تحويل ماتور بيتلز 1300 إلي 1600

[mynameh]

بسم الله الرحمن الرحيم

كنت عند الميكانيكي إقترح عليا إقتراح إني أحول الماتور بتاعي من 1300 ألي 1600 قلتلو إزاي قالي :
يخرط الشميز و يوسعة و يغير البساتم ببساتم 1600
فسألتو هيأثر علي الماتور قالي لأ لأن حجم الماتور بتاع 1300 هو هو ال 1600 و الفرق الوحيد الي بينهم البساتم و الشميز

فإية رأيكم ...........؟؟؟؟؟؟؟؟؟

[RAAFAT10]

أخى العزيز
هات ماتور 1600 أحسن وما تمشيش ورا كلام الميكانيكية بتوعنا ,لا أحد يمكن أن تثق فية ,لأن كل ماتور بيبقى محسوب فية قدرة كل جزء فية ودرجة تناسبها مع الجزء الأخر مش مجرد تشابة الشكل والتركيب والصنايعى يعملك البحر طحينة ويخليك تقول ما فيش الا هو دة ,وبعد ما رجلك تيجى و تعمل الموضوع دة وتظهر المشاكل محدش هيرحمك وتقول يا ريتنى ما عملت . لا تثق فى أى أحد من الصنايعية . نصيحة أدرس الموضوع بنفسك

[mynameh]

منا فكرت في الموضوع أكتر من مرة بس الفكرة ان البيتلز الماتور بتاعها بتاع ال 1300 و 1600 مايختلفوش في شيء الا الشمايز و البساتم هي دي الفكرة

[ahit]

السلام عليكم
طبعاً فكرة كويسة و فيه ميكانيكية كتير يتفتى فيها
و طبعاً لازم يغير الكرنك و الكامه و ترس الفولام و شوية تحابيش يعنى من الآخر هاتصرف ثمن ماتور 1600 إستيراد و بحالة ممتازة و النتيجة مش مضمونه طبعاً.
الماتور 1300 بيختلف عن الماتور 1600 فى العزم فقط .

[ahmed2y]

السلام عاليكم

اخى العزيز متمشيش ورا كلام الصنايعية معظمهم مش فاهم حاجة وهيبوظ الدنيا وعلى فكرة انا عملت ذيك كدة بس حولت من 1600 الى 1300 والمتور زى الفل ولله الحمد يعنى موتور عربيتى بعد التجربة وبشهادة ناس كتير ممتاز ممتازوالحمد لله بس كان فى غلطة واحدة محدش فى مصر كلها عرفها والحمد لله اكتشفتها بالصدفة من كتر التجارب ان الكربراتير بتاع 1600 فى حين المتور اصبح 1300 فطبعا كان مش ظابط المتور واستهلاك بنزين زيادة وبوجيهات بتبوظ بسرعة فا انصحك خالى دايما شغلك فى العربية فى اضيق الحدود وبلاش افتكاسات المكانيكية الى بيكسلو يشتغلو بضامير لانى اعرف ناس كتير كويسة بس بيكسلو ويا ريت تقولنا هو مين الميكانيكى الى هيعملك الموضوع دة وانا تحت امرك فى اى استفسار وربنا معاك

[mynameh]

ألف شكر ليكم علي الردود و رأيكم طبعا كويس بس ليا بعض الأسئلة و هي منين أقدر أجيب ماتور 1600 إستيراد و بكام ؟ و لو جيبتو هغير حاجة تانية في العربية ؟ و هل ممكن أركب تاكيف علي ماتور 1300 ؟ ياريت حد يجاوبني و ألف شكر مرة تانية

[ابوهاشم]

والله كان الميكانيكى اللى بتعامل معاه حكالى الموضوع ده قبل كده وكان وقتها معايا عربيه 1200 سسى
وقاللى انه ممكن يتعدل ل1600 فعلا بس برضه الرأى الاصوب فعلا انك تغير الموتور نفسه فى واحد فى محطة عرب الجسر الشارع اللى بعد التوحيد والنور بس مش فاكر اسمه حاليا هو بيبيع مواتير بيتلز استيراد او تروح بنفسك بور سعيد تجيبه من هناك

[mynameh]

ألف شكر ليكم علي الردود و رأيكم طبعا كويس بس ليا بعض الأسئلة و هي منين أقدر أجيب ماتور 1600 إستيراد و بكام ؟ و لو جيبتو هغير حاجة تانية في العربية ؟ و هل ممكن أركب تاكيف علي ماتور 1300 ؟ ياريت حد يجاوبني و ألف شكر مرة تانية

[M.Mostafa80]

انا مابفهمش فى البيتلز بس مش عاجبنى كلام الفتاى الى انت كنت عندو دا مش ميكانيكى دا بتاع فته وحته لو العمليه فى شمايز وبساتم بس فين الخراط الى هتبقى أيدو سليمه ويطلع شغل مظبوط كلهم بقو بتوع فته ألا القليل المحترم الى ميعرفش يقول ما بعرفش مش يفتى أنصحك أخى العزيز أوعى تسمع كلامه ليك مزاج م موتور اقوى عليك وعلى الأستيراد ولو أن كده أنت بتركب نفسك المرجيحه على رأى هندسة المنتدى عجبانى الكلمه بتعاتك دى يأسامه

[Astromic]

مين الميكانيكي العبقري الي قال كدة؟؟؟؟
انت لما تخرط الشميز و توسعة ستقلل من سمك اللحمية بتاعتة و كدة حتضعفه, دة غير انك حتبوظ حاجة اسمها "التوزيع الحراري" مع العلم ان ال1600 بولد طاقة اكبر و لازم تحسن النقتطين دول مش تبوظهم...و لو نفسك تخليه 1600 هات طقم شمايز و بساتم كاملين 85.5 مللي, و غير عمود الكامه, و سيب الكرنك عشان هوه هوه بتاع ال1300 ال 69مللي, و برده ده غير محبذ على المدى الطويل لان البلوك نفسه و مسارات الزيت غير مخصصة لل1600...
قول للميكانيكي دة يشوفله ورشة عجل يشتغل فيها, و نصيحة مني ياريت تسيبك منه خالص عشان لو بيفكر بالطريقة دى معناها انه ممكن يعملك مصيبة في عربيتك في الموتور او في اي حاجه تانيه...

[ahit]

نصيحة مني ياريت تسيبك منه خالص عشان لو بيفكر بالطريقة دى معناها انه ممكن يعملك مصيبة في عربيتك في الموتور او في اي حاجه تانيه...

كلام سليم

[ihab]

ادرس الموضوع كويس قبل ما تفكر فى التغيير

[mabar]

استئذنكم ياجماعة انت مش هتخرط انت هتجيب شمايز ببساتم1600جديدة وتركبها مكان ال1300بس الموضوع دة عاوز ميكانيكى بيفهم انت مشهتضعف لحمية ولا حاجة لان انا جربت الموضوع دة وياريت تسئلو فية كويس

[ابوهاشم]

هو الموضوع مش صعب اوى يعن ولا مشكله كبيره زى مانتم
متخيلين
الموضوع عادى واتعمل كتير وانا شوفته فى عربيات قبل كده
بس الفكره كلها انه مكلف
والمفروض علشان تقبل عليه تكون اساسا محتاج عمره وتعمله بالمره
لكن مانصحش حد يعمله وهو موتوره سليم لانه هيغرم ثمن موتور

[yuyu0000yuyu]

حضرتك ممكن تحويل الموتور من 1.3 الى 1.6 انا مش مكانيكى بس فى هندسه ومش مكانيكا بور مدنى بس ليى واحد صحبي فى ميكانيكا وحضرت محاضره كانت بتتكلم عن الموتور بتاع السيارات والدكتور اتكلم فى الموضوع ده وشرحه وهو عامل كده فى عربيته بنفسه ومعلش ده دكتور مش واحد بيفتى ولا صنيعى مع الاعتزاز بكل المفتين والصنيعيه