الى خبراء البولو-- عندى عفريت فى العربية مطلع عينى

**ramzi** · 23-04-2009 07:34 PM

اصدقائى السلام عليكم
انا معايا بولو 95 فوكس
و عندى مشكلة غريبة فى العربية تظهر فى السفر فقط وتبتدى تظهر بعد ما اقطع مسافة 30 او40 كم على الاقل وهى ان طارة الدريكسيون فيها بوش على شكل مدفع جهة اليمين . وتظهر اكتر لو طريق السفر مبتل وفى مطر
ذهبت عند عدة مكانيكيا معرفون بدون ذكر اسماء وعملت الاتى بدون فائدة.
غيرت البيضة شمال - رصصت الاطارات مع ظبط الهواء - ظبط زوايا - تغيير وضع الاطارات مع فحص الكاوتشوك - غيرت كاوتش الكوبلن الداخلى والخارجى شمال - غيرت كاوش علبة الدركسيون .
طبعا كلة بيجرب فيا ومحدش غرمان حاجة . لذا اخوانى ارجو المساعدة فى اسرع وقت .
ورقمة 8415880 / 010
ولكم جزيل الشكر

**ahmed_gman** · 23-04-2009 10:58 PM

ربنا يهديك للحل ان شاء الله ويهديهالك

**umoussa** · 24-04-2009 02:28 PM

مدفع ولا عضة؟

**umoussa** · 24-04-2009 02:37 PM

معلش كمان شوية أسئلة:

بتظبط الزوايا فين؟
الحكاية دي بتحصل على أنهي سرعة وعلى أي غيار؟

بتسمع ترقعة أو تكة لو انا واقف وبتكسر يمين أو شمال؟

الكبالن الداخلية ملهاش علاقة بالموضوع، لأنها لما بيحصل فيها بوش بتسمع كراكة تحت رجلك لما تيجي تزود بنزين

والكبالن الخارجين لما بتبوظ بتعمل صوت الطرقعة المشهور في الملفات

الكبالن الداخلية كمان لما تبوظ بتعمل غربلة في الطارة على السرعات العالية فوق 80 مثلاً على الطرق المفتوحة

بوش علبة الدركسيون بيسمع في فتح وقفل العجل وكمان في الطارة ودا في صورة إن الطارة مثلاً لما تضرب فرامل جامدة تلف يمين أو شمال

**original** · 24-04-2009 02:55 PM

مش جايز بيضات المقصات 2 يمين أو 2 شمال يعنى مش واحده يمين وواحده شمال!!
يمكن غير المقص من غير ما يتأكد من اتجاه البيضة!!

**ramzi** · 27-04-2009 01:44 PM

umoussa
شكرا على ردك واهتمامك
انا بظبط زوايا فى محطة بنزين كالتكس - بريدج ستون
الموضوع دة بيحصل عند سرعة 80 كم فيما فوق ولما برفع رجلى من دواسة البنزين الموضوع يزيد ارجع ادوس بنزين يروح او يخف شوية ...
وانا بهدى السرعة وبكون ماشى براحة فى الصحراوى عشان المطبات الصناعية فى الطريق المزدوج بلاحظ ان الطارة بتتحرك لوحدها جهة اليمين وترجع تانى .
وفعلا ساعات بلاحظ ان اثناء الفرملة فى السرعات العالية الطارة تغربل مابين اليمين والشمال .

**original** · 27-04-2009 08:23 PM

مش جايز المساعدين!!

**M.Mostafa80** · 27-04-2009 09:55 PM

المشاركة الأصلية كتبت بواسطة original

مش جايز المساعدين!!

دا أحتمال كبير وخصوصا مع مطبات الهوى الموضوع ده بيبان
بس سؤال هلى العلبه الباور ممكن يتغير الحشو بتاعها

**original** · 28-04-2009 07:41 PM

تتصين يعنى!!!
مفتكرش !! بتتغير استعمال أحسن..

**ابوهاشم** · 29-04-2009 02:55 PM

ربنا يهديك للحل السليم ان شاء الله
بس ياريت تشوف بتاع ظبط زوايا تانى لان تقريبا كده وحسب كلامك المشكله من الزوايا \
والله اعلم
انا اتخضيت لما شوفت عنوان الموضوع بتاعك وفكرت انك عندك والعياذ بالله عفريت بجد فى العربيه
وفكرتنى بالعرسه اللى كانت فى عربيت ومجننانى

الموضوع: الى خبراء البولو-- عندى عفريت فى العربية مطلع عينى

LinkBack

أدوات الموضوع

عرض

-

-

-

-

-

-

-

المواضيع المتشابهه

العربية راكبها عفريت

العربية فيها عفريت

هى العربية راكبها عفريت و الا ايه؟؟؟؟؟؟

و العربية متعشقة علي مطلع ..........

الفيروس الصينى مطلع عينى

الكلمات الدلالية لهذا الموضوع

المفضلات

المفضلات

ضوابط المشاركة