كما وعدتكم...تقييم شامل عن هوندا سيتي 2008...1.3اوتوماتيك

[ramyfaris]

كما وعدتكم....بتقييم شامل عن السيتي 2008
آسف للتأخير...بس ظروف منعتني....ونها كمان آخد وقتي في التجربه....
العربيه ليها معايا شهرتقريبا......وعامله 2500 كيلو
نبدأ....علي بركه الله

المواصفات الفنيه:
المحرك:1339 سى سى...كما هو بالرخصه
القوه: 90 حصان............الجيير:اوتوماتيك
الكماليات الاساسيه:تكييف...باور ستيرنج كهربائي...4 زجاج كهرباء...سنتر لوك....مرايات كهرباء..2 اير باج...راديو سي دى...فتح التنك والشنطه من الداخل.....شنطه 500 لتر...ضمان 3سنين او 125 الف كيلو

الشكل الخارجي:
المميزات:




2.العربيه عاليه جدا علي الارض.....وجربت عليها اصعب مطبات بلدنا.....وشرفتني...ودي من اهم مميزات العربيه. 3.شكله من الامام....جميل جدا....واجمل كثيرا من الفوانيس القديمه بتاعت السيتي. 4.من الخلف...الحته اللي زودوها فى الشنطه....عامله شغل جامد. 1.شكلها الخارجي جميل وانيق ولا يختلف عليه اتنين. العيوب:
انا حاسس ان طبقه الدهان بتاعتها ضعيفه شويه....كنت اتمني تكون احسن من كده....بس عندهم فى التوكيل حاجه جامده...بتداري الخدوش اللى ممكن تظهر....فبترجع حلوه من تاني

الصالون والعفشه:
المميزات:





طبعا الدركسيون بيطلع وينزل....
حزام الامان بردوا ممكن يرتفع وينزل حسب طول الراكب.....
فيها جيوب فى الابواب الاماميه.....
فيها حامل كرووت....وفيها مكانين للحقظ....واحد فوق والتاني تحت(تابلوهين)



2.اضاءه التابلوه بتزود شياكته وحلاوته....اضاءه برتقاليه....زى عربيات فرنسا..البيجو والرينو. 3.الطقم البيج....مزود بردو شياكه العربيه. 4.الفشه مريحه جدا....وجميله اوه على الطريق والمطبات....يعني مش ناشفه ابدا. 5.هتكلم عن بعض التجهيزات الداخليه:....العربيه فيها كونسول شيك جدا من ادام....وكمان فيه للركاب اللى ورا.... 6.تصميم الكنبه الخلفيه عجيب شويه.....تحسها واقفه على رجلين....زى كنبه البيت....وممكن تحط تحتها حاجه 7.العربيه فعلا واسعه من جوه....وبتشيل الركاب ال خمسه مرتاحين....اى كانت احجامهم. 8.التقفيل اكثر من رائع(تايلاندي....يا اولاد مصر)....والخامات نظيفه اوي 1.محدش هيختلف معايا.....ان العربيبه عليها تابلوه اكثر من رائع.....فعلا شيك.....يحسسك كده ان العربيه دي غاليه اوي و اغلي من تمنها.العيوب:








2.مش هتشوف مقدمه العربيه لو عملت ايه......لكن عموما هي ابعادها حلوه وهتحفظها بسهوله. 3.الكرسي مداه فى الرجوع مش كبير اوي....لكن ده يحسب من اجل راحه الركاب الخلفيين. 4.الكنبه الخلفيه مش بتتطبق...(عكس ال 1500) 5.من الحاجات السخيفه....الصالون مفهوش اى مرايا فى الشماسه...(عكس ال 1500) 6.المرايا اللى فى النص....مافهاش عاكس ليلي (عكس ال1500) 7.المسوجر بتاعها فى الباب من فوق.....ودي حركه قديمه شويه. 1.اول واهم واخطر عيب.....اللون البيج ده بيتوسخ بسرعه اوى.....عايز تنظيف باسمرار. المحرك والكماليات:
المميزات:







8.العربيه شغاله على 8 صمام....فاستهلاك البنزين بتاعها افضل من فئتها.....انا عربيتى اوتوماتيك ومع التكيف عامل 14 كيلو فى اللتر.....على كده وحاسس ان استهلاكها هيكون احسن...لما اوصل للاستهلاك الامثل.





العيوب:
لاحظت ان صعب تلاقي عيوب للعربيه دي....على مستوى المحرك والكماليات....بس انا هحاول اتلكك واقول اي حاجه حتي ولو كانت هايفه


3.مفيش معاها ريموت(عكس ال1500)


وعشان ابقى استوفيت كلامي....ونظرا لكثره التساؤل عن اختلافاتها مع السيتى 1500....ها هي الاختلافات بالتفصيل الممل.....كل االى هقوله ده موجود فى السيتى 1500 ومش فى 1300:

2.مقاس 15 فى الكاوتشات.










اعتقد دى كده كل الفروق....

واخيرا....سعر ال 1300:
2.قوه المحرك....طبعا موتور هوندا ما يختلفش عليه اتنين. 3.التكيييف.......ثلاجه ثلاجه ثلاجه....وهقول للصبح ثلاجه....ومش عارف هتصدقوني لو قلتلكم انى عمري ما احتجت اجيب التكيف على الدرجه 4 حتى اللآن....والتكييف تاثيره طفيف على السحب...يعنى مش هتحس ان العربيه مخنوقه منك 4.الباور.....وده احسن حاجه فى العربيه....يمكن تستغربوا من كلامي....بي اللى مجربش....يقول عدس.....الباور الكهرباء ده حكايه.....خفيف جدا على السرعات القليله......وبيتقل لوحده على السرعات العاليه......فعلا باور ممتاز.....ده غير اني في صيانه الالف اتفاجئت...لما قاللي ان مفيش عندك لا علبه دركيون ولا طلمبه دركسيون ولا زيت دركسيون...ولا اى حاجه من هذا السبيل...ده ببساطه لان الباور كهرباء 5.الموتور....ودى كانت مفاجأه تانيه....لما قاللولي...سير الكتينه جنزير.....فعمره ما هيتغير....يعنى مفيش قطعه غيار اسمها سير كتينه. 6.الزجاج الكهرباء....فيه حكايه الامان دي...انه ينزل لوحده لو واجه جسم غريب وهو طالع....يس الحكايه دى فى زجاج السائق فقط عشان هو الوحيد اللى اوتو... 7.الراديو سي دي.....عليها ساوند سيستيم صوته فعلا رائع...وومكن يتركبله وصله ال AUX...ده لو عندك i-pod....او حتي MP3 9.الاضاءه.....ممكن تتحكم في مستوي الاضاءه على حسب حموله العربيه....يعنى ممكن تخليه يفرش عالارض....او يرمى بعيد. 11.صوت الموتور........هادي جدا وعلى فكره كذا مره اغلط واحاول ادورها وهى دايره. 12.التوكيل..........اكثر من محترم....والناس هناك زووق جدا وعلي كفاءه عاليه جدا جدا. 13.الاوتوماتيك بتاعها بتكنولوجيا cvt...ودى بتدى افضل استهلاك للبنزين وافضل حرق للغيار...والrpm...بياخد نفسه على الآخر. 2.السي دي اوديو بس.....لكن كل ده مقدور عليه بال fm transmitter 4.احياننا....بحس ان نورها ضعيف......بس بكتشف ان انا ماشى في شارع اصلا منور....فنور العربيه مش ظاهر..(مش بقولكم بتلككلها). 3.طى الكنبه الخلفيه. 4.طى المقاعد. 5.خشب ابنوس من الداخل. 6.مقابض نيكل من الداخل. 7.حليه من الجنب. 8.مرايا فى الشماسه. 9.ريموت. 10.عاكس فى المرايا اللى فى النص. 11.التابلوه اضاءه بيضاء وليس برتقالي. 12.الاوتوماتيك فيه ستبترونيك 7 سرعات. 1.السحب....رغم ان العربيه اوتوماتيك...بكن اكاد اجزم ان الهوندا احسن اوتوماتيك شفته فى حياتي....حتي مع التكييف...بجد ده احسن سحب ممكن اشوفه فى عربيه 1.3 10.الشنطه........بحر ومش هقول فيها اكتر من كده 1.العربيه جايه بسماعتين بس....ودى حركه مش لطيفه....واللي مش الطف انهم حتي الان معندهمش سماعات سيتى فى التوكيل....لكن كتر الله من ماركات السماعات. 1.ABS Manual......84900

Automatic....91900
في النهايه......يا ريت اقدر اكون وفيت بوعدي....واتمني ان تقييمي يكون وافي وصادق وشامل.
يا ريت الموضوع يتثبت لتعم الفايده.....وانا في انتظار اي استفسارات
وشكرا...[/img][/b]

[mohaismail]

ما شاء الله الهوندا جميلة جدا وربنا يباركلك فيها ويريت تفهمنى شويه حاجات
اولا يعنى ايه طبقة الدهان ضعيفة يعنى لو غسلت العربية فى محطة بنزين هل مسدس المية يطلع البوية؟؟؟؟؟؟؟؟
تانى حاجة عاوز افهم يعنى ايه راديو سى دى اوديو بس؟؟؟؟؟؟؟؟؟؟؟

[Anti_virus_abdo]

شكرااا علي التقييم الاكثر من رائع و انا فعلا بفكر جديا في العربيه ديه و كنت قلقان من السحب في الاوتوماتيك بس كده انت تمنطني
و اعتقد مفيش فروق جوهريه بينها وبين ال 1500 (في الكماليات) غير المقاس 15 في الكاوتشات و الستبترونيك الي كان نفسي فيييه :(

[AlmAhAtmA]

طبقه الدهان مش حتطلع بمسدس المياه اكيد
بس انا لاحظت ان الدهان طفي ممكن بسبب الشمس او بسبب الايادي الصفراء من ماسحي السيارات و ما اكثرهم لي من اصدقاء حسبي الله و نعم الوكيل
بس الصراحه ادي العربيه واحد لمعه محترم و اتفرج علي الشكل

راديو سي دي اوديو يعني مش بيشغل ام بي ثري :arrow:

العربيه دي يا جماعه عربيه محترمه بجد و التوكيل ناس محترمه بجد و اللي راكبينها اجدع ناس بجد ( ملحوظه الاسكندريه اتبدرت سيتي ايام ما كنت بشتري كنت فين و فين لما اشوف واحده )

رامي انا التابلوه عندي اضاءه برتقالي علي خلفيه سوداء زي اللي في الصوره دي :!:

انا شفت موديل نازل في الهند التابلوه ابيض و الارقام برتقالي زي اللي في الصوره دي


الفرش البيج امره سهل اديها واحد جلد فرش و ارضيه و ادعي لي علي النصيحه ديه

ربنا يبارك لك يا رامي و الله ينورعلي التقرير الجميل

[Nader]

مجهود رائع.

[OsKaR]

تقييم رائع شكرا على المجهود المبذول و رنا يباركلك ي العربيه و يكفيك شرها
و يا ريت تقولنا لو حكايه ال ABS فارقه معاك كتير ولا لا
و عقبال ما تجيب الهوندا اكورد :mrgreen:

[جندى مجند]

ألف مبروك يا رامى باشا العربية و ربنا يباركلك فيها ... تقييم ممتاز بصراحة و على فكرة بالنسبة لمراية الشماسة اللى فى السيتى الـ 1500 هى راكبة فى الشماسة الشمال مش اليمين عكس كل العربيات و لما سألت فى التوكيل ليه مش راكبة فى اليمين قالولى عشان العربية بتنزل فى تايلند بدركسيون يمين :mrgreen: :mrgreen:

بالنسبة للعفشة بصراحة عفشة السيتى الـ 1500 ناشفة مش ناعمة (بس هى دلوقتى معايا بقت أنعم من الأول بكتير من بعد ما عدت الـ 20 ألف كيلو) فهل فى تغيير فى نوعية العفشة فى الـ 1300؟ و أخبار الثبات على السرعات ايه؟

عايز أزود عيب واحد مذكرتهوش (هو عيب و ميزة) ألا و هو القايم الأمامى الضخم اللى عامل زى العامود الرومانى على رأى المهاتما دة بيعيق الرؤية الجانبية الى حد ما و لازم تبقى صاحى و مصحصح جامد فى التقاطعات ... هو معمول بالسمك دة طبعاً عشان حماية الكابينة فى الحوادث الشديدة لا قدر الله.

انا حاسس ان طبقه الدهان بتاعتها ضعيفه شويه....كنت اتمني تكون احسن من كده....بس عندهم فى التوكيل حاجه جامده...بتداري الخدوش اللى ممكن تظهر....فبترجع حلوه من تاني

بالراحة بقى واحدة واحدة ... الكلام دة عند الفطيم اللى فى الأتوستراد؟ هو بيعمل ايه بالضبط و بيتكلف كام؟

و تم التثبيت يا باشا للأهمية :)

[أبوسيف]

ألف شكر على التقييم الأكثر من رائع.

[Ahmed Hassan]

Re: كما وعدتكم...تقييم شامل عن هوندا سيتي 2008...1.3اوتوماتي

8.العربيه شغاله على 8 صمام....فاستهلاك البنزين بتاعها افضل من فئتها.....انا عربيتى اوتوماتيك ومع التكيف عامل 14 كيلو فى اللتر.....على كده وحاسس ان استهلاكها هيكون احسن...لما اوصل للاستهلاك الامثل....[/img][/b]

الف مبروك و ربنا يباركلك فيها.

ليا بس تعقيب صغير... عدد الصمامات القليل مش بيقلل استهلاك البنزين... يعني بمعنى تاني العربيه الـ 12 او 16 صمام الـ 1300 سي سي مش لازم تستهلك بنزين اكتر من العربيه الـ 8 صمام الـ 1300 سي سي

الف الف مبروك مره تانيه و متنساش الغطا علشان تحافظ على العربيه

[أبو عبدالله]

الف مبروك وربنا يباركلك فيها ان شاء الله
انا برضه عندي موضوع السي دي اوديو فقط ومقضيها بالأف ام ترانسيميتر
وانا عندي في السيريون نور التابلوه عندي البرتقالي اللي في الصورة التانية

بس ليا ملاحظه الا وهيا ان العمود الروماني اللي انتم اشرتم اليه ده موجود في كل السيارات ولكن بتفرق بس في وضعية كرسي السائق داخل السياره هيا دي اللي بتفرق ................. اما عن العمود فلو حضرتك ركزت شوبة مع كل السيارات هتلاقيه مشكلة ولكن المشكلة في وضعية كرسي السائق داخل السيارة

وشكرا لهذه المعلومات القيمة

[fahd_628]

الف الف شكر على التقييم الممتاز دة

و ربنا يحظهالك

[hazem_khidr]

مجهود رائع و تقييم ممتاز
تسلم ايدك :)

[WaelSalim]

هيا مختلفة عن السيتى 1300 الأوتوماتيك 2007 ؟؟
فى على كونتكت honda city 1300 F/O Automatic be 91000
معنى كده أن ال 2007 الفول أوبشن فيها ABS وجنوط 15 ؟

[وائل عطية]

انتظرت تقييمك دا من زمان يا حاج رامي وفتحتلك موضوع خاص بيك باقولك فيه فين تقييمك
والحمد لله أخيراً هليت علينا بالتقييم الرئع دا ..بجد مجهود ممتاز لك خالص الشكر عليه
ليا تعليق صغير: لما كنت في الفطيم اللي في الأوتوستراد ..مدير المبيعات اللي هناك كان بيأكد بمنتهى الإصرار إن العربية بتعمل 400 كم في الصفيحة ..وكلامك دلوقتي بيقول عكس كده ..انت حسبت الاستهلاك صح؟ ولا هو اللي كان بيبالغ؟

[eng_amrazek]

تقييم اكتر من ممتاز يا باشا
الف الف شكر
سؤال بسيط ركبت انذار ولا لسه؟ و لو ركبته ركبته عند مين؟ و بكام؟ و التوكيل عمل معاك ايه لو ركبته؟