زى ما وعدتكوا انى هكتبلوكوا تقيم عن مركز الخدمة أبوغالى العبور:
أولا روحت الساعة 9 صباحا استقبلنى مهندس اسموا احمد على
المهم كنت كاتب ورقة فيها المشاكل الى فى العربية و قالى كل المشاكل كانت هتتعمل فى صيانة ال 10000 المهم استلم العربية و دخلت المركز
بعد 10 دقائق خد العربية مهندس تانى و خرج يجربها و بعد 10 دقائق رجع وسلمها للفنى
الفنى اشتغل فى العربية و ربط كل مسمار فى العربية و بعد كده فك الطنابير الخلفية و نظفها كويس طلعت كمية تراب اول مرة اشوفوا فى حياتى وظبط التيل الخلفى
نيجى لمرحلة تغيير الزيت هما بيغيروا توتال و انا فى الأول مكنتش مكتنع بيه لحد لما قالى انو فرنساوى و جبلى العلبة و فعلا مكتوب عليها made in France غيروا و بعد كده كشفوا على الكمبيوتر بتاع العربية و ظبطوا كل حاجة اول مخلص الفنى خد العربية المهندس و جربها و بعد كده غسلوا العربية من جوه و بره و بعد كده دفعت 292.5 جنيه و روحت

- لو عايز تدخل تقف جنب العربية ينفع
- عيبوا مفيهوش كفيتريا
- التقرير النهائى :
العربية عمرها متربط فيها مسمار البشوات بتوع غبور كانوا بيفتوا و مش بيعملوا اى حاجة غير تغيير الزيت

انصحكوا ن اى حد معاه هيونداى يروح المركز ده
اى استفسار انا فى الخدمة