السفنتينا (127) بتاعتي صوت موتورها عالي

[نور العمر]

صوت الموتور عالي للسفنتينا 127 /87 فيورا

ده ممكن لإن البنزين 80
غيرتلها زيت وفلتر
وشيكت على الكهربا وكله
وبحس إن عزمها ضعييف مع النقلات
إصلي هرتها أول وتاني والتالت معايا ضعيف
أصلي بخاف من ال 60 ....
وكمان جننتني
بكون قفلاها وكله تمام
اصح الصبح ألاقيهم بيقلولي الفلاشر شغال
محيراني الحقيقة ...
ومرة كنت متأكدة إني قافلة كل الأبواب
انزل أللاقي الباب اليمين مفتوح
واضح إنها مشاكسة

[HASSANSG]

المشكلة دى ممكن يكون سببها 3 حاجات:
1- كهربة العربية مش مظبوطة (اسبراتير)
2- البوجيهات يعنى ما فيش حرق كويس
3- ديسك واسطوانة

خلى ميكانيكى يظبطلك الكهربا الاول وغيرى طقم الكهربا (بوجيهات - ابلاتين - كوندينسر) وشوفى الحال هايكون ايه

[hoda9999]

bosy hya al arabia de zbala asla
mashy aslha kanet m3aya
we htsrfy aleha kter lw kol haga htofy helha kda
tany haga spare parts kolha masry la sene aw maktop aleha turkey wla italy wehya masry
prices bta3a el spare parts is cheap
wlknha btboz bsor3a bs delokty baet 2 weeks bs
we tslhy tany
flo ma3ky flos be3ha
ha3zaha atb3y al rules el ha3olek aleha delokty
awl haga
at3mly m3 mechanicy wahed bs
we m3 shakmngy wahed bs
we m3 kahrbae3y wahed bs
weykon orybeen mnk
khlas
b3d kda
banzene 80 zy alfl
msh hwa almoshkly
hawly ta3tmdy alanafsk shwya
bosy
afthy al kabot asm3y sot al motor
lw fe sot shek shek shek shek shek da al tol
aw sot sek sek sek sek altol
yb3a de hayza tazbetat takehat
we lwaltakehat mnhola khale yhawel yazbtha
mtgyerish alshan almechanicya byst....o
tyb lw sm3a sot
geeeeeee geeeeeeeeeee gamed
aw bm3na ash
rohy le dhr alarbia hnd ftha alshkman
we asm3 al sot
we rohy tany hnd al mator
lw sm3a nfs alsot odam
yb3a ente hayza tzbte al shakman
tyb lw sm3a al mator we hwa shagal msh ala watera whda ya3na 3amel kda
maaaaaaaaaaaaaaaaaeeaaaaaaaaaaaaaeeaaaaaaaa
we hkza ya3na msh ala wter whda
yb3a da m3naha fe bojeh bayez aw ablatin aw slok al harraria aw distrubter cap ele khareg mno al slok alharrarea galbn 5 slok
khals
tb we ente sm3a sot al motor
sm3a sot haga zy rshash hwa
sot hwa kda gamed we byzed m3 dos al benzene
lw msh sam3a yb3a air filter bayez we hayez change
atmna eny akon aftk

[محمد فريد]

الفرانكو ارابيك ممنوع

[نور العمر]

المشكلة دى ممكن يكون سببها 3 حاجات:
1- كهربة العربية مش مظبوطة (اسبراتير)
2- البوجيهات يعنى ما فيش حرق كويس
3- ديسك واسطوانة

خلى ميكانيكى يظبطلك الكهربا الاول وغيرى طقم الكهربا (بوجيهات - ابلاتين - كوندينسر) وشوفى الحال هايكون ايه

تمام كلام حضرتك

هو ده إللي حصل فعلا
مع تنظيف ردياتير وكربرتير
وغير وش جوان و2 بوجيه
وسلك التكهات
وركب ماستر فرامل

بقت تمام

ميكانيكي ممتاز ... اشترى الحاجة بفاتورة واخد مصنعية 50 ج بس وخلصها في 3 ساعات

[maka]

هو بيك السرعة اللى راكب رقمه كام؟؟؟

ممكن يكون ضيق فبيخنق العربية

[نور العمر]

يعني إيه
مش فاهمة
هي العربية خمسة غيار
بجيب 80 وأنا على الرابع
هي ممكن تجيبب اكتر من كدة
أخرها في السرعة إيه

[maka]

يعني إيه
مش فاهمة
هي العربية خمسة غيار
بجيب 80 وأنا على الرابع
هي ممكن تجيبب اكتر من كدة
أخرها في السرعة إيه

البيك ده عامل زى فونية وبيبقى جوه الكاربياتير وانا عندى نفس موديل عربيتك

المهم البيك اللى كان راكب كان مقاسه 110 وكنت بجيب 100 على

الرابع وغلطت غلطة عمرى وغيرت البيك لاصغر 105 علشان اوفر

بنزين وبقيت بجيب 70 على الرابع

الخلاصة لو البيك عندك مش مناسب هتلاقى السحب قليل وصوت الموتور بيعلى

[HASSANSG]

Maka باشا

انا عندى نفس المشكلة, الرابع بيجيب 70 دة غير حاجة تانية ان صفيحة البنزين بتعمل معايا 130 كيلو بس مع انها مع اصحابى بتعمل 180 و 200 كيلو بـــ 127 ونفس الموديل 85

دلنى حضرتك اعمل ايه؟

[maka]

Maka باشا

انا عندى نفس المشكلة, الرابع بيجيب 70 دة غير حاجة تانية ان صفيحة البنزين بتعمل معايا 130 كيلو بس مع انها مع اصحابى بتعمل 180 و 200 كيلو بـــ 127 ونفس الموديل 85

دلنى حضرتك اعمل ايه؟

اخبار الكاربياتير عندك ايه؟؟؟ والباب والاكس؟؟؟ واخر مرة غيرت بوجيهات من امتى؟؟

انا عن نفسى -اول ما افضى ان شاء الله - هروح اغير البيك لاعلى او

بفكر جديا اغير الكاربيتير كله بواحد جديد

[نور العمر]

مرسي maka كتيير
حسأل الميكانيكي على البيك
وهو أخرة 110 واللا في أعلى
هو لسة منظف الكربراتير والتكيهات
وغيرت 3 بوجيهات . والأبلتين . وجلبتين . وكوندينسر
سحبها فرق
.. وأنا على الرابع مش بحاول اجرب فوق ال 80 سرعة
بس هو المفروض لو العربية سليمة تجيب رابع كام وخامس كام
وشكرا

وسؤال أخير

إيه هو الباب والاكس

منكم نستفيد

[maka]

مرسي maka كتيير
حسأل الميكانيكي على البيك
وهو أخرة 110 واللا في أعلى
هو لسة منظف الكربراتير والتكيهات
وغيرت 3 بوجيهات . والأبلتين . وجلبتين . وكوندينسر
سحبها فرق
.. وأنا على الرابع مش بحاول اجرب فوق ال 80 سرعة
بس هو المفروض لو العربية سليمة تجيب رابع كام وخامس كام
وشكرا

وسؤال أخير

إيه هو الباب والاكس

منكم نستفيد

هو الاحسن البيك يكون 110 وفيه اعلى من كده بس لهواة السرعة واكيد

استهلاك بنزين اكتر والعربية حلو اوى عليها 100 كم/ ساعة

واحد صاحبى معه موديل 86 ومركب بيك 120 -تقريبا -والعربية

موتورها حلو وكنت راكب معه وجاب 140 بس ايه الدنيا ريشة فى هواء

وحاولى لما تغيرى البوجيهات غيرى الطقم كله مع بعضه احسن

ولو العربية كويسة مفروض تجيب على الرابع من 80 الى 100

والخامس من 100 الى 120 حسب سواقتك وقرصك على الغيارات

والحمولة وحالة الطريق

اما الباب والاكس فهم المتحكمين فى دخول خليط الهواء والبنزين وفيه

ناس متخصصة فى اصلاحهم بس مبيرجعوش زى الاول وبيبوظوا بسرعة

[HASSANSG]

Maka باشا ممكن تدلنى الاقى المسمار بتاع الهوا فين فى الكربراتير
حاسس ان العربية مكتومة ومرة حصل معايا نفس الكلام والميكانيكى قالى دة الهوا كان مقفولالمشكلة انى نسيت المسمار دة فين

تاعبك معايا دايما يا باشا

[maka]

Maka باشا ممكن تدلنى الاقى المسمار بتاع الهوا فين فى الكربراتير
حاسس ان العربية مكتومة ومرة حصل معايا نفس الكلام والميكانيكى قالى دة الهوا كان مقفولالمشكلة انى نسيت المسمار دة فين

تاعبك معايا دايما يا باشا

بيبقى فى وش الهواية( اللى بتدخل هواء للصالون) على اليمين

لفه لفوق لفتح الباب والعكس صحيح

127 ليها نوعين كاربيتير :

1- سولفكس وده اسبانى وبيبقى راكب فى الفيورا

2- باور وده ايطالى ويبقى راكب فى النصر

[HASSANSG]

انا متشكر جدا يا Maka باشا هانزل من الشغل ان شاء الله اجرب لان العربية مكتومة معايا جدا

وياريت اتشرف بأسم حضرتك

انا اخوك حسن