهم عل كل حاجه.

5 - عفشة الجين تو والراحة فى المطبات ...هى ناشفه اكيد...بس والله ساعات باخد بيها مطبات على سرعه ومش بحس بحاجه.

6- استحمال العربية وسرعتها وثباتها ....مش هقولك...هاسيبك تجربها لوحدك

7- ندمان على شرائها وتفكر ان تتخلص منهــا ....الف الحمد لله...ابدا مش ندمان..وبجد لحد دلوقتى كل ماشوف عربيه تعجبنى...واقارنها بالجين ..الاقى الجين بتكسب دايما الحمد لله.

تحيـــاتـــى

[bolty55]

شكرا يا استاذ ايمن
ومستنيين رأى باقى الاعضاء

[bolty55]

.! يا جماعة الموضوع دة مهم جدا . ( يمكن مش مهم لأصحاب الجين تو . لكن مهم لكل من يريد شراء الجين تو ) ....
ومستنيين رد باقى الاعضاء

[bolty55]

هوا الجين تو 2010 هتنزل امتى . وهيكون فى تغيير ولا لا ...؟

[tutankhamoun]

الحقيقة كل الناس بتقلق انهم يجيبوا العربية وانا الحقيقة واحد منهم . وكنا عايزين ناخد رأى أصحاب الجين تو فى الاتى :-
1- فترة الاستعمال ........ عام و نصف
. 2- أداء الجين تو ........ ممتاز
3- المشاكل التى واجهتة ............ الحمد لله ... صفر مشاكل
. 4- معاملة التوكيل فى كل مرة وكل صيانة ......... جيدة جدا .
. 5 - عفشة الجين تو والراحة فى المطبات ......... متوسط إلى جيد زي عربيات كتيرة .
. 6- استحمال العربية وسرعتها وثباتها ............ ممتاز
. 7- ندمان على شرائها وتفكر ان تتخلص منها ........ إن شاء الله لو الجين 2 السي بي إس نزلت هاتكون معايا بإذن الله تعالى . و أنا خلاص .... أصبحت من عشاق ماركة بروتون عموما .
مع تحياتي