شوية استفسارات ع الماشي في الشاهين

**HRH_Sameh** · 27-04-2009 12:32 PM

دلوقت انا معايا شاهين 2004
وفي حاجات واخد عليها وبعملها في العربية
وبعد ما قريت الكتالوج (اللي تشرف المهندس احمد برفعه) لقيت شوية اختلافات محتاجة مناقشة ما بينا

1- ظبط الكاوتش: طول عمرنا بنقول 28 في الصيف و30 في الشتاء
الكتالوج صفحة 50 بيقول ايه:
عند الأحمال المتوسطة: 26 قدام - 29 ورا
عند الأحمال الكاملة: 26 قدام - 32 ورا
صيف شتاء
مع ملاحظة زيادة 2 في كل عجلة عند السير في مسافة طويلة (سفر مثلا) يعني 28 و31 - 28 و34 عند الحمل الكامل

ايه رأيكوا في الكلام ده؟ يعني اظبط على كده واجرب ؟ والا 26 ده قليل ؟؟؟

2- في صفحة 29 في الكتالوج بيقول "انتظر حتى درجة حرارة 90 بعدها يمكن بدأ التحرك بالسيارة ؟؟؟!!!!!
ينفع الكلام ده والا صعب شوية؟

3- زيت الموتور :
طول عمرنا بنقول 3.5 من غير الفلتر و4 بالفلتر
الكتالوج صفحة 52 بيقول بالفلتر : 4.4 لتر 3.65 كجم ؟؟؟!!!

SAE 40 15W50 / 20W40 / 20W50

تيجي ازاي؟

وبمناسبة الزيت ايه افضل زيت للعربية دي؟
انا على طول كنت بغير اسو الرمادي ده (1500 كيلو او 6 شهور) هل كده المده كبيره؟
وهل في زيت انسب منه ؟ وهل الزيت في الصيف يبقى غير الشتاء؟

4-

ماشي السرعة القصوى لكل غيار مفهومة (مع الأخذ في الاعتبار ان الغيار الخامس مش للشد او زيادة السرعة حتى)
ايه بقى المرتفعات والنسب دي (هاتجنني) ومش فاهمها ياريت حت يوضحها

5- صفحة 52 بيقول زيت مجموعة القيادة 0.15 لتر او 0.135 كجم : يقصد زيت الباور؟

6- في نفس الصفحة برضه بيقول حجم غرفة الأمتعة 400 ديسيمتر مكعب
هل كده معناها برضه 400 لتر؟

دول اللي جم في بالي دلوقت ولو افتكرت حاجة تاني هاكتبها
وارجو التفاعل منكم

**emadkamel** · 27-04-2009 04:47 PM

ده فين الكاتالوج ده ؟؟؟؟ انا بقالى سنتين بادور على واحد ...

الكاوتش: انا زيك بالظبط كله 28 صيف و30 شتا ... اول مرة اسمع عن المقاييس التانية
ده الواحد كده مش هايمشى من عند العجلاتى !!!

درجة الحرارة: دى انا عارفها وهى فعلا احسن اداء للشاهين لما توصل 90 ... ممكن تتحرك لما توصل 50 بس ماتحرقش على العربيه الا عند 90

زيت الموتور: برضه كلام غريب جدا بالنسبه لى ... ياريت حد من الاخوة يوضح ... انا باحط شل هليكس الاصفر

السرعة القصوى : دى كمان مضحكة شوية .. اول ايه اللى هاجيب بيه 40 ده؟؟ دى بتجيب 20 وبيبقى صوتها جايب ليبيا .... المرتفعات اكيد مقصود بيها مطالع

**HRH_Sameh** · 28-04-2009 09:31 AM

المشاركة الأصلية كتبت بواسطة emadkamel

ده فين الكاتالوج ده ؟؟؟؟ انا بقالى سنتين بادور على واحد ...

الكاوتش: انا زيك بالظبط كله 28 صيف و30 شتا ... اول مرة اسمع عن المقاييس التانية
ده الواحد كده مش هايمشى من عند العجلاتى !!!

درجة الحرارة: دى انا عارفها وهى فعلا احسن اداء للشاهين لما توصل 90 ... ممكن تتحرك لما توصل 50 بس ماتحرقش على العربيه الا عند 90

زيت الموتور: برضه كلام غريب جدا بالنسبه لى ... ياريت حد من الاخوة يوضح ... انا باحط شل هليكس الاصفر

السرعة القصوى : دى كمان مضحكة شوية .. اول ايه اللى هاجيب بيه 40 ده؟؟ دى بتجيب 20 وبيبقى صوتها جايب ليبيا .... المرتفعات اكيد مقصود بيها مطالع

الكتالوج في الموضوع ده:

بالنسبة للمطالع ايوة انا فاهم بس ايه النسب دي وعلاقتها بالغيارات؟

وشرفت الموضوع

**HRH_Sameh** · 03-05-2009 11:43 AM

مش عارف ، كنت متوقع مناقشة اكتر من كده
فين اصحاب الشاهين؟!

**HRH_Sameh** · 07-05-2009 01:02 PM

شكل الأسئلة صعبة حبتين
فين الرجالة اللي دماغة نضيفة ؟ :)

**HRH_Sameh** · 13-05-2009 12:35 PM

استكمالا للنقطة رقم 3-

العربية شاهين 2004 : ماشية 45 الف كيلو

من ساعة ماجبتها (زيرو) من 5 سنين وشوية وفي التوكيل قالي تحط زيت إسو اكسترا الجركن الرمادي وتغيره كل 1500 كيلو ، وهو معدني 20w50 sf انا ماشي بيه ومابينقصش

هل الزيت ده كويس (أصلي مش لاقي حد بيتكلم عليه هنا في المنتدى!) مع العلم ان اسو وموبيل شركة واحدة (كله إكسون!) والا تنصحوني بحاجة تانية؟

هل أستمر عليه والا فيه زيت انسب منه للعربيه - مع العلم ان مشاويري حاليا قليله جدا جدا (6 شهور استخدام يومي اجمالي: 1200 كم بس)

وفي نفس الوقت الزيت حاليا قرّب على 6 شهور (يبقى لازم يتغير فورا؟) لأن زمان كنت بعمل الـ 1500 دول في شهر تقريبا بس من سنتين كده الوضع اتغير
معلش طولت عليكم

منتظر الردود

**yasser012** · 20-05-2009 02:26 PM

السلام عليكم ورحمة الله
بالنسبة للزيت انا بحط موبيل الجركن الابيض وسألت المكانيكى عليه قالى هو كويس والايسو برضه كويس وبغيره كل 2700:3000 كيلو بالنسبة لسرعة الغيرات هى مبالغ فيها شويه لان نفذت الكلام دة حيبقى صوت المكنة عالى جداً

**HRH_Sameh** · 21-05-2009 10:09 AM

شكرا يا ياسر
بس انا مش قصدي ع السرعة
قصدي على النسب اللي جنبيها

**mix_elmasry** · 21-05-2009 02:05 PM

السلام عليكم

بالنسبه للزبت فالموبيل او الاسو مش اكتر من 1500 وانا بحط موبيل وان

**mix_elmasry** · 21-05-2009 02:19 PM

انا اخوكم مصطفى
معايا شاهين مو2002 sl 1.4
انا المالك الاول ليها واحب اعرفكوا شويه معلومات بواقع خبرتى
1- الشاهين عربيه قويه ولكن للاسف التافيل زفت فيجب ماعات تربيط العفشه كل 5000 كم عت تجربه
2- احسن زيت للشاهين هوا الموبيل سوبر الابيض زاخره 1500كم
3- مراعاه تغيير سير الكاتينه كل 20000كم وسيبك من اللى يقولك 40000كم لان للاسف السيور كلها مضروبه وانا برشح الايسوران ب 40جم
3- مراعاه تغيير بلى العجل الامامى كل 60000كم
4-اما بالنسبه للاخوه عن موضوع السرعه الكلام ده حقيقى والكلام ده اتجرب عملى والعربيه جبت لغايه 165 كم وده اخرها و 145 بالتكيف
وشكرا

الموضوع: شوية استفسارات ع الماشي في الشاهين

LinkBack

أدوات الموضوع

عرض

شوية استفسارات ع الماشي في الشاهين - انشر الموضوع فى :

-

-

-

-

-

-

المواضيع المتشابهه

شوف شكلك و إنت صغير ( شوية هزار ع الماشي)

شوية اسئلة علي الماشي ... ماشي ؟

شـــــــ(شوية اسئلة على الماشي)ــــــارع الاعتراف

شوية ضحك علي الماشي

الكلمات الدلالية لهذا الموضوع

المفضلات

المفضلات

ضوابط المشاركة