اخش في الموضوع عدل و ركزوا معايا علشان الي هيجدد قريب يعرف الخطوات
خدت اجازة من الشغل يوم الاثنين علشان اروح اجدد التصريح المؤقت بتاعي من مرور فيصل
روحت الساعة 9 صباحاً و شوفت هناك طوابييييييييييررر كتيييييييير جداً و محدش عارف ده بتاع ايه
المهم بعد البحث و الاستقصاء عرفت ان اول حاجة لازم اعملها اروح اسجل البطاقة الشخصية
و هي ان انا اصورها و اروح بيها على شباك علشان يختمها
قوم ايه الشباك واقف ما لايقل عليه 300 واحد و الطابور خارج برة المرور ليه بقى
علشان ما فيش شباك هيتعامل معاك غير لما تكون خاتم البطاقة و عشلان كدة اي حد داخل المرور بيروح يسجل البطاقة الاول
و الطريف ان الشباك ده بيقفل الساعة 11 بالظبط
يعني لو ملحتقش تسجل بطاقة تروح و تحاول تاني يوم
المهم فضلت و اقف في الطابور و هو اصلاً مش بيتحرك لحد الساعة 10.30 و لاقيت واحد جايلي بشدني من إيدي و بيقولي في واحد بياخد 20 جنيه و يختمهالك دلوقتي
قولتلوا الحقني بيه
المهم اديتله البطاقة و الصورة و 20 جنيه و بعد 5 دقايق جابلي البطاقة مخنومة
المهم فرحت طبعاً روحت علي شباك التجديد قالتلي لازم تروح بين السرايات علشان تجيب المخالفات علشان النمر هتتغير
روحت جري على بين السرايات و الحمد لله مالاقتش مخالفات خالص الموضوع في بين السرايات خد حوالي ساعة ونص بالمشوار رايح جاي
رجعت لقيت الخزنة في مرور فيصل قفلت
روحت لشباك التجديد علشان تقدرلي الرسوم و اجي بكرة على الخزنة على طول قالتلي ممنوع
المهم روحت تاني انهاردة الساهة 8.25 على شباك التجديد و قفت في الطابور المتين علشان اشوف الرسوم قد ايه
وبعد كدة روحت شباك الخزنة وقفت حوالي ساعتين لحد الساعة 11 و بعد ما دفعت روحت شباك التجديد تاني علشان اقدم وصل الدفع و قالتلي روح شباك واحد علشان تسمع اسمك فضلت واقف عند شباك واحد لحد الساعة 1.45 و سمعت اسمي اداني ورقة علشان اختمها من مخزن النمر و ارجعهالوا تاني و استلم الرخصة
المهم عملت كل ده و استلمت الرخصة لقيتها مش بتعاتي و عمال افهم فيه انه مش رخصتي يقولي لو في غلط في البيانات روح شباك التجديد
بحاول اقنعه انها مش بتاعتي اصلا و لا اسمي و لا عنواني و لا عربيتي
فين و فين لما اقتنع خدها و راح يدور على رخصتي انا و جبهالي روحت استلم النمر وقفت طابور حوالي ساعة إلا ربع و استلمت النمر و الشنطة و المثلث و خرجت من المرور الساعة 2.30
الخسائر :-
1- طبعاً اول حاجة الوقت
2- خبطة في العربية من ناحية اليمين و هيا راكنة ( لسة راششها من شهر )
3 - قطع في القميص بتاعي
4- حروق متفرقة باليد ( من سجاير الناس الي واقفة في الطوابير )
5- جرح بطول 2 سم اسفل العين اليمنى ( من واحد كان ماسك نمر مؤقته و بيرفع ايده بيهم جم في وشي )
الحمد لله على كل شئ
الي رايح يجدد في مرور فيصل ياخد اجازة يومين من الشغل
و اول حاجة يعملها يسأل على طابور تسجيل البطاقة
اللهم بلغت اللهم فأشهد
خدت اجازة من الشغل يوم الاثنين علشان اروح اجدد التصريح المؤقت بتاعي من مرور فيصل
روحت الساعة 9 صباحاً و شوفت هناك طوابييييييييييررر كتيييييييير جداً و محدش عارف ده بتاع ايه
المهم بعد البحث و الاستقصاء عرفت ان اول حاجة لازم اعملها اروح اسجل البطاقة الشخصية
و هي ان انا اصورها و اروح بيها على شباك علشان يختمها
قوم ايه الشباك واقف ما لايقل عليه 300 واحد و الطابور خارج برة المرور ليه بقى
علشان ما فيش شباك هيتعامل معاك غير لما تكون خاتم البطاقة و عشلان كدة اي حد داخل المرور بيروح يسجل البطاقة الاول
و الطريف ان الشباك ده بيقفل الساعة 11 بالظبط
يعني لو ملحتقش تسجل بطاقة تروح و تحاول تاني يوم
المهم فضلت و اقف في الطابور و هو اصلاً مش بيتحرك لحد الساعة 10.30 و لاقيت واحد جايلي بشدني من إيدي و بيقولي في واحد بياخد 20 جنيه و يختمهالك دلوقتي
قولتلوا الحقني بيه
المهم اديتله البطاقة و الصورة و 20 جنيه و بعد 5 دقايق جابلي البطاقة مخنومة
المهم فرحت طبعاً روحت علي شباك التجديد قالتلي لازم تروح بين السرايات علشان تجيب المخالفات علشان النمر هتتغير
روحت جري على بين السرايات و الحمد لله مالاقتش مخالفات خالص الموضوع في بين السرايات خد حوالي ساعة ونص بالمشوار رايح جاي
رجعت لقيت الخزنة في مرور فيصل قفلت
روحت لشباك التجديد علشان تقدرلي الرسوم و اجي بكرة على الخزنة على طول قالتلي ممنوع
المهم روحت تاني انهاردة الساهة 8.25 على شباك التجديد و قفت في الطابور المتين علشان اشوف الرسوم قد ايه
وبعد كدة روحت شباك الخزنة وقفت حوالي ساعتين لحد الساعة 11 و بعد ما دفعت روحت شباك التجديد تاني علشان اقدم وصل الدفع و قالتلي روح شباك واحد علشان تسمع اسمك فضلت واقف عند شباك واحد لحد الساعة 1.45 و سمعت اسمي اداني ورقة علشان اختمها من مخزن النمر و ارجعهالوا تاني و استلم الرخصة
المهم عملت كل ده و استلمت الرخصة لقيتها مش بتعاتي و عمال افهم فيه انه مش رخصتي يقولي لو في غلط في البيانات روح شباك التجديد
بحاول اقنعه انها مش بتاعتي اصلا و لا اسمي و لا عنواني و لا عربيتي
فين و فين لما اقتنع خدها و راح يدور على رخصتي انا و جبهالي روحت استلم النمر وقفت طابور حوالي ساعة إلا ربع و استلمت النمر و الشنطة و المثلث و خرجت من المرور الساعة 2.30
الخسائر :-
1- طبعاً اول حاجة الوقت
2- خبطة في العربية من ناحية اليمين و هيا راكنة ( لسة راششها من شهر )
3 - قطع في القميص بتاعي
4- حروق متفرقة باليد ( من سجاير الناس الي واقفة في الطوابير )
5- جرح بطول 2 سم اسفل العين اليمنى ( من واحد كان ماسك نمر مؤقته و بيرفع ايده بيهم جم في وشي )
الحمد لله على كل شئ
الي رايح يجدد في مرور فيصل ياخد اجازة يومين من الشغل
و اول حاجة يعملها يسأل على طابور تسجيل البطاقة
اللهم بلغت اللهم فأشهد

![I Angr1[1]](https://www.nilemotors.net/Nile/core/images/smilies/I_angr1[1].gif)
![Stink[1]](https://www.nilemotors.net/Nile/core/images/smilies/stink[1].gif)
![N No[1]](https://www.nilemotors.net/Nile/core/images/smilies/N_no[1].gif)

Comment