إعـــــــلان

Collapse

.

,
See more
See less

الجزء الخامس: أنا والسفنتينا .. وعلى الأمانة السلام

Collapse
X
Collapse
 
  • Page of 1
  • Filter
  • الوقت
  • Show
Clear All
new posts
السابق template التالي
  • #1

    الجزء الخامس: أنا والسفنتينا .. وعلى الأمانة السلام

    الحقيقة ... مش عارفة أقول إيه .. أكيد أزعجتكوا بسلسلة حلقات السفنتينا ... وهي عربية أصلا ... خلاص قربت تودع الأراضي المرورية ... لكن معلش .. اعذروني ... أول بختي ...
    السفنتينا ... (فيورا/87) .. عرفتني حقيقة الدنيا ... أكدتلي حقيقة كنت بهرب منها ... إن على الأمانة السلام ... جشع .. انعدام ضمير .. الخ :k30:
    بدأت سلسلة الميكانيكية 40 يوم مع العربية =حادثتين وتصليحات وتظبيطات ب 1200 ج ... ده كدة حدخل في تمنها المدفوع قبل ما أكمل سنة ...
    الميكانيكية سرقوني في قطع الغيار والمصنعيات حاجات ب 40 دفعت فيها 100 ... ويا ريت الحاجة بتقعد أسبوع على بعضه .. وبتتعمل تاني .. أخرتها
    العربية كانت حتولع ... بسبب كهربائي لعب في العربية عن عمد وهي عند جاره الميكانيكي عشان لما ارجع للميكانيكي يحدفني عليه ويستفيد ... نتيجة اللعب ... تعطيل المروحة واللعب في الفيوزات والسلوك ... العربية وصلت ل 130 وكانت حتتحرق ... ستر ربنا الأمور عدت .. لكن وبعدين ... رشة فلوس مع كل خطوة شوية ... لا بتتصلح الحاجة .. ولا في ضمير ...
    اتعلمت ... وفهمت ... وأتأهرت ... بس مش حيأس
    حفضل أدور وأجرب ... أكيد وسط ولو 20 واحد .. واحد عنده ذمة وضمير ...........

    حدبحلك الأرنب يا غالية ... بس ربك يرزق

    [CENTER] [SIGPIC][/SIGPIC]
    كم أحبك يا الله
    [/CENTER]
    الكلمات الدلالية (Tags): 20, 40, إيه, اصلاح, الأمانة, الجزء, الخامس, السلام, المروحة, الي, ام, بس, بيع, تاكسى, حادث, حادثه, حل, حوادث, صيانه, عربية, على, عن, غالية, غيار, في, فيوزات, قطع, قطع الغيار, قطع غيار, قطعة, كاوتش, كل, لنا, مرسيدس, مرور, مشاكل, مع, من, ميكانيكى, نور, هي, والسفنتينا, وعلي
  • #2
    كدة انتي خدتي الشعار
    انا مهما بثق في الصنايعي لازم اقف علي ايده
    يلا محدش بيتعلم ببلاش
    [CENTER]سبحان الله وبحمده سبحان الله العظيم
    لا تظلمن إذا ما كنت مقتدرا --------- فالظلم يرجع عقباه الى الندم
    تنام عينك والمظلوم منتبه --------- يدعو عليك وعين الله لم تنم
    [/CENTER]

    Comment

    • #3
      بصى يا نور

      لو تقبلى منى النصيحه!

      متزعليش ومتتأهريش...ليه؟؟
      كلنا بلا إستثناء اتعلمنا كده !!! وللأسف الصنايعيه لهم حسبه تانيه !!

      يعنى لما يلاقى حضرتك لسه متعرفيش حاجه ومستعده تصرفى عشان العربيه متعطلش بيكى..يقوم يبدأ يفبرك مشاكل ويوهمك ان العربيه حالتها وحشه قوى وانك اتضحك عليكى فيها وانها ما تسواش نص اللى اتدفع فيها وانه هيحاول يلملك الموضوع وشويه إشتغالات ملهاش أخر!!

      انعدام الضمير بقى هو الاساس والفهلوه والشطاره بقت مبدأ.

      بس المؤمن كيس فطن ....كام يوم وهتعرفى عربيتك حته حته وهتصلحيها بإيدك بس مؤقتا قدمى سوء الظن على حسنه!
      وإفترضى ان اللى بتتعاملى معاه بيسرقك ومتسلميش بكل اللى يقوله لانى بعد فتره اكتشفت ان الصنايعى لما يلاقيكى هتمشى ورفضه اللى بيقوله بيدور على العيب بجد مش بيفبرك وانت وبختك لو هو فعلا بيفهم هايعالجه ولو كفتجى كالعاده مش هيزود حاجه وهيرجع العيب بس حضرتك تكونى فهمتى عمل ايه بالضبط وماتتنازليش عن فهم كل التفاصيل واعتبرى المصنعيه مقابل كورس اصلاح بتاخديه!

      على العموم المستعمل وبخاصه الفيات عيبه انه محتاج صيانه مستمره!..اعتبريها عربيه التعليم وإن شاء الله ربنا يكرمك باللى احسن منها لما تبقى متمكنه!

      أخر ملحوظه متسيبيش قطع الغيار القديمه للصنايعى لانها معظم الوقت بتكون سليمه وأحيانا أفضل من اللى بيركبها بس بيبقى عايز ياخدها يركبها فى تاكسى او ما شابه لما يقوله هشوفلك حاجه عندى تمشى بيها نفسك او يبيعها على انها استيراد!

      حسبى الله ونعم الوكيل فى كل من يخون الامانه!
      [SIGPIC][/SIGPIC][CENTER]
      [/CENTER]

      Comment

      • #4
        يانور اسالى قبل ما تروحى لاى حد او خدى معاكى حد بيفهم او بيعيها واركبى تاكسى وريحى نفسك الامانة راحت من زمان
        معلش ان شاء الله ربنا هينفخ فى صورتها وتقومى تلاقيها مرسيدس قولى يارب
        [CENTER][URL]https://www.facebook.com/NMTechShop/[/URL] [/CENTER]

        Comment

        • #5
          انا راى يتلخص فى الاتى:

          1- حاولى تسالى معرفك عن ميكانيكى ثقة فى مدينة نصر

          2- حاولى تخلى اخوكى او زوجك يروح معاكى ( لان شفت قدام عنى لما يشوفه واحدة ست بيستهفئوها)

          3-لما تروح لميكانيكى جديد متقولوش صلح على طول خدي رايه وامشى وخدى راى غيره

          4 حولى انتى تشترى قطع غيار ولو هو اشترها قوليلوه عاوز فاتورة او تعرفى هو اشترى ايه وانتى بتجربى العربية روحى اسالى قطع الغيار بكام

          5- لو عندك اى مشكلة اسالى هنا فى المنتدى الاول عن الحل واسعار قطع الغيار

          6 اخر حاجة الصنايعى اللى معندوش ضمير اقطعى التعامل معه نهائيا
          [B]بَلْ سَوَّلَتْ لَكُمْ أَنفُسُكُمْ أَمْرًا فَصَبْرٌ جَمِيلٌ وَاللَّهُ الْمُسْتَعَانُ عَلَى مَا تَصِفُونَ[/B]

          Comment

          • #6
            انا تعبت من اللى بيحصل فى البلد دى

            للأسف يا اختى الكريمه الموضوع ده مش فى العربيات بس

            ده بقى فى كل حاجه فى حياتنا

            انا خلاص جالى اكتئاب


            .... اقعد مع اصحابى اسمع اخبار زى الزفت و حوادث وخلافه

            .... اقعد مع اهلى نفس الموضوع شفت فلانه دخلوا عليها البيت دبحوها و سرقوها والله العظيم مبهزر دى الحقيقه ودى اخر حادثه حكيتهالى الست الوالده عن واحده معرفه

            .... افتح التلفزيون لسه امبارح بس واحد ابن تييت قتل طفلين قرايبه فى الهرم علشان فى عداوه مع ابوهم اللى هوا اصلا قريبه وغيره وغيره

            انا مش عارف هوا النصب و القتل و السرقه بقه سهل اوى كده فى مجتمعاتنا

            كل حاجه فى البلد بقت مقرفه

            طب هوا ايه اللى بيحصل انا مش عارف السبب

            هل هو الفقر والا المخدرات اللى انتشرت بفظاعه ولا العرى و الأفلام الهابطه و الأغانى المستفزه ولا الثراء الفاحش ولا البعد عن الدين ولا ايه بالظبط

            كل اللى قادر اقوله دلوقتى هوا ربنا يلطف بينا


            والله العظيم انا مكنتش قادر انزل الشغل النهارده من كتر الأكتئاب و حاله القرف و الخنقه اللى عندى


            دعاء خاص

            يارب تخرجنا منها على خير(قصدى البلد مش الدنيا)

            معلش نكدت عليكوا بس هعمل ايه يعنى اتنكد لوحدى يعنى

            تحياتى
            [COLOR=navy][B]اللهم احفظنا من تهور سائقى (الميكروباصات و التريلات و المقطورات و التاكسيات المهكعه وكل واحد معندوش لا دم ولا ضمير)[/B][/COLOR]

            [COLOR=navy][B]*فى بلد اللى ملوش كبير لازم يشتريلوا كبير* [/B][/COLOR]
            [COLOR="Navy"][B]*و اللى معهوش ما يلزموش*[/B][/COLOR]

            Comment

            • #7
              معلش انا حاسس بخنقه فظيعه علشان كده كتبت المشاركه اللى فاتت فياريت تعزرونى
              [COLOR=navy][B]اللهم احفظنا من تهور سائقى (الميكروباصات و التريلات و المقطورات و التاكسيات المهكعه وكل واحد معندوش لا دم ولا ضمير)[/B][/COLOR]

              [COLOR=navy][B]*فى بلد اللى ملوش كبير لازم يشتريلوا كبير* [/B][/COLOR]
              [COLOR="Navy"][B]*و اللى معهوش ما يلزموش*[/B][/COLOR]

              Comment

              • #8
                واحد صاحبى معاه عربيتك دى دخل بيها فى عمود و عملها ب 1200 جندى بالرش بالشغل كله
                بس أنت خليكى غلسة مع الصنايعية و متديهمش الى هما عايزينه بالساهل و لفى و دورى معاهم بس تكونى فاهمة كويس أنت بتعملى إيه فى العربية و ليه و إحنا هنا معاكى لأى مشكلة
                [CENTER][URL="http://www.facebook.com/pages/Opel-Vectra-B/118286498828"][sor2]http://badge.facebook.com/badge/118286498828.2713.630313105.png[/sor2][/URL]


                [B][SIZE=4]لما نعيش فى تبات و نبات و نجيب صبيان و بنات إسمى هو الى هيخدوه منى و بس[/SIZE][/B]


                [/CENTER]

                Comment

                • #9
                  متزعليش ومتتأهريش...ليه؟؟
                  كلنا بلا إستثناء اتعلمنا كده !!! وللأسف الصنايعيه لهم حسبه تانيه !!

                  يعنى لما يلاقى حضرتك لسه متعرفيش حاجه ومستعده تصرفى عشان العربيه متعطلش بيكى..يقوم يبدأ يفبرك مشاكل ويوهمك ان العربيه حالتها وحشه قوى وانك اتضحك عليكى فيها وانها ما تسواش نص اللى اتدفع فيها وانه هيحاول يلملك الموضوع وشويه إشتغالات ملهاش أخر!!
                  انت جت من الآخر يا استاذ اشرف

                  1- حاولى تسالى معرفك عن ميكانيكى ثقة فى مدينة نصر

                  2- حاولى تخلى اخوكى او زوجك يروح معاكى ( لان شفت قدام عنى لما يشوفه واحدة ست بيستهفئوها)

                  3-لما تروح لميكانيكى جديد متقولوش صلح على طول خدي رايه وامشى وخدى راى غيره

                  4 حولى انتى تشترى قطع غيار ولو هو اشترها قوليلوه عاوز فاتورة او تعرفى هو اشترى ايه وانتى بتجربى العربية روحى اسالى قطع الغيار بكام

                  5- لو عندك اى مشكلة اسالى هنا فى المنتدى الاول عن الحل واسعار قطع الغيار

                  6 اخر حاجة الصنايعى اللى معندوش ضمير اقطعى التعامل معه نهائيا
                  كلام جميل يا maka

                  الحقيقة ... مش عارفة أقول إيه .. أكيد أزعجتكوا بسلسلة حلقات السفنتينا ... وهي عربية أصلا ... خلاص قربت تودع الأراضي المرورية ... لكن معلش .. اعذروني ... أول بختي ...
                  السفنتينا ... (فيورا/87) .. عرفتني حقيقة الدنيا ... أكدتلي حقيقة كنت بهرب منها ... إن على الأمانة السلام ... جشع .. انعدام ضمير .. الخ :k30:
                  بدأت سلسلة الميكانيكية 40 يوم مع العربية =حادثتين وتصليحات وتظبيطات ب 1200 ج ... ده كدة حدخل في تمنها المدفوع قبل ما أكمل سنة ...
                  الميكانيكية سرقوني في قطع الغيار والمصنعيات حاجات ب 40 دفعت فيها 100 ... ويا ريت الحاجة بتقعد أسبوع على بعضه .. وبتتعمل تاني .. أخرتها
                  العربية كانت حتولع ... بسبب كهربائي لعب في العربية عن عمد وهي عند جاره الميكانيكي عشان لما ارجع للميكانيكي يحدفني عليه ويستفيد ... نتيجة اللعب ... تعطيل المروحة واللعب في الفيوزات والسلوك ... العربية وصلت ل 130 وكانت حتتحرق ... ستر ربنا الأمور عدت .. لكن وبعدين ... رشة فلوس مع كل خطوة شوية ... لا بتتصلح الحاجة .. ولا في ضمير ...
                  اتعلمت ... وفهمت ... وأتأهرت ... بس مش حيأس
                  حفضل أدور وأجرب ... أكيد وسط ولو 20 واحد .. واحد عنده ذمة وضمير ...........

                  حدبحلك الأرنب يا غالية ... بس ربك يرزق

                  طولي بالك يا نور.
                  واكثر حاجه حتطلعي بيها من المشوار ده كله مع السفتيينا.
                  1- خبرة ومرونة التعامل مع السيارات.
                  2- خبرة التعامل مع الصنايعيه والورش.

                  وصدقيني النقطتين دول مش سهليين.
                  التعب بس مع اول سنه سيارات واول سنه سواقه واول سياره.
                  وبعدها حترتاحي وحيبقي عندك الخبره الكافيه.

                  انا لما جبت اللانوس قعدت الف شهر ونص واتبهدلت في المواصلات والمصاريف.
                  ولما ربنا وفقني ولاقيت اللي بادور عليه. قعدت افحص في العربيه ساعتين ( والله العظيم ساعتين وجايز أكتر ) وانزل تحتها واشيل الفرش وعملت اللي ما اتعمل. والحمد لله جبت عربيه مافيش منها اتنين ( كحاله ). ولما اشتريتها ماحدش كان مصدق السعر علي الحاله. ومافيش ميكانيكي او سمكري او عافشجي شكك في نظافة العربيه.

                  الخلاصه.
                  ده من خبرة التعامل مع السيارات. وعارف حاجيب ايه وحيتصرف عليه ايه. وايه اللي يتعمل واللي مايتعملش واللي ماينفعش.

                  لو حاسه ان صنايعي سرقك احتسبي ده عند ربنا. واتعلمي انك ماتتسرقيش تاني.
                  لو جبتي قطعة غيار مضروبه. اتعلمي ماتجيبيش الا حاجه نظيفه.
                  لو فردة كاوتش نامت ومامعاكيش كريك. اتعلمي ان الكريك من الاساسيات. وكده.

                  وربنا يعوض عليكي في اللي فات. وحاولي تخرجي منه باليجابيات اكثر من السلبيات.
                  وصدقيني انا والله مازعلان علي المشوار بتاعك. (وانتي كمان كمان كام سنه حتعرفي قيمته وفايدته )
                  [CENTER][B]اللهم إني أَعُوذُ بِكَ أنْ أضِلَّ أَوْ أُضَلَّ، أوْ أزِلَّ أَوْ أُزَلَّ، أَوْ أظْلِمَ أَوْ أُظْلَمَ، أوْ أجْهَلَ أَوْ يُجْهَلَ عليّ[/B][/CENTER]

                  Comment

                  • #10
                    ألف شكر جميعا ... نصائح ممتازة ... وبجد هونت عليا
                    وصبرتني ... لإن فكرة بيع العربية بدأ يسيطر عليا

                    أما بخصوص حضرتك أ/ محمد فوزي .... أنا حسة بيك كلنا مرينا وبنمر بالحالة دي .... كتيير ... هون على نفسك ... ودايما انظر حواليك ... أكيد حتلاقي ناس لسة فيها الخير ... على الأقل .. وانت داخل المنتدى تفضفض معانا ... أكيد حاسس بالأمان ... وبوجود خير
                    إذا ... لسة في خير الحمد لله ..

                    والتفاصيل دي كلها ناتجة عن حاجة واحدة

                    البُعد عن ربنا .... ممكن إنسان مبيلتزمش بصلاته ... بس بيخاف ربنا بجد وعدم الصلاة ده كسل بيندم عليه وبيجاهد مع نفسه فيه ... لكن البُعد عن الله قلبا وقالبا ,,, دي الكارثة بكل المقاييس

                    العري بُعد عن الاستحياء من الله
                    القتل قلب مات تجاه الله
                    المخدرات قلب نسى ذكر الله
                    كل الصفات السيئة ... نتيجة بُعد التفكير في الله

                    فالنشهد جميعاً .... أن لا إله إلا الله ... وإنا لله وإنا إليه راجعون
                    [CENTER] [SIGPIC][/SIGPIC]
                    كم أحبك يا الله
                    [/CENTER]

                    Comment

                    السابق template التالي
                    Working...
                    X