عايز موتور بيتلز مستعمل بسعر متهاود

[Bhery]

يا اخوان عربيتي موتورها باظ ومش مستعد الان لشراء واحد استيراد واريد موتور مستعمل ياريت احصل علي خبراتكم للحصول عليه شكرا

[ابوهاشم]

السلام عليكم اخى الكريم
والله انا شايف انك تكمل سعر موتور استيراد يعمل من 3000 تقريبا من جسر السويس او بور سعيد
او ممكن تلاقى فى المنيل فى واحد سمعت عنه هناك بس مش فاكر اسمه حاليه
ومانصحكش تشترى اى حاجه رخيصه والسلام وتقضى الغرض
اخشى ان اى حد يشتغلك ويديلك موتور تصرف عليه سعر موتور تانى
واستنى ردود باقى الاعضاء

[ابوهاشم]

ياريت تحكيلنا كمان الموتور باظ ازاى وانت حكمت عليه انه باظ ليه
او مين الميكانيكى اللى بتتعامل معاه وهو قالك فيه ايه
واذا كان باظ نهائى ولا محتاج لعمره
وعلى فكره لو محتاج عمره يبقى افضل انك تعمل عمره بس عند ميكانيكى امين وكويس افضل
من ماتشترى استيراد لان الاستيراد برضه زى البطيخه بتشتريه وانت وحظك

[Bhery]

شكرا لك اخى العزيز علي ردك الكريم اما عن موتورى كان استيراد وراكب من8 اشهر لكن مروحة التوربينة عطلت وسخن الموتور وفيه بيل طلع من الجنب ودي كل الحكا ية

[ahit]

شكرا لك اخى العزيز علي ردك الكريم اما عن موتورى كان استيراد وراكب من8 اشهر لكن مروحة التوربينة عطلت وسخن الموتور وفيه بيل طلع من الجنب ودي كل الحكا ية

إن شاء الله الموضوع ممكن يتلم بعمرة لا تتعدى 1500 جنية بالكتير بأمر الله و ممكن أقل
( سبيكة و شمبر و صبابات و بيلات )
بس المهم عند ميكانيكى كويس و أمين و بيفهم و مش بتاع إشتغالات

[Bhery]

شكرا اخي العزيز احمد

[ahit]

شكرا اخي العزيز احمد

العفو إحنا فعلاً إخوات
و لو محتاج أى حاجة أنا تحت أمرك

[ihab]

شكرا لك اخى العزيز علي ردك الكريم اما عن موتورى كان استيراد وراكب من8 اشهر لكن مروحة التوربينة عطلت وسخن الموتور وفيه بيل طلع من الجنب ودي كل الحكا ية

سؤال هو كان حالة الموتور اللى انت جبته استيراد ايه و بكام و منين و ركبته عند مين
و لما حصل اللى حصل مين اللى كشف عليه و قال انك محتجا موتور ثانى و ليه ما نصحكش بنص عمرة مثلا

[ahmed2y]

ممكن تقولنا هو مين المكانيكى البتتعامل معاة ونصحك بمتور استيراد

[Bhery]

الميكانيكى اسمه على هريسة فى شارغ الرحمة في كرموز واسمه هريسة لان اشهر ميكانيكى فولكس في اسكندرية اسمه خميس هريسة وعلي ده كان بيشتغل عنده ارجو ان تكون هذه المعلومات كافية للاخوة الذين سالرا عن الميكانيكي حيث لا اعرف عنه اكثر من ذلك

[ahmed2y]

اة حضرتك من اسكندرية اهلا وسهلا بس للاسف انا كنت فاكر حضرتك من هنا كنا ممكن نساعد لكن على العموم هريسة دة سمعت عنة من واحد قبل كدة اسكندرانى انة كويس بيشتغل فولكس ولا لا مش عارف لانة كان بيقولى عالية لما بيصلح عندة جولف والله اعلم وان شاء الله لو عرفت حاجة هبلغ حضرتك وعاوز اقولك على معلومة على قدى يعنى المتور مهما حصل فية يتعمر ما دام البلوك سليم واى حاجة تانى بتتغير وتتصلح عادى جدا

[ابوهاشم]

طيب ياريت حضرتك تروح لميكانيكى غيره وتشوف رده هيكون ايه
ربما يقولك ممكن نص عمره وتتحل المشكله
وبأكدلك تانى ان عمره كويسه عند واحد بيفهم احسن من موتور استيراد
ماتعرفش لسه حالته ايه غير بعد مايركب وتمشى بيه فتره كمان

[Bhery]

بارك الله في حياتكما وهذه الروح الطيبة هي ماتوقعته وفد اخبرني الميكانيكي ان زراع البيل قد خرج من جنب البلوك ولكني لم اراه حيث اني طلبت منه عدم حل الموتور حتي يمكن لي دراسة البداءل المتاحة

[ابوهاشم]

مبدئيا كويس جدا انك اتصرفت كده
وياريت برضه تشوف رأى ميكانيكى تانى للتأكيد

[elgamal]

هاشم انا م محمود الجمال جارك بتاح البيتلز اللبنى بقولك انا عندى موتور ولسه عاملة عمره كاملة لو عايز تشترية كلمنى وتعالى شوفة هو لسه عند الميكانيكى بيعمر وانا مش محتاحة هو على التركيب وكمان انت اللى هتلينه 0101234153