إعـــــــلان

Collapse

.

,
See more
See less

ليه اقف للست هانم في المترو ؟؟؟؟؟؟؟؟؟؟؟

Collapse
X
 
  • Filter
  • الوقت
  • Show
Clear All
new posts

  • ليه اقف للست هانم في المترو ؟؟؟؟؟؟؟؟؟؟؟

    اوعى تقف لبنت فى المترو


    ياجماعة احنا لازم نعمل وقفة .. من اللى هيه كده


    دلوقتى الأخت سحر الجعارة تطلع تقول ان المرأة لها نفس حقوق الرجل في المجتمع،



    والأخت إيناس الدغيدى تطلع تقول قصدى تقلع تقول ان الراجل همجى مش بيعرف في المرأة غير جسمها،




    والأخت إقبال بركة تقول إن مصدر جمال المرأة هو عقلها مش جسدها ولازم التعامل معاها كعقل بدون النظر إلى الجسد هيه عاملة فيه ايه.. ده باعتبار ان الواحدة تبقى ماشية في الشارع وواحد بقى يعاكسها يا ابو عقل جامد..ياواد انت ياابو مخيخ ملبن..حوش شعرك عشان نشوف جمال عقلك يا قمر
    والواحد بقى يكلم صاحبه وهما شايفين بنت ماشية..شفت ياد العقل اللى لابس أحمر ده؟؟
    كل الكلام ده ماشى




    والأخت هالة سرحان بيجيلها تخلف عقلى لو سمعت ان راجل قال لمراته حضَّرى العَشا..باعتبار ان العشا رجس من عمل الشيطان





    والأخت العزيزة سعاد حسنى تقول البنت زى الولد ماهيش كمالة عدد..ومش عارف مين قال ان البنت كمالة؟؟
    البنت طبق كشرى بحاله من الكبير ابو تلاتة جنيه.. زيه زى الولد بالظبط


    والأخت عبير صبرى ربنا يهديها تقول ازاى الراجل المتوحش القاسى التنين اللى بيطلع نار من مناخيره بيتعامل مع الأنثى اللى هيه نسمة ماشية ع الأرض يا ولداه



    طبعا انا باعدى الكلام ده لأنى عارف الولد المحترم بيعامل البنت المحترمة ازاى.. والزوج المحترم بيعامل الزوجة المحترمة ازاى ومش محتاجين نصايح اسم الله على جمالهم وأدبهم اللى فاتوا
    المشكلة بقى مادام بيقولوا البنت زى الولد..أنا ليه باقف في المترو عشانهم بقى؟؟ أيوة اوعى تمشى استنى..دى مشكلة كبيرة مش صغيرة..يعنى أنا لما اركب المترو كام مرة في اليوم وكل مرة اكتشف انى لازم اقف عشانهم تبقى مشكلة
    أدخل المترو في أمان الله واقعد بعد جهد جهيد وانا شايف واحدة موظفة مع صاحبتها راجعين من الشغل وصحتهم زى الفل.. وقاعدة تحكى لها ازاى تعمل محشى الكوسة وقاعدة تقور في الهوا يمين وشمال عشان يبقى الشرح عملى وصوتها عالى.. واول ما تدخل المترو تلاقى الشلل الرعاش حلّ عليها.. وعينيها مش قادرة تفتح من الإرهاق وتيجى هيه وصاحبتها قدامى بالظبط وتعلـّى صوتها؟؟


    وتقول لصاحبتها:


    معدتش باقدر أقف كتير يا سنية..


    ترد عليها زميلتها واللبانة ف بقها:



    ومين سمعك يا حبيبتشى..


    الدكتشور قال لى انى لو وقفت على رجلى خمس دقايق هارجًّع ع اللى قدامى علطول





    ولا البنت اللى لسة شباب.. تبقى قاعد لا بيك ولا عليك وتلقى المحروسة داخلة المترو .. بنت حلوة وشعرها ع الخدود يهفهف ويرجع يطير.. وتيجى تقف قدامك.. وفجأة تفضل تظبط شعرها وترميه ورا ضهرها زى إعلان صابون كامى عطر فرنسى الإيحاء..ومتوقعة ان الزبون اللى هوه انا هاقوم ابوس ايديها انها تقعد مكانى.. والله لو خلعتى شعرك كله واديتهولى على سبيل المقايضة زى قدماء ****..برضه مش واقف


    وبعدين الأول كانت عربيات السيدات في المترو قدام ومع ذلك كانوا منتشرين في كل العربيات وقلنا ماشى..بعد ماحصلت حادثة مترو حلوان البسيطة اول المترو.. قالوا لا .. هاتوا السيدات في نص المترو..ليه بقى؟؟



    ده باعتبار ان لو حادثة حصلت في أول المترو والسيدات قدام هيصوتوا ويلموا الدنيا انما الرجالة بتموت من سكات!!!اللهم صلى ع النبى




    طب حد مننا اعترض ان السيدات ماليين مترو الرجالة.. أبدا..انما شوف بقى ياعم الحاج لو حظك الأغبر وقعك انك ركبت سهوا في عربية السيدات..ياداهية دقى..تسمع بقى أحلى كلام.. أولالا..سوفاااج..سوهاج..راجل؟؟ ..واللى تحط وشها في الأرض من الكسوف..واللى تقول أوووه.. راجل..فانتستيك..صلاة النبى..




    انتى عمرك ماشفتى راجل ياضنايا؟؟؟مش برضه انتى جاية من شغلك وهوه هناك وراجعة بيتك هتلاقى واحد من نفس الصنف في وشك زى القضا المستعجل


    والبنت اللى في الجامعة آه لو شافت راجل في المترو.. هيغمى عليها من الخضة..



    ماانتى لسة جاية من الجامعة وكنتى انتى والولاد قاعدين تلعبوا صلح وعسكر وحرامية.. عمرك ماشفتى راجل يا شابة؟؟؟





    أيوة مادام فيه مساواة تبقى ف كل حاجة.

    . زى ماانا باشتغل وهي بتشتغل.. يبقى اللى يلحق الكرسى يقعد باعتبار انها يوسف ابن خالى يعنى عادى ..ومادام فيه مساواة ولازم نتعامل مع عقل البنت.. يبقى بلاش تلعب لى ف شعرها وتورينى دايما انها بتحط هيد أندشولدرز ضد القشرة عشان اقوم..لأنها زى ما بتحط هيد أندشولدرز أنا باحط برضه هيد أنشولدرز ومن الحجم الكبير كمان أبو عشرين جنيه..



    المشكلة دى يحس بيها اللى بيركب المترو يوميا زيى...نفسى أحس انى جاى بدرى ولحقت كرسى بعرق جبينى وقاعد أصلى ركعتين شكر على الكرسى اللى فلت من بين يدى القوات الأنثوية الغاشمة


    اوعى حد يفتكر انى مش باقوم عشان حد يقعد



    .بس اقوم عشان حد يستاهل.. يعنى ست كبيرة مريضة.. راجل عجوز تعبان.. ست شايلة تسع عيال على ايديها..كده يعنى.. حالات تستاهل.. انما واحدة عندها عشريييين ولا خمسه وعشريييين سنة وقاعدة عاملالى فيها حسين رياض لما اتخرس في رد قلبى.. أقف ليها ليه؟؟



    وكمان شوف الموقف ده.. اقف أنا عشان واحدة ست تقعد..واقف جنبها..وأول ما تيجى تنزل محطتها تشاور لاقرب بنت أو ست عشان تقعد مكانها!! لا حول ولا قوة إلا بالله..حتى الكرسى بيتورث يا جدعان؟؟ خيال مآتة واقف جنب الكرسى أنا؟؟؟دانا واقف عشانك..طب خليها بجميلة حتى..وموقف ورا موقف تكتشف في لحظة ان كل الستات والبنات قاعدين..وكل الرجالة ماسكين جرايد وقاعدين يهووا عليهم:
    ألف ليلة وليلة.. قصة كل ليلة..احكى ياشهرزاد.. احكى لشهريار


    وللا البنت اللى تيجى تقعد جنبك ومش طايقة نفسها قال إيه المكان ضيق ومش قادرة تقعد مرتاحة..


    طب ما دام انتى متضايقة كده ماتقومى تقفى بلاش القعدة المقرفة دى.. وللا يعنى عشان كل مرة واحد محترم شباب هوه اللى يقف عشان المكان يوسع للهانم.. أم طاقية.. طاقية حمرا.. للهانم البيضا.. والهانم السمرا




    القاعدة


    الله يخرب بيت هالة وإيناس وسحر وعبير وإقبال وكل اللى عقدونا ف عيشتنا بكلامهم اللى لا دين ولا منطق بيأيده.



    .بيطالبوا بحقوق المرأة اللى على كيفهم.. مع ان ديننا جعل المرأة جوهرة يتحافظ عليها وتتعامل أحسن معاملة مش سلعة وموضوع في كل برنامج شوية.
    لو كنت قاعد على كرسى في المترو.. دايما حاول انك تربط رباط جزمتك وانت قاعد لمدة العشرين محطة اللى انت راكبهم وماتبصش لأى حد واقف عشان قلبك الطيب

    خد معاك وانت راكب المترو
    ..علبتين هيد أنشولدرز عشان أى بنت جاية تتدلع بشعرها عشان تقعد تعرفها ان اللى معاه شامبو أكتر هوه اللى هيقعد

    وان كان عليا أنا أنا حلفت بالله ما أنا راكبه تانى

    والحمد لله ربنا قدرنى وما بقتش أركبه أبدا

    وهما هناك بقى حرين مع بعض
    ( منقول من أصحاب فن )
    [SIGPIC][/SIGPIC]

  • #2
    بغض النظر عن كلام كتير اتقال في الموضوع على سبيل المزاح
    بس بالمنطق كدة محدش يقف الا لشخص يستاهل سواء الشخص ده رجل او انثى

    ومش معنى انها يستاهل انها لازم تكون حلوة بقه وشعرها طاير على خدود كل اللي حواليها ولابسه البودي والجينز

    لكن لوواحدة تعبانه بجد ايه المانع حتى ان كانت صغيرة
    لواحد او واحدة كبار في السن
    لواحدة شايله بيبي

    مع اعتراضي على ركوب الاناث في غير عربيات السيدات اساسا
    انا اقف في علبة سردين بس كلها سيدات ومقفش محشورة وسط الرجالة اللي بيجمعوا بين كل الفئات الاجتماعية والثقافيه والاخلاقية المختلفة واعرض نفسي لمواقف سخيفه كتير بتحصل

    Comment


    • #3
      هههههههههههههههههههههههههههههههههههههههه
      انت هلكتني من الضحك يا أبـو آســـــر
      زمايلي في الشغل فكرني مجنون وانا عمال اضحك... طريقتك زي العسل

      شكراً ليك
      لكم تحياتي واحترامي

      Comment


      • #4
        انت حارق دمك ليه
        ما تقفش وريح دماغك ولهن كبر

        انا عن نفسى ما بقفش الا لو ست كبيرة او بنت حد اتعرض ليها فعلا وبس
        وكمان زميلاتليا الشغل بيقولوا انهم بيتعمدوا يركبوا العربيات العادية علشان حد يقعدهم
        لانهم لو ركبوا عربيات السيدات محدش هيقف ليهم حتى لو معاها طفل او حامل او ست كبيرة
        لكن الرجال .............. شهامة وجدعنة
        وهتلاقى ميت رد دلوقتى ان انا وانت من عصر الديناصورات وهمج ومش ذوق ومهندنيش اتيكيت ............الخ
        وممكن يطالبوا ب
        .

        ودلوقتى تعرض السيد / احمد سعد عضو المنتدى لاطلاق نار من جانب العضوات والرجال المؤيدين للمرأة ردا على محاولته نصرة العضو الفاضل ابو اسر والذى اكتشفت محاولتين لاغتياله
        A.Saad

        Comment


        • #5
          مع احترامى لكل اللى قولته واسلوب الرائع فى التهكم عالموضوع واضح انك مضايق كتير من برنامج هالة سرحان بس ده بقاله زمان ماعلينا
          طالما انت مضايق اوى كده بلاش تقف الا لو كنت مقتنع ان الهانم اللى هتقعدها مكانك تستحق انك تقف عشانها
          انا مع نور القمر جدا فى راى ان البنات والستات ركبوا العربية المخصصة للسيدات مهما كانت زحمة حتى لو العربيات التانية فاضية كمان مش زحمة
          [CENTER][URL]https://www.facebook.com/NMTechShop/[/URL] [/CENTER]

          Comment


          • #6
            انا مش بقوم لحد في المترو(لو ركبتو يعني ) الا لواحدة كبيرة او شايلة بيبي علي اديها غير كده بنفض علي الاخر حتي لو اتنطتط قدامي ولا اكني شايفها
            يعم دول فيهم صحة تهد جبال وشغالين زي النار في البلد بيشتغلو اسرع مننا وواخدين كل حقوقهم تالت ومتلت مش احنا الغلابة الي مش عارفين نقول بم حتي
            سبحان الله وبحمده سبحان الله العظيم

            لا اله الا انت سبحانك اني كنت من الظالمين

            Comment


            • #7
              موضوع جامدددددددددددددد بس برضة lades frist
              [CENTER][B] :penguin4: [/B][B][SIZE=4]
              [/SIZE][/B][/CENTER]

              Comment


              • #8
                بص يا أبو آسر

                والله كلامك عاجبنى

                بس هما عمرهم ما يقدروا يتساووا بالرجالة

                علشان احنا اللي بنقوم و نقعدهم و نحافظ عليهم و نصونهم

                علشان احنا "رجالة"
                [CENTER][COLOR=black][FONT=Trebuchet MS][SIZE=4][B] ([/B][/SIZE][/FONT][URL="http://www.nilemotors.net/Nile/#docu"][FONT=Trebuchet MS][SIZE=4][B]الذين قال لهم الناس إن الناس قد جمعوا لكم فاخشوهم فزادهم إيمانا وقالوا حسبنا الله ونعم الوكيل[COLOR=black])[/COLOR] [/B][/SIZE][/FONT][/URL][/COLOR][/CENTER]

                Comment


                • #9
                  والحمد لله ربنا قدرنى وما بقتش أركبه أبدا
                  سؤال مهم جداُ ومحيرني من فضلك
                  امال انت بتركب ايه دلوقتي...؟؟؟!!!!!!!!!!
                  لكم تحياتي واحترامي

                  Comment


                  • #10
                    بغض النظر عن كلام كتير اتقال في الموضوع على سبيل المزاح
                    بس بالمنطق كدة محدش يقف الا لشخص يستاهل سواء الشخص ده رجل او انثى

                    ومش معنى انها يستاهل انها لازم تكون حلوة بقه وشعرها طاير على خدود كل اللي حواليها ولابسه البودي والجينز

                    لكن لوواحدة تعبانه بجد ايه المانع حتى ان كانت صغيرة
                    لواحد او واحدة كبار في السن
                    لواحدة شايله بيبي

                    مع اعتراضي على ركوب الاناث في غير عربيات السيدات اساسا
                    انا اقف في علبة سردين بس كلها سيدات ومقفش محشورة وسط الرجالة اللي بيجمعوا بين كل الفئات الاجتماعية والثقافيه والاخلاقية المختلفة واعرض نفسي لمواقف سخيفه كتير بتحصل
                    أنا لما كنت بركب المترو ما كنتش بأقف لأي حد إلى لرجل مسن او واحدة حامل فقط غير كدة عمري وا وقفت لحد خالص

                    هههههههههههههههههههههههههههههههههههههههه
                    انت هلكتني من الضحك يا أبـو آســـــر
                    زمايلي في الشغل فكرني مجنون وانا عمال اضحك... طريقتك زي العسل
                    شكراً ليك
                    الموضوع منقول

                    سؤال مهم جداُ ومحيرني من فضلك
                    امال انت بتركب ايه دلوقتي...؟؟؟!!!!!!!!!!
                    بص يا سيدي قبل ما أجيب عربية كنت بأتحاشى المترو قدر المستطاع يعني ما كنتش بركبه غير في الضرورة القصوى فقط
                    لكن الحمد لله داخل على سنه و شوية عمري ما هوبت ناحيته
                    [SIGPIC][/SIGPIC]

                    Comment


                    • #11
                      يا جماعة إحنا المفروض نعمل جمعية لرعاية مصالح الرجال المضطهدين

                      موضوع جامد قوي

                      Comment


                      • #12
                        هو حضرتك اسوديت من جوة اوى كدة ليه ياجماعة بسرعة برشامة للضغط والسكر وحبه تحت اللسان بتاعه القلب فيه ايه بس ؟؟

                        Comment


                        • #13
                          الى بيقعد سواء واحده ست او راجل كبير فى السن دا بينم عن اخلاق عاليه وبيدل على انه انسان محترم مش معنى ان الست عايزه تاخد حقها الطبيعى فى الحياه وكل الناس تحترمها اننا نظلمهم برده صحيح الرجال قوامون على النساء عشان كده انت الجدر انك تقف شويه وتريح الست دى لانك راجل الرسول صلى الله عليه وسلم كان ينزل السوق فاذا وجد امراة لا تستطيع ان تحمل حملا وتطلب منه ان يعينه عليها كان يعينه على كتفه بدل من كتفها ويصل به الى حيث ارادت هذه هى شيم الكرام
                          [COLOR=#000000][SIZE=4][SIGPIC][/SIGPIC][/SIZE][/COLOR]

                          [SIZE=4][COLOR=magenta]النفس تجزع ان تكون فقيرة والفقر خيرا من غنا يطغيها[/COLOR][/SIZE]

                          [SIZE=4][COLOR=magenta]وغنى النفوس هو القناعه فإن أبت فجميع ما فى الارض لا يكفيها[/COLOR][/SIZE]

                          Comment


                          • #14
                            ياباشا دا انت شايل كتير قوى
                            اسمع الكلام تعيش فى سلام (حكمه غاليه قوى )

                            Comment


                            • #15
                              كلااااااااام سليم وردود منطقية جدا

                              و لازم أكد علي المعلومة ديه انت اغلب السيدات اللي بيركبوا العربية المختلطة في المترو بيكونوا داخليين علي طمع "في كرسي سعادتك طبعا"

                              و بالمناسبة نفس المواقف دي كنت باتعرضها لما ركب الميني باص و في مرة من ذات المرات كنت قاعد في امان الله"و كنت لسه في ثانوي" و ركبت سيدتان في منصف العمر تقريبا و جاءت احداهما لتمسك بالكرسي الذي اجلس عليه و كل شوية تروح و تجي مع فرامل العربية
                              فصعبت علي و قمت و قعدتها و جت صحبتها تقف جنبها
                              و سمعت الست اللي قعدت و هي بتقول لصاحبتها :" يالا بقي شوفيلك مغفل "ايوه يا سادة مغـــــفـــــل"
                              يقوم و تقعدي مكانه

                              وبس

                              انا سمعت الكلمة من هنا و متسألونيش ازاي قومتها و قعدت مكاني تاااااني

                              وتوبة من دي النوبة

                              Comment

                              Working...
                              X