غيرت ترموسات الريداتير والمشكلة إتحلت بولو 98

[original]

http://www.nilemotors.net/Nile/showthread.php?t=66151

المروحة ماكنتش بتفصل والحمد لله طلع العيب من الترموستات..
بعد ماغيرتها عملت غسيل مرتين بمياه مقطرة فقط وبعد كده سائل التبريد مع المياه المقطرة وطبعا كان أصلا فيها سائل التبريد بس كان بقاله سنه وقلت أضمن.. الوقاية خير من العلاج..
الترموستات ب 80 جنيه ألمانى والله أعلم طبعا..
سائل التبريد 50 جنيه
مياه مقطرة 1.5 جنيه للعبوة جبت 12 عبوة
جبت لقمة 30 عشان أفك بيها وطبعا طويلة عشان الترموستات طويلة ومالقتش لقمة 29 مقاسها بس الحمد لله..

[snakeson2]

قشطة ياباشا !
علي فكرة المية الحمرا يفضل انها متتخففش !
المره الجاية ابقي هات علبتين هيكون التبريد افضل!

[M.Mostafa80]

الحمد لله حمد الله على سلامتها ياباشا
بس ممكن تقولنا مكان الثرموثتات دا فين مش بيتهئلى هو هو حساس الحراره ولا أنا الدنيا دخلت عندى على بعضيها

[original]

علي فكرة المية الحمرا يفضل انها متتخففش !
المره الجاية ابقي هات علبتين هيكون التبريد افضل!

G12 Plus دى لونها بنفسجى..
أنا اللى أعرفه إن بالنسبة للسائل ده مركز!! ولازم يتخفف!! لأنه مقاوم للصدأ وضد التجمد وممكن مايكنش بيبرد أكتر من إنه بيحافظ على دورة التبريد ومكتوب عليه عند (-37) درجة تحت الصفر يتخفف ب 50% مياه وعند (-8) درجات تحت الصفر تخفف ب 80% مياه يعنى لو عبوة 1.5لتر نحط عليها 7.5لتر مياه..
لو عندنا درجة الحرارة (20) درجة فوق الصفر وطبعا ممكن (30-35) فى الصيف تفتكر ممكن تخفف بكم لتر وللا نحط غطاء العبوة فقط على جركن مياه!!!
أنا تقريبا كده حطيت العبوة ال لتر ونصف!! والعربية لو مافيهاش مياه خالص هتاخد 6-7 لتر تقريبا..
بس طبعا كل الكلام ده على مياه مقطرة مافيهاش أملاح عشان دورة التبريد والله أعلم...

مكان الثرموثتات دا فين

تحت الخرطوم العلوى اللى داخل للريداتير على يمينك هتلائى الفيشة بتاعتها ودى غير اللى إنتا غيرتها..

[original]

على فكرة التبريد فرأ كتير والعربية مابتسخنش بسرعة مش عارف إذا كان السبب سائل التبريد G12 Plus وللا إيه!!

[M.Mostafa80]

دا شئ كويس مع أننا دخلنا على الصيف خلاص ولا الدنيا لسه برد عندكو

[original]

لأ معقولة لسة مش حر..

[ابوهاشم]

حمد الله على سلامة العربيه ياباشا