صوت زنه فى دريكسيون البيتلز

[ابوهاشم]

السلام عليكم ورحمة الله وبركاته
والله ياجماعه عندى مشكله مش فاهم سببها
انا وانا ماشى على الدائرى الغيار الرابع سرعة 80/90 بالتحديد
بسمع صوت زنه من الدريكسيون مش عارف ليه وفى السرعه دى بس يعنى لو سرعات اقل مش بسمعها
روحت للميكانيكى قاللى ده اكيد عيب فى بليه من بليات العجل الامامى
وفك العجل وعمل اللازم
وبع مامشيت من عنده لقيت الصوت زى ماهو على نفس السرعه
رجعتله تانى النهارده قاللى علبة الدريكسيون عاوزه طقم حشو
وهتتكلف تقريبا 120 جنيه بس طبعا لعدم ثقتى بأى صنايعى حاليا
انا طبعا محتاج رأيكم اذاكان حد منكم صادفته مشكله زى دى قبل كده

[ابوهاشم]

ههههههههههههههههههههههههه ه
8 مشاهدات ومافيش حد رد
طيب اسمحولى بقى ارد انا على نفسى
وده طبعا من واقع انى لسه جاى من عند الميكانيكى حالا
بعد يوم معاناه
العيب كان من بلية العجله اليمين كانت انتهت والحمد لله ربنا ستر
ووصلت لحد عنده بالسلامه
وغيرت البليه بالاضافه لشوية شغل تانى

[Ahmed Mubarak]

هاشم باشا
ايه اخبارك الحمد لله انك رديت حتى يستفيد الجميع فى اعتقادى ان المشكلة دى مصدفتش حد قبل كده علشان كدة محدش رد
الله يبارك لك لوتقدر تفيدنى انا عندى عضه فى الدريكسيون مع العلم ان صاحب العربييه اللى انا اشتريته منه قالى انها عايزة علبة دريكسيون .
ولما وديت العربية للعفشجى علشان اربط العفشه شرحت له الموضوع كله وقالى ماتشيلش هم انا هظبطها والمهم فتح حاجة كدة من عند المكان اللى فية الاستبن وقعد يفك بمفتاح وبعد كدة قعد يربط بالمفك وبعد كدة ربط الصاموله تانى وكان فى بوش فى الدريكسيون اختفى شوية لكن كان فى عضة ولما ظبط الهواء حاسيت انه بقى خفيف شوية مع العلم ان الهواء اتظبط 24 قدام 26 ورا
تعتقد انها علبة دريكسون ولا حبة تظبيط عند واحد بيفهم !!!!!!
شكرا لك وجزاك الله كل خير .

[ahmed azab]

هاشم باشا
ايه اخبارك الحمد لله انك رديت حتى يستفيد الجميع فى اعتقادى ان المشكلة دى مصدفتش حد قبل كده علشان كدة محدش رد
الله يبارك لك لوتقدر تفيدنى انا عندى عضه فى الدريكسيون مع العلم ان صاحب العربييه اللى انا اشتريته منه قالى انها عايزة علبة دريكسيون .
ولما وديت العربية للعفشجى علشان اربط العفشه شرحت له الموضوع كله وقالى ماتشيلش هم انا هظبطها والمهم فتح حاجة كدة من عند المكان اللى فية الاستبن وقعد يفك بمفتاح وبعد كدة قعد يربط بالمفك وبعد كدة ربط الصاموله تانى وكان فى بوش فى الدريكسيون اختفى شوية لكن كان فى عضة ولما ظبط الهواء حاسيت انه بقى خفيف شوية مع العلم ان الهواء اتظبط 24 قدام 26 ورا
تعتقد انها علبة دريكسون ولا حبة تظبيط عند واحد بيفهم !!!!!!
شكرا لك وجزاك الله كل خير .

كد هي محتاجة علبة دركسيون لان العضة دي من قلب العلبة وملهاش حل غير التغير وهولملك البوش من المسمار اللي كان بيربط فيه في وش العلبة
هي عربيتك 1300؟؟؟
هتلاقي سعر ها جديد حوالي 600

[Ahmed Mubarak]

شكرا يا استاذ احمد
ممكن تقولى سعرها استيراد بكام لو تعرف
وجزاك الله كل خير

[ahmed azab]

شكرا يا استاذ احمد
ممكن تقولى سعرها استيراد بكام لو تعرف
وجزاك الله كل خير

حوالي 350 جنيه او ارخص حاجة بسيطة بس بلاش مستعمل في العلبة لانها هاتكون برضه نص ونص ومش بعيد تلاقي اللي عندك احسن

[amo400]

انا كان عندى بوش بوش و ده كان من كاوتشة اخر علبة الدريكسيون فى صدر العربية من جواه و مسعود الكهربائى ربنا يبركلوه عملها بعد ما حيرت الميكانيكية و العفشجية و كله قال لازم تتغير علبة الدريكسيون

[ابوهاشم]

متهيالى ان الضغط اللى انت ظبطه للكاوتش كده كتير ويخلى العربيه تهبد منك
انا مقاس الكاوتش عندى 15 بظبطه22 ورا 20 قدام
والمفروض الكاوتش الاصلى بتاعها زى ماقال الكتالوج 20 ورا 18 قدام
امما عن علبة الدريكسيون بصراحه مش عارف سعرها
لكن الميكانيكى كان قاللى ان طقم الحشو بتاعها ب120جنيه ومش عارف اذا كان ده ينفع عندك ولالا
ياريت تسال ميكانيكى موثوق فيه
ولو انت قريب من جسر السويس روح لمحمد على وشوف رده ايه وفى المنطقه هناك
فى بياعين استيراد وجديد وممكن تلاقى عند محمد على نفسه

[ihab]

سعر علبة الدركسيون الجديد 650 تقريبا و دى تكاتا برازيلى
و مفيش Trw حاليا
سعرها استيراد 350 تقريبا ه بالنسبة لل Trw النظيف
الناكاتا انا جبت واحدة جديدة و ركبناها و لاقيناها فيها بوش و مخلية الدركسيون ثقيل ففكيناها تانى و ركبنا واحدة Trw استيراد

[ahit]

سعر علبة الدركسيون الجديد 650 تقريبا و دى تكاتا برازيلى
و مفيش Trw حاليا
سعرها استيراد 350 تقريبا ه بالنسبة لل Trw النظيف
الناكاتا انا جبت واحدة جديدة و ركبناها و لاقيناها فيها بوش و مخلية الدركسيون ثقيل ففكيناها تانى و ركبنا واحدة Trw استيراد

إيهاب باشا واحشنى بجد و الله
أنا عندى بوش بسيط و أوقات خبط فى المطبات و لما سالت على علبة دركسيون 1302 لقيتها جديد 1300 فما فوق و إستيراد 700 جنية !!!!!!!!!!!!!
فقولت البوش مفيش أحسن منه و الخبط يا عينى عليه !!!!!!!!!!!!!!!!
و كفاية أوى إن العربية فيها دريكسيون