احنا كدة انضحك علينا ولا اية

[zizo50001]

يا جماعة انا اخويا معاه بولو موديل 2000 1000 سىسى المهم كان عيز يروح لميكانيكى فقالى تعالى معايا احنا سكنين فى العبور فا روحنا عند واحد عند حديقة بدر اللى عند شارع الاربعين المهم اشترينا قطع الغيار و وسالنا الراجل دة فى حد ميكانيكى كويس هنا قلى تعالى هوديك عند واحد كويس هو بعدية بشارع او اتنين المهم هو مركز خدمة لل فولكس واسكودا و اودى و سيات احنا كنا جيبنا من برة شوية قطع غيار هبله(بوجيهات وفلتر زيت و فلتر بنزين وزيت من برة )الراجل غيرلنا الحاجات دى وجاب لاب توب عمل شوية حاجات فى سوفت العربية بس يعنى خلى كلمة اويل سيرفس تظهر بعد 5 الف وكدة و الراجل طلب 120 جنية مصنعية تركيب طبعا احنا حسينا ان احنا انضحك علينا انتم اية رائيكم

وياريت حد من الرجالة يقولنا على ميكانيكى فولكس كويس واسعارة كويس
وياريت حد يقولى البوجيهات و فلتر الزيت وفلتر بنزين بكام

[M.Mostafa80]

هو بالنسبه لموديل 98
فلتر زيت 45 ج فى علبه فولكس
فلتر بنزين 70 ج فى علبه فولكس
بوجيهات فى نوعين من ماركه واحده
55ج 3 شمعه ngkبيعمل 20000بس رأنا بغير كل 10000
والتانى

[M.Mostafa80]

التانى 80 ج بيعمل 35000 ك وبردو ngk
هو اسم الميكانيكى الى ات بتقول عليه دا أسمو أيه

[zizo50001]

اسمة محمد
انتة اية رائيك يا باشا فى المصنعية انا حاسس انها كتير جدا بس الراجل معامله ممتازة الصراحة

[M.Mostafa80]

لو محمد سمير يبقى يادوب تكون المصنعيه كده لأن محمد المكان عندو لا يطلق عليه ميكانيكى دا مركز خدمه متكامل وبعدين كونو حطها على الجهاز دا لوحدو ليه حساب هو محمد حراق حبه بس بيفهم طبعا دا لو محمد سمير الى هو ليه ورشتين واحده فى الأول وانت نازل من المزلقان والتانيه قدام شويه فى مكان يسمى هنجر

[original]

أنا بجيب فلتر Mann ألمانى ب30 ممتاز وجربت Mahle برده ممتاز 10000كم
البوجيهات وفلتر البنزين نفس الأسعار
بس فلتر البنزين ال Bosch ممتاز ب 45 جنيه ومره جبته ب 60 جنيه
بالنسبة لأسعار الصيانة مش هقدر أفيدك عشان بعمل كل الحاجات دى بنفسى فمش بتكللفنى حاجة!!
بس تركيب وكشف كمبيوتر معقول ولو قللت شوية على إيد واحد مش متخصص مش هيعجبك الشغل بتاعه طبعا..

[zizo50001]

هو دة مش كشف كمبيوتر تقريبا

[casper2010]

محمد سمير كويس بس فية سيد عبدة في جسر السويس ممكن يعمل الكلام دا كله ب 30 جنية مثلا

[original]

ماهو طالما ركب الكابل يبأا كشف عليها ولو فيه أعطال كانت ظهرت معاه وأكيد مسحلك المشاكل اللى عليها لو كان فيها حاجة إللا لو عيب محتاج إصلاح ميكانيكى..

[umoussa]

بص محمد سمير وهاني عصمت معروفين إنهم شاطرين وغاليين

بس فيه ميزة فيهم هما الاتنين

مبيركبوش قطعة غيار نص نص يعني قطعة جيدة أو أصلية ولو القطعة مضروبة بيقولوا للزبون

[Golfer05]

اخواني احبائي عليكم بسيد عبده. بصراحة الراجل ده عقدني و ربنا يباركله اللي هايتعامل مع الراجل ده مش هيعرف يروح لحد تاني من المعاملة والمصنعية و الشغل اللي بيتعمل والله الموفق.