بولو سيدان اتوماتيك 2003

[Ahmed.TV]

-اتمنى من اهل الخبرة ومالكى السيارة بولو سيدان موديل 2003 اتوماتيك يدخلوا ويقولوا رايهم فيها بدقة من حيث :

-(كفاءة السيارة - الوسع - استهلاك البزين - قطع الغيار - الماتور وقوته - وهل فيها فرامل اي بى اس ولالا - هل فيها نجيكشن ولالا - التكيف - سحب العربية مع التكيف مشاكل السيارة اذا كان ليها مشاكل عامة )

-العربية عجبانى جدا وانا معايا من 60 الف الى 65 وسمعت ان سعرها فى الحدود ده وخصوصا موديلات 2003 و2004

-السوال الاخير والاهم هل فى بولو سيدان اتوماتيك موديل 2005 فى مصر مستعمل ولالا وسعرها ممكن يكون فى حدود كام ؟؟؟

-اسف على الاطالة ومستنى خبراتكم للاسفتادة منها الشخصى والاستفادة العامة لباقى الاعضاء
وشكرا

[Ahmed.TV]

ارجوا المساعدة من اهل الخبرة نظرا للاهمية والاستفادة العامة

[zico900]

معلش اظاهر مهدش عنده الموديل ده خالص في المنتدى....

[MASTERVOLKS]

مافيش بولو سيدان فى مصر 2003 لان اللى كان موجود بولو كلاسيك مو 2001 و مانيوال و اللى نزل بعد كده شكل البولو العيون كان 2003 و كان هاتشباك و بعدين فى 2004 نزل بوبو سيدان 1400 اتوماتيك و 1600 مانيوال و ممكن تلاقى 2005 و العربيه دى ممتازه

[M.Mostafa80]

مافيش بولو سيدان فى مصر 2003 لان اللى كان موجود بولو كلاسيك مو 2001 و مانيوال و اللى نزل بعد كده شكل البولو العيون كان 2003 و كان هاتشباك و بعدين فى 2004 نزل بوبو سيدان 1400 اتوماتيك و 1600 مانيوال و ممكن تلاقى 2005 و العربيه دى ممتازه

هل حضرتك صاحب مركز الفولكس الى فى الهرم عند المجزر الألى

[Ahmed.TV]

مافيش بولو سيدان فى مصر 2003 لان اللى كان موجود بولو كلاسيك مو 2001 و مانيوال و اللى نزل بعد كده شكل البولو العيون كان 2003 و كان هاتشباك و بعدين فى 2004 نزل بوبو سيدان 1400 اتوماتيك و 1600 مانيوال و ممكن تلاقى 2005 و العربيه دى ممتازه

----------------------------------------------------
الف شكر على مرورك اخى العزيز
بس فى واحد معايا فى الشغل قريبه معاه بولو سيدان اتوماتيك موديل 2003 وفعلا شكر فى العربية جدا وكويس ان فى منها 2004 واتمنى انى الاقى منها 2004 او 2005 مستعمل وبحالة ممتازة
لان ارتحت للعربية دى وكنت بفكر فيها او فى الفورد فوكس موديل 2003 او الاوبل فيكترا موديل 2002 اتوماتيك 1600 سى سى بس بصراحة دى افضلهم البولو مع ان الاوبل عربية تخض اصلا ووحش بس خايف منها بردوا مش من مسالة قطع الغيار خايف من نظام التصليح لان بيقولوا يا جماعة فى عربيات حلوة اوى فى سوقتها بس بيقولوا فى تصلحها مقرف ومعقد زى الهوندا سيتى مثلا موديل 2005 او 2006 اما قطع غيار كل العربيات المحترمة قطع غيرها غالي اكيد
والف الف شكر على كل اهتمامكم

[Ahmed.TV]

حتى لو محدش عنده عربية بولو 2003 او 2004 يدخل ويعطينى رايه فيها اذا كان عنده معلومة عنها

[alzelafy]

عربيه ممتازة و جيدة بس انا لو مكانك هجيب لانسر مكواة 2002 نفس السعر تقريبا و لكن تتميز عليها من حيث المساحه الداخليه و قطع الغيار و سهوله الصيانه و متعه القيادة و بتعمل من 60 الف الى 65

[M.Mostafa80]

بس مش هياخد منها الثبات والتكونلوجيا المتطوره للمحرك الى موجوده فى البولو

[Ahmed.TV]

بس الانسر اللى بتقول عليها ماتورها 1300 سى سى ومع تشغيل التكيف بتكون بطيئة جدا فالبولو احسن وماتور انضف وكفاية انه المانى مع ان العربية تقريبا متقفلة فى البرازيل ,, وهى العربية الممتازة فى سعر ال60 الف وماتورها 1400 سى سى ده عن راى المتواضع وكفاية انها بولو ,, انا بس اللى عاوز اعرفه اخر موديل من البولو السيدان اتوماتيك سنة كام ؟ عشان ادور على اخر موديل فى الاتوماتيك

[bmw323]

البولو يعيبها شئ واحد هو قطع الغيار فقط لاكن غير كدة زى الفل وربنا يوفقك للخير

[M.Mostafa80]

صديقى على فكره البولو حاجتها مش غاليه زى ماالناس متصوره
نظرا لأنها سياره المانى يعنى أنا كان معايا فورد أسكورت قبل البولو
البولو حاجتها أرخص ومش هتبقى طبعا زى الانسر لأن
الانسر بيجيلها قطع غيار كورى كتير
عكس البولو بتبقى دايما قطع غيرها يألمانى يأسبانى أتحاد أوروبى
ودا مبرر واضح لفرق قطع الغيار ولا أيه يارجاله

[Ahmed.TV]

انامعايا بولو 99 وقطع غيارها معمرة بصراحة ونضيفة اما البولو 2004 الاتوماتيك انا مش عارف هل اصلا قطع غيارها منتشرة ولالا لان العربية قليلة فى مصر واتوماتيك فده اللى مخوفنى والف شكر على مروركم المفيد

[umoussa]

طيب خد بقى المعلومة الي توجع بطنك دي

أنا عندي عربية في المركز بوبو عيون سيدان 2003، 1400 أوتوماتيك قاطعة (كنترول بايظ) العربية دي كانت مرمية في التوكيل بقالها سنتين!!!!!!!!!!!!!

العربية عايزة كنترول، مفيش كنترولات موجودة في السوق إطلاقاً وكل الموجود 1400 عادة مش أوتوماتيك وحتى الأوتوماتيك الموجود بتاع عربيات اتصنعت في أوروبا ومبيشتغلش عليها لأن العربية برازيلي...

الموتور الوحيد الموجود في مصر هو bby وكل المواتير الي جاية من برة bky وده غير ده إطلاقاً....

[Ahmed.TV]

طيب خد بقى المعلومة الي توجع بطنك دي

أنا عندي عربية في المركز بوبو عيون سيدان 2003، 1400 أوتوماتيك قاطعة (كنترول بايظ) العربية دي كانت مرمية في التوكيل بقالها سنتين!!!!!!!!!!!!!

العربية عايزة كنترول، مفيش كنترولات موجودة في السوق إطلاقاً وكل الموجود 1400 عادة مش أوتوماتيك وحتى الأوتوماتيك الموجود بتاع عربيات اتصنعت في أوروبا ومبيشتغلش عليها لأن العربية برازيلي...

الموتور الوحيد الموجود في مصر هو bby وكل المواتير الي جاية من برة bky وده غير ده إطلاقاً....

----------------------------------
المعلومة دى مش توجع البطن وبس دى تسد النفس جامد ,, فعلا كدا بقا فى قلق