كيف تتفادى الغش فى موديلات العربيات؟(بالصور)

[sherifahmed]

نظرا للركود الذى اصاب مبيعات السيارات و تكدس موديلات 2008 على 2009 و قرب نزول موديلات 2010 و محاولة بعض التجار الغش فى سنة الموديلات والتزوير فى المحرارات الجمركية
كنت اريت موضوع فى كذا سايت عن حاجة اسمها vin
او Vehicle Information Number ,وده رقم مميز خاص بكل عربية

اول سؤال: هو فين؟
فى معظم العربيات الحديثة


تانى سؤال: معناه ايه؟

خد بالك اوى من model year ديه
8 اللى فى الصورة دى معناها انها موديل 2008

نقلا عن http://jalopnik.com/5165656/how-to-decode-your-cars-vin

[PoweRPassioN]

شكرا على المعلومه القيمه
بس إقنعه "الوكيل يعني"ان دي مش موديل جديد !!!!

[kingtefa]

الف شكر يا ريس على المعلومة الجبارة دى

[جمال]

شكرا على المعلومة المفيدة

[kh_talaat]

معلومة جامدة جدا
ألف شكر

[sherifahmed]

شكرا على المعلومه القيمه
بس إقنعه "الوكيل يعني"ان دي مش موديل جديد !!!!

هو احينا ليه فى مصر واخدين الدنيا بالعكس؟
الوكيل هو اللى مفروض يقنعك و يرضيك و يستعطفك زى ما بيحصل فى الدنيا كولها
وبعدين مبروم على مبروم مايلفش
حضرتك ببساطة تسألو :دى موديل كام؟
هو:2010 ياباشا
حضرتك:اوله المعلومة اللى فوأ و عرفه انه نصاب و ساعتها هاتعرف تاخد اللى انته عايزه

[Samah AbdAllah]

المهم هم يقتنعوا ان الناس مش هيضحك عليها
شكرا عالموضوع

[samcar]

اعتقد مش بس الرقم ده اللى بيدل على سنة الصنع- الرقم المسلسل للعربيه اعتقد انه كمان فى اشاره لتاريخ الصنع

ثم مش مفروض ان العربيات دى لها شهادات افراج جمركى - متوب فيها الموديل ؟؟؟؟؟

[smsmbakr]

الف شكر ليك على المعلومة
وهى معلومة جامدة

[Bossy_Fadl]

معلومة قيمة جدا فعلا

جزاكـ الله كل خير عليها

و ان شاء الله كل الناس تستفيد منها

[mahmoud_magdy]

يا سلام
حتى موديل العربيه هيغشو فيها
بجد قمة التقدم
شكرا على المعلومه

[yaskhl]

بس العربيات التجميع المحلى مابيبقاش فيها كده ولا أيه؟

[KHALED AYMAN]

فعلا
التوكيلات معتقده ان الناس دول شويه هبل و معاهم فلوس..
اخر موقف حصلى
كنت فى معرض معتمد من منصور اوبل
بسأل على الاسترا السيدان ..
بيقولى دى المانى 100% و تقفيل المانى !!!!!!
بقوله دى مش بتنزل المانيا اساسا يقولى لا بتنزل !!!(موقع اوبل بيقول مش بتنزل)..
بقوله دى بولندى !!
يقولى لا دى بتتصنع فى المانيا و تتشحن على بولندا و بعدين مصر !!عشان ده اوفر !!!!!!!!!!!!!!
زهقت منه
قمت رايح على الازاز الى ادام فى ورقه مكتوب فيها انها مصنعه فى بولندا !!!
قولتله بص !! بولندى !!
قالى اه مهو اوبل ليها مصنع هناك بس دى برده المانى تقفيل بولندى

[Eng_A_Fahmy]

و يا ترى الvin ده بيبقى موجود في كل العربيات في نفس المكان (اللي انت محدده في الصورة) و لا بيختلف من عربية لعربية, و هل هو على الزجاج ام تحت الزجاج, حيث انه غير واضح في الصورة؟؟؟

[dasboot]

بس في نقطة صغيرة جدا يا باشا
و هي ان ال Vin بتاع العربيات دي مكتوب عليه 2010 فعلا, علشان الإفراجات الجمركية مش بتتاخد بالورق و الفواتير إللي المستورد جايبها من بره لأ بيبقي عن طريق رقم الشاسيه بتاع العربية و في المرور بيعملوا مطابقة تانية للأرقام دي و انت بترخص

يعني إللي سيادتك قلته ده مش هاينفع و الوكيل علشان يخلي السيارة 2010 بيعمل حاجة من 2 يا يعدل في رقم الشاسيه يا يتواطء مع الشركة المصنعة :)

و غالبا بيكون اتفق مع الشركة انه ياخد منهم موديل 2010 علي اساس انه يكون Stock عنده و ميبدأش توزيع قبل بداية اكتوبر و هو حب ينصب عليهم و وزع بدري