ابعد عن الأكسبوجين نصيحة لوجه الله

[fahd_628]

السلام عليكم

انا النهادة كنت بتصفح احد المنتديات و لقيت ان فية عضو معاة الاكسبلوجين و كان اول ما جبها قاعد يشكر فيها و كان مبسوط منها اوى و من الكماليات الى فيها و كان بيدافع عنها جامد جدا

و بعدين لقيته عامل الموضوع دة و قولت لازم تشوفوة علشان انا بشوف ناس هنا بتسأل على الأكسبلوجين

انا حنقلكم هوة كتب اية بالحرف

با جماعة انا هقولكو على الى حصلي عشان محدش يحصلو زيي مع العربية دي و التوكيل بتاعها

انا جبت العربية دي من حوالي 11 شهر العربية فى الاول تحس انها كويسه جدا
اول ما تكمل ال 9 شهور اجارك الله
اولا و انا فى اسكندريه العربية وقفت مني خااااالص و مبقتش تدور كلمت التوكيل بعت تاني يوم ونش شلها ووداها التوكيل عندهم هناك
قالولي دي طرمبة البنزين باظت و هتتغير اعدوني هناك 3 ايام عمال ما صلحوها
و فى الاخر طلبو مني ادفع تمنها و هو 750 جنية علما بان العربية لسه فى الضمان

غير كدة كل شويه مشاكل فى السنتر لوك 3 ابواب يفتحو ال رابع ميفتحش
اصلحو يطعللي باب تاني نفس المشكله و مشاكل على طول فى الكهربا
و من يومين ببص لقيت الكاست مش بيقرا اى اسطوانات وديتو للاوكيل يقولو ايه بأه
(احنا معندناش مهندسين للكاست وديها لأي واحد بتاع كاستتات تكون واثق فيه)
يعني دي كلمه تتقال من توكيل محترم زي ****** انا مش هقول اسمو انتو اكيد عارفينو
عموما انا فعلا ندمت اني جبت العربية دي بس اهو
الواحد مش بيتعلم ببلاش
في عربية زيرو فى الدنيا مكملتش سنة و تعمل ده كلو؟!
و طرمبة البنزين تبوظ في اول 9 شهور؟!!

و اتمنى الموضوع دة يكون عظه للناس و الراجل مش عارف يعمل اية دلوقتى دول لسة اول 9 شهور امال كمان 3-4 سنين حيحصل اية ! :? :? :? :? :? :? :?

ربنا يستر

[ahmed1981]

رغم إنها مش رخيصة
المفروض التوكيل يدفع تمن الإصلاح في الضمان
يبقى العربية وحشة والوكيل أوحش
وعليه وعلى جهاز حماية المستهلك وحسبنا الله ونعم الوكيل

[CryptonX]

حصل معايا نفس الشيء في توكيل فيات ( اوماترا)
طرمبة البنزين , توقفت عن العمل بسبب بنزين مغشوش و سوء استخدام ... تمنه كان 1250 جنيه بدون تركيب و ضرائب , و كانت العربية مكملتش 12 شهر برده .

[eng_mkhalaf]

أحسن حاجة فى الصينى هى الشيرى وعن جدارة فى السوق

[Mohamed A S]

أعتقد الحكم على الشيري سابق لأوانه .. لما نشوف كمان 3-4 سنين هيكون إيه الوضع

[PAYOO]

والله يا جماعه صناعه السيارات الصينيه لم تثبت أي جداره على أي مستوى على الأطلاق ومن المخاطره ان يأمن الأنسان على نفسه داخل سياره صينية الصنعة رديئة الخامات كما عهدنا الصناعه الصينية عامة وصناعة السيارات الصينية خاصة

[dreslam]

معلوماتي على حسب ما شفت في الصين لاني اقمت بيها سنتين 99 و 2000 وبعد كده زرتها سنه 2004 ان الشيري الشكل الاعتيادي اللي موجود في مصر = شاهين بس مع اختلاف الشكل والاداء المهم التوكيل يحافظ على سمعتها
انا في الفترة الاولى 99-2000 كانت كل التاكسيات جيلى فروته في البلد اللي كنت فيها واخر سنه 2000 اتلغت تماما بالامر وكنت بشوف السواقين بتوع الجيلي اتشالت منهم العدادات وشهر ديسمبر كان اخر وقت ليهم وكانو بيركبو الزبون بنصف التمن.يوم 1-1 2001 مافيش عربيه جيلي تاكسي فيكي يا بلد كله "فولكس سانتانا اللي شبه الشيري-شيري-اودي تجميع الصين-باسات صيني في بعض المدن السياحيه" ومافيش صيني بيركب عربيه صيني الا نادرا يعني على سبيل المثال شوفت عربيه واحده جيلي سنه 2004 راكنه في الشارع اللي كنت ساكن فيه وصاحبها كان مكسوف يمشي بيها تقريبا
وشفت 2 بالعدد هافي لوبو..هيونداي النترا كانت مكسره الدنيا اياميها والباقي ياباني على اوروبي...سنه 2006 وما بعدها...تغير كامل وشامل كل مصنع فيكي يا كره ارضيه فتح مصنع في الصين حتى الفولفو فالعربيات الصيني مالهاش مكان الا بره الصين.

[PAYOO]

معلوماتي على حسب ما شفت في الصين لاني اقمت بيها سنتين 99 و 2000 وبعد كده زرتها سنه 2004 ان الشيري الشكل الاعتيادي اللي موجود في مصر = شاهين بس مع اختلاف الشكل والاداء المهم التوكيل يحافظ على سمعتها
انا في الفترة الاولى 99-2000 كانت كل التاكسيات جيلى فروته في البلد اللي كنت فيها واخر سنه 2000 اتلغت تماما بالامر وكنت بشوف السواقين بتوع الجيلي اتشالت منهم العدادات وشهر ديسمبر كان اخر وقت ليهم وكانو بيركبو الزبون بنصف التمن.يوم 1-1 2001 مافيش عربيه جيلي تاكسي فيكي يا بلد كله "فولكس سانتانا اللي شبه الشيري-شيري-اودي تجميع الصين-باسات صيني في بعض المدن السياحيه" ومافيش صيني بيركب عربيه صيني الا نادرا يعني على سبيل المثال شوفت عربيه واحده جيلي سنه 2004 راكنه في الشارع اللي كنت ساكن فيه وصاحبها كان مكسوف يمشي بيها تقريبا
وشفت 2 بالعدد هافي لوبو..هيونداي النترا كانت مكسره الدنيا اياميها والباقي ياباني على اوروبي...سنه 2006 وما بعدها...تغير كامل وشامل كل مصنع فيكي يا كره ارضيه فتح مصنع في الصين حتى الفولفو فالعربيات الصيني مالهاش مكان الا بره الصين.

بعد الكلام ده مافيش كلام تاني ينفع يتقال

يعني لو أنا أو أي حد اتكلم ممكن يترد عليه لأننا كلنا بنقول وجهات نظر لكن كلام صديقنا dreslam مافيش له رد غير أننا نرمي العربيات الصيني دي في أقرب مقلب أعدام سيارات

[eng_mkhalaf]

طب يا جماعة ياريت ننظم افكارنا ونحدد 1-2-3 بية العربيات الصينى وحشة ياريت يكون الكلام على توب العربيات الصينى وهى الشيرى A11 ممكن نقنع بعض

[مدحت منيب]

لا لا لا ...( بعد الكلام ده مافيش كلام تاني ينفع يتقال

يعني لو أنا أو أي حد اتكلم ممكن يترد عليه لأننا كلنا بنقول وجهات نظر لكن كلام صديقنا dreslam مافيش له رد غير أننا نرمي العربيات الصيني دي في أقرب مقلب أعدام سيارات ..) دا بايووو اللى بيتكلم و انت عارف وزنة اد اية عندنا كلنا ..كلامة لمصلحتنا

[Adham]

والله يا جماعه صناعه السيارات الصينيه لم تثبت أي جداره على أي مستوى على الأطلاق ومن المخاطره ان يأمن الأنسان على نفسه داخل سياره صينية الصنعة رديئة الخامات كما عهدنا الصناعه الصينية عامة وصناعة السيارات الصينية خاصة

'


+100 100

[eng_mkhalaf]

طب سؤال بسيط أركب 128 زيرو ولا صينى زيرو
أو أركب لادا 2107 ولا صينى محترم زى الشيرى
مستنى الأجابة

[CryptonX]

انا شخصيا كنت حركب صيني

بس برده كنت طلاما حدفع فوق ال 50.000 كنت حفكر في حاجة مستعملة , او ادفع دول كاش و اقسط الباقي , العمر مش بعزقة و السيارة دي مش موبايل حتغيره و ترميه ..

انا مش ضد السيارات الصينية خالص , بالعكس , دي حاجة مفيدة للجميع انها تخش السوق و تنافي حتى للي مش عايز يجيبها
بس هي الفكرة ان الشركات دي بما فيهم شيري في حالة تجربة و خطئ لحد مايوصلوا لنتايج مرضية يعرفوا يدخلوا بيها الأسواق العالمية

وبدليل انهم ابتدوا يوقفوا بعض خطوط انتاجهم بخطوط جديدة ..

يعني شيري مثلا , اوقفت انتاج سيارة حضرتك للانتاج المحلي .. بقت بتعمل يادبوك على قد الطلب لللاسيتراد .. ده مش معناه ان السيارة سيئة بس معناه انهما وصلوا لمرحلة من النضج لا تسمح لهم بانتاج سيارة زيها تاني .. و عايزين يعملوا حاجة احسن

برده ال a5 حتوقف في نص السنة الجاية علشان الa3 حتبدلها ... والسيارة الa6 اصبحت للتصدير فقط لا تباع في الصين
والسيارة الي مصر كلها مش عاجباها ( ال a1 ) هي السيارة الوخيدة بيم موديلات شيري الي دودج وافقت انها تنزل بماركة دودج في المكسيك و امريكا الاتينية

ده معناه ان حتى الشيري بتتقدم . و لا زم تمشي لقدام .. فلما تيجي حضرتك تشتري عربية من شركة اعتبرها كويسة زي دي .. لازم تصبر شوية .. علشان كل مبيقدموا كل مبيتحسنوا .. .

يعني انا اتوقع لنفسي بحوالي 80% ان لما اجي اشتري سيارتي الفادمة انشاء الله كمان 4-5 سنين , الشيري او البريليانس حتكون ضمن نطاق تفكيري .. بس حاليا . لأ .

[eng_mkhalaf]

انا مش عارف أية اللى وحش فى الشيرى علشان تتهاجم كدة ممكن حد يقولنا علشان نستفيد - بصراحة الواحد نفسة شالت قوى

[Mohamed A S]

مفيش هجوم ولا حاجة .. كل واحد من الزملاء بيتكلم من وجهة نظره .. وخصوصاً اللي مركبش العربيات الصيني .. بيتكلم من السمع أو عن تجربة لأحد أصدقاءه .. وطبعاً مفيش داعي نفسك تشيل ولا حاجة .. لو أنت راكب الشيري فإنت أكثر واحد ممكن يعرف عيوبها ومميزاتها وانت اللي تقدر تحكم عليها ومتستعجلش في حكمك .. أنا شخصياً رحت اتفرجت على العربية شيري في التوكيل في جسر السويس .. قالولي عربية موتور وعفشه ألماني حاجة جميلة جداً والعربية من جوه جميلة وشكلها مش بطال وشنطتها بلد والعربية كاملة وآير باجز وفرامل اي بي اس وطقم جنوط للخمس فرد يعني كل ما يتمناه الواحد في أي عربية .. لكن في النهاية لسه مش مجربة .. وبرده كل عربية فيها عيوب ومميزات. طبعاً مع استثناء بعض الأنواع من العربيات اللي ميختلفش عليها اثنين .. فمفيش داعي نفسك تشيل ولا حاجة ............ 8)