بمناسبة الصيف المولع , أخبار العزل الحراري للزجاج إيه ؟

[abou_ruqi]

يمكن في مننا يعرف الفي كوول v-kool

وده عبارة عن فيلم شفاف (استيكر) بيتلزق على زجاج العربية بيمنع وصول معظم حرارة الشمس إلى الصالون وبيمنع كل الأشعة فوق البنفسجية
وده بيخلي الجو جوه العربية بارد حتى لو ركنتها في الشمس طول النهار وكمان بيحافظلك على خامات الصالون , بصراحة فوايده عظيمة

إنما سعره بقه اللي يخلي قرار تركيبه مستحيل , زمان (من سنة) كان بيتكلف من 1500 إلى 2500 جنيه و كان الإقبال عليه ضعيف جداً
إنما كنت لسه في الشركة (بريدجستون) من كام يوم بسأل علشان أركب في عربيتي قبل الصيف لقيت الدرجات الشفافة (أنا ما سألتش عن الفيمية علشان مكنتش ناوي أركبه) هما درجتي
60 % وده حيتكلف 4500 جنيه !
و 70 % وده حيتكلف 6000 جنيه !!!!!!

بسأله : خير إن شاء الله ؟ ليه يعني ؟
قالي اصل الخامة بقت غالية والجمارك عليها برضه بقيت غالية قوي !
قالتله لا ربنا يوفقكم أنا كده كويس قوي ومالها الشمس يعني هو حد لاقيها
دا انا اركبت تكييف اسبلت 4 حصان ساقع وسخن واحط الكمبروسور فوق السقف ارخصلي !!!
وكمان المنتج اميريكياني واحنا في مقاطعة دلوقتي

المهم قعدت اعس لحد ما سمعت إن في واحد بيبع منتج بديل تايواني بـ 50 جنيه المتر (يعني تغرق العربية بـ 250 جنيه !)

رحت عليه وسألت لقيت المتر بـ 75 وتركيبه بـ 75 وأنا عربيتي تاخد 4 متر يعني العملية كلها بـ 600 قبل الفصال !!

شوفت الخامة لقيتها شبه قوي بتاعة في كوول بس لسه مجربتهاش على مصدر حراري (علشان أشوف بتنفذ منها الحرارة وألا لا)
الجميل بقه إنها 75% يعني أقوى من الفي كوول بس في مشكلة !

الاستيكر مش شفاف 100% فيه درجة فيميه يعني حيغمق الزجاج شوية (صغيرين مش اسود يعني ) فمش عارف أركبه و حيعدي و ألا اللجان و الكماين حيعملوني لعبتهم ؟
وهل حيعدي في الفحص السنة الجاية ؟؟


شوروا عليا يا أخواني , البتاع ده بصراحة طالع من عيني في اتنين صحابي مركبينه في عز الصيف تحس إنك مش محتاج تولع التكييف , ده غير إن أول ما تولع التكيف تبقى العربية تلاجة

أعمله وألا لا ؟؟؟

[amir]

اهلا و سهلا يا ابو رقيه
من زمان و احنا مدخلناش في موضوع مع بعض
لو افتكرتني يبقي اكيد فاكر سؤالك ليا
انا عندي 27 سنه
المهم
انا معاك في ان الفي كول مبالغ في سعره قوي قوي قوي قوي باستهبال كبير
و كنت برضو سمعت عن بديل ليه تايواني كده بس الروله كانت ب100 جنيه(الكلام ده من 3 سنين)
بس فكره انه هيبقي غامق سنه مع ***** المرور مش هتعدي بالساهل
انا النهارده كنت في العتبه بجيب حاجات و شفت النصبايه بتاعتهم و البواخه بقي انهم بيوقفو اي عربيه يقدرو عليها في نص الشارع و مش مهم المش عاجبه
و في ظرف ثواني قليله الشارع بقي ساحه للتعارف و التواصل و صله الرحم كمان بين الناس اللي سايقه
فمش عارف الواحد يركب اللي بتقول عليه ده و ياخد شهاده بيه انه ضد الشمس(كان عضو معانا هنا قال انه اخد حاجه زي كده من بتوع الفي كول و كان بيطلعها لأي حد يوقفه فيميه)
ولا ايه

لقد خالفت القاعدة رقم 9 والقاعدة رقم 12 لذا حصلت على تحذير "كعقوبة مخففة"، كما تم تغيير بعض الألفاظ الحادة بمشاركتك، يرجى التدقيق في اختيار الالفاظ المناسبة.

(إ.م.2)

[abou_ruqi]

اهلا و سهلا يا ابو رقيه

من زمان و احنا مدخلناش في موضوع مع بعض
لو افتكرتني يبقي اكيد فاكر سؤالك ليا
انا عندي 27 سنه
المهم
انا معاك في ان الفي كول مبالغ في سعره قوي قوي قوي قوي باستهبال كبير
و كنت برضو سمعت عن بديل ليه تايواني كده بس الروله كانت ب100 جنيه(الكلام ده من 3 سنين)
بس فكره انه هيبقي غامق سنه مع *****المرور مش هتعدي بالساهل
انا النهارده كنت في العتبه بجيب حاجات و شفت النصبايه بتاعتهم و البواخه بقي انهم بيوقفو اي عربيه يقدرو عليها في نص الشارع و **** ***اللي مش عاجبه
و في ظرف ثواني قليله الشارع بقي ساحه للتعارف و التواصل و صله الرحم كمان بين الناس اللي سايقه
فمش عارف الواحد يركب اللي بتقول عليه ده و ياخد شهاده بيه انه ضد الشمس(كان عضو معانا هنا قال انه اخد حاجه زي كده من بتوع الفي كول و كان بيطلعها لأي ***يوقفه فيميه)
ولا ايه

د امير , وانت تتنسي يا راجل ! يا ترى انت ملاحظ اني بقيت نيساناوي زيك والا لا ؟
وانا لسه شايف ان الاختلاف في الرأي لا يفسد للود قضية , وأنت أخ عزيزي (بس برضه كراسي الصني موبيكا )

ومعلش بلاش الألفاظ الجامدة دي لإن في ظباط محترمين وولاد ناس وبيشوفوا شغلهم , ومش كلهم عندهم مركبات نقص بيطلعوها على الخلق

نشوف موضوعنا

أنا اللي بتكلم عليه ده محل من محلات الاكسسوارات عندنا في اسكندرية في حتة اسمها عزبة سعد , عاملة زي التوفيقية عندكم في القاهرة (زي ما بفهم من كلام القاهراوية)
فعمره ما حيكون عنده ورقة يعترف بيها ظابط الشرطة !! ده هو نفسه تلاقيه هربان من 500 قضية أولهم إشغال الطريق !!

طيب محدش يعرف ايه مواصفات الزجاج اللي ممنوع ؟؟ يمكن ده لا يقع تحت طائلة القانون !

[masterzmind]

والله انا مش عارف الواحد يعمل الواحد لو ركن العربية فى الشمس يعد ساعة مشغل التكيف عشان يحاول بس يسقع العربية..................... بس الشفاف دة احسن عشان لجان المرور والناس الحلو دية بس غالى اوى 600 كتيييييييييييييييييييييييييير اوى بس هايفدك جامد اوى بس استنى شوية لما يخش الصيف اكيد الصين هاتزل حاجة مكفاة بى وهيكون ارخص

[onsi]

طيب علشان نقدر نحكم على لونة ياريت صورة بالموبايل وتنزلها عشان نقدر نحكم على التايوانى دة
بس بصراحة سعرة كدة يبقى هايل
وياريت يا باشا تقلنا على مكانة , العنوان والتليفون

[MoMohsen]

طب يا ريت بيانات اكتر عن البديل التايوانى.يمكن نلاقى منه شفاف و نعرف نجيبة من برة

[أشرف فتحى]

طب يا ريت بيانات اكتر عن البديل التايوانى.يمكن نلاقى منه شفاف و نعرف نجيبة من برة

+111111111111

[Nour_Peugeot]

انا عندي في العربيه ال 4 زجاج لونهم بني و بيغمق معا الشمس و يفقتح بليل

فا اعتقد انا كده لو محتاج هجيب للزجاج الخلفي و الامامي فقط

بس لو صورتلنا درجه اللون بتاعته تبقي 100 %

[abou_ruqi]

طيب علشان نقدر نحكم على لونة ياريت صورة بالموبايل وتنزلها عشان نقدر نحكم على التايوانى دة
بس بصراحة سعرة كدة يبقى هايل
وياريت يا باشا تقلنا على مكانة , العنوان والتليفون

اسمه "القبارى" في سوق الإكسسوارات - عزبة سعد -سموحة - اسكندرية

طيب يا شباب القاهرة أكيد عندكم في ناس شغالة في الموضوع ده و يمكن نلاقي الشفاف في القاهرة ؟
ما حدش يعمل معانا الواجب ده و ينزل يسأل في سوق الإكسسوارات ؟ (أكيد عندكم في سوق اكسسوارات ! )

[abou_ruqi]

طيب علشان نقدر نحكم على لونة ياريت صورة بالموبايل وتنزلها عشان نقدر نحكم على التايوانى دة
بس بصراحة سعرة كدة يبقى هايل
وياريت يا باشا تقلنا على مكانة , العنوان والتليفون

انا عندي في العربيه ال 4 زجاج لونهم بني و بيغمق معا الشمس و يفقتح بليل

فا اعتقد انا كده لو محتاج هجيب للزجاج الخلفي و الامامي فقط

بس لو صورتلنا درجه اللون بتاعته تبقي 100 %

حقربلكم اللون
حد عارف شكل الكيس البلاستيك اللي بيتلف فيه الهارد ديسك ؟
نفس اللون ده
رمادي مفضض

[abou_sama]

اللون ده كده هيبقى صيده لكل لجان المرور حتى لو كان ملهمش نفس لسحب اى رخصه

[Mustafa_Farouk]

اللون ده كده هيبقى صيده لكل لجان المرور حتى لو كان ملهمش نفس لسحب اى رخصه

السلام عليكم،

أنا فعلاً موفقك في وجهة نظرك، دة حتى لو معاك ورقة من المحل، ممكن بتاع المرور يخنق بردو عليك ويعيش الدور. وممكن لو عدت ١٠٠ مرة متعدش ال-١٠١. الله أعلم.
فعلاً نفسي اركب الفكول الاصلي بس غالي جداً.أنا حاسس انهم اللي غلو سعرو خصوصاً بعد ما الناس كتير أصبحت تعرفو وعايزة تركبو مش عشان الخامات غليت بس. والله أعلم.

[mido777]

اولا مبروك يا خالد على العربية وربنا يباركلك فيها ويكفيك شرها

على فكرة احنا(اكاديمية) لينا خصم 10 % فى V-kool
وعنوانه 65 فيكتور عمانويل - سموحه ت 4249416

يا اما بقه تقضيها شماسات لما تيجى تركن العربية في مكان شمس او تغطيها

[abou_ruqi]

اولا مبروك يا خالد على العربية وربنا يباركلك فيها ويكفيك شرها

على فكرة احنا(اكاديمية) لينا خصم 10 % فى V-kool
وعنوانه 65 فيكتور عمانويل - سموحه ت 4249416

يا اما بقه تقضيها شماسات لما تيجى تركن العربية في مكان شمس او تغطيها

ما انا عارف موضوع الخصم يا حمام ، يعني ادفع ٥٤٠٠ بدل من ٦٠٠٠ وده يرضي ربنا برضه ؟؟
شوية استيكرز بـ ٥ الاف جنيه ؟

السعر مغالى فيه قوي

حد يا جماعة عارف نص القانون بتاع الزجاج الملون ده ؟

[abou_ruqi]

ادي ناس بتبيع بدائل في الخليج

http://www.autodealer.ae/phpbb2/viewtopic.php?f=1&t=2847

http://www.de3ayat.com/view/78111.html