مفاجأة البولو مع البنزين 95

[snakeson2]

السلام عليكم ورحمة اللة وبركاتة
اعزائي اصحاب المعشوقة الصغيرة بولو
امبارح كان لية تجربة رائعة عايز احكيها!
خلصت امبارح الشغل وانا مروح دخلت علي بنزينة امارات مصر ومش عارف ضربت كدة فد دماغي احط بنزين 95 مش عارف لية حسيت انة وراة سر كبييير .
وفعلااااااااا كانت النتيجة مش معقولة
العربية كانت بتجري بشكل غير عادي
كنت حاسس اني راكب عربية 1400 تقريبا .
السحب كان مذهل لدرجة اني عمري محرقت علي غيار .حرقت عالتاني والعربية جابت فية 80!! طبعا شئ مش معقول في الظروف العادية مع بنزين 92
طبعا مفيش كركرة نهائي حتي لو شلت رجلي من عالدبرياج بسرعة
العربية صوتها كان هادي حتي مع السرعات العالية
المفاجاة الكبري الي انا مكنتش متخيلها اني قلت متشغل ياواد التكييف وشوف السحب كدة اكيد هيبقي فية تاثير وفعلا !!!!
لما شغلت التكييف حسيت انة مفيش تاثير نهائي عالسحب وتقريبا ال95 مع التكييف زي ال92 من غير التكييف ودي طبعا حاجة مذهلة!
الالمان مبيعملوش حاجة معيوبة ! مسمعتش ولا قريت اي حد من برة بيقول ان البولو ال1000سي سي ليها مشاكل في السحب مع التكييف .العيب عندنا مش في العربية !
الحاجة الظريفة ان العربية كان فيها صفيحة 92 وكملت عليها صفيحة 95!(طبعا لان ال95 غالي)
يعني كوكتيل بس جبار وبيجيب من الاخر
انا حاسس ان الموضوع جامد وطبعا مستني راي المهنس اسامة في الموضوع لو ممكن مثلا نحط 10 لتر 95 والباقي 92 هل هتبقي الظروف احسن ام لا!

[M.Mostafa80]

على فكره انا كان ليه نفس التجربه بتاعتك يأبو حميد ولقيت نفس النتائج الى انت أتكلمت عنها لدرجه ان أخويا الصغير افتكر انى سقطت موتور 1600 مش 1400 ودا طبعا لأنو معاه عربيه ألنترا 2006 1600 ونفخت من جنبو فا وش فكر انى عملو مفجأهوسقطت موتور 1600 لكن المفجاءه الحقيقيه أنى قولتلو أن الموتور 1000 زى ما هو هو كل الموضوع أنى حطيت شويه بنزين 95

[snakeson2]

طيب احنا عايزين نعرف لو ممكن نعمل خلطة كدة ومتكونش مكلفة