فلتر التكييف

[M.Gamaledeen]

بمناسبة الصيف طبعا
والحر اللي داخل علينا يجري ده
لقيت التكييف بيعمل ريحة مش كويسة لما بيشتغل فترة وأقفله
ده غير اني بالاقي قطع زي السفنج صغيرة بتطلع من الهوايات
ف عرفت ان كل ده من الفلتر
حد يعرف مكانه فين بالظبط في العربية ؟
وبيتباع فين وبكام ؟؟؟
وينفع اركبه بنفسي ولا لازم فني تكييف ؟؟؟؟؟؟؟؟؟؟؟؟؟؟؟؟

[M.Mostafa80]

بص ياحماده الحوار بسيط خالص
أولا مكانو فى سدر العربيه تحت الفبر الأسود الى فى البلستكه الشفافه بتاعت رقم الشاسيه
أما موضوع السفنج دا فا هتعمل الأتى واحد أقفل البوابه بتاعت الراجع
هتشغل مروحه التكييف على أعلى درجه مع ظبط مخرج الهواء على الرجل شويه وعلى الفتحات الى موجوده فى التابلوه ناحيه الزجاج شويه وعلى الهوايات بتاعت الوجه شويه هطلعلك كل الكلام دا بس طبعا تخليك برا العربيه وغطى الكراسى بحاجه عشان ما يتبهدلش حرام دا الفابريكه والفلتر لو طلعتو لقيتو ماسك نفسو مش مهرى ولا بايش يبقى عايز نفضه محترمه بكمبروسر هواء أو بلاور وسيبه فى الشمس شويه كده لقيتو بقى نضيف ههات أى معطر حلو ورشو على الفلتر أو أنك تجيب واحد جديد أفضل وتعمل فيه نفس حوار المعطر وأدعيلى والفلتر أنا كنت جبتو من فتره كان عامل 75 ج من عند الصفوه ش رمسيس

[umoussa]

عزيزي محمد

غير الفلتر كل داخلة صيف وشتاء علشان صحتك ونفسك

وبلاش حكاية المعطر دي - معلش يا محمد علشان الريحة بتلزق في السربنتينة الداخلية وبطلع ريحة وحشة بعد كدا

وبلاش ترش سبراي أو معطر في الهوايات لنفس السبب

تغيير فلتر التكييف حياخد منك 5 دقائق

[M.Gamaledeen]

ألف شكر ليك يا محمد
ألف شكر ليك ياباشمهندس

بس سؤال ع الماشي
منين اجيب الفلتر ده لو حبيت اجيبه وأنا راجع من الشغل ؟؟؟ وبكــااااااااااااااام (علشان ماينضحكش عليا)؟

[M.Mostafa80]

فى الصفوه فى شارع رمسيس وتقريبا 75 أو 80
وأسمع كلام أسامه لايفتى ومالك فى المدينه

[umoussa]

لا لا متسمعش كلام أسامه إسمع كلام محمد

أنا الفلتر بتاعي مختلف شوية وبيعذبني أصلاً علشان أجيبه لأنه عليه جزيئات كربون لامتصاص الروائح الكريهة

الفتر ده أتخن شوية من الفلتر العادي ولازم تغيير المكان الي بيركب فيه لو عايز تركبه

أتخيل إنه بحوالي 90 جنيه حاجة كده بس الحق يتقال مش فاكر بكام وبرضو الحق يتقال الفلتر ده بيمنع أي ريحة كريهة

احتمال تلاقيه عند أشرف الشهابي...إحتمال

لأنه بيجيب منه عدد قليل

[M.Gamaledeen]

فى الصفوه فى شارع رمسيس وتقريبا 75 أو 80
وأسمع كلام أسامه لايفتى ومالك فى المدينه

محمد
ممكن توصف لي محل الصفوة فين بالظبط
علشان ب افكر اعدي عليه انهاردة إن شاء الله

[M.Mostafa80]

بص ياسيد لو هتنزل شارع رمسيس من نزله أكتوبر أو لو جى من عبد المنعم رياض وداخل على رمسيس هتعدى

[M.Mostafa80]

يه بص ياسيد لو هتنزل شارع رمسيس من نزله أكتوبر أو لو جى من عبد المنعم رياض وداخل على رمسيس هتعدى أشاره الأسعاف وتعدى أول شارع الى على ناصيته محطه أتوبيس تمشى حبه صغيرين هتلاقيه على أيدك اليمين على شارع رمسيس نفسه المحل الوجهه بتاعتو لونها أزرق
لو لقيت واحد هناك أسمرانى شويه كده قولو أنا صاحب محمد الى أخد منك الشجره بتاعت المياه الى معاه البولو البيضاء وهو جدع لو طلبت منو أنو يتهاون معاك فى السعر شويه هيعمل معاك واجب

[M.Gamaledeen]

شكرا يا ابو حمييييييد