طنبورة الكرنك...مساعدة

[Pharaoh]

عندى مشكله يا جماعه بتحصلى كل شويه كدة
عربيتى لانسر 98
بسمع صوت تكتكه فى الموتور
رحت للميكانيكى وخد باله انى لما بزود التكته بتروح
كنت بضطر ساعات امشى بيها و الصوت بيروح واول ما اقف يعلى تانى

المهم الراجل قالى طنبورة الكرنك فيها رفة
ولقى المسمار اللى ماسك فيها مش مربوط كويس
ارطنا على المسمار كويس اوى
وبعدها بكام يوم كنت ماشى مشوار 40 كم كدة و لما جيت اروح دورت لقيتها عملت كدة
غيرت السيور قلت عشان ميعاد الصيانه وارط عليها تانى
وغير حاجة زى زنبه كدة (مع العلم انها بتتربط بمسمار واحد بس والزنبه دى)
الصوت بيروح وقتها بس بلاحظ ان الرفة بتبقى لسة موجودة مش زى بقيه الطنابير اللى بتلف عليها السيور
المهم انهاردة حصل نفس الصوت وانا خايف انه وانا راجع الطنبورة دى تتفك من مكانها

حد يقولى حل نهائى اعمله؟
اغير الطنبورة؟ ولا يمكن الاكس اللى بتركب عليه الطنبورة هو اللى فيه مشكله؟

اسف للاطاله

[Pharaoh]

هو الموضوع صعب للدرجة دى؟؟؟

[مصراوي جدا]

انا عرضت المشكلة على المهندس عبد الجليل في مركز الخدمة الرئيسي بالتوكيل شركة مصرية ورد بالآتي :

الموقف عندك شديد الخطورة والحساسية لأنه ممكن تخوفك من أن تفك الطنبورة من مكانها في محلة ، ووارد الحدوث حسب ما قلته من بيانات وفي هذه الحالة سوف تؤدي الى اجراء عمرة عمومية شاملة للمحرك

النصيحة : لا تمشي بالسيارة وحملها على ونش وارسلها للتوكيل في اسرع وقت

[Pharaoh]

انا عرضت المشكلة على المهندس عبد الجليل في مركز الخدمة الرئيسي بالتوكيل شركة مصرية ورد بالآتي :

الموقف عندك شديد الخطورة والحساسية لأنه ممكن تخوفك من أن تفك الطنبورة من مكانها في محلة ، ووارد الحدوث حسب ما قلته من بيانات وفي هذه الحالة سوف تؤدي الى اجراء عمرة عمومية شاملة للمحرك

النصيحة : لا تمشي بالسيارة وحملها على ونش وارسلها للتوكيل في اسرع وقت

الف الف شكر يا بشمهندس على النصيحة
لو هتتصلح فى التوكيل ممكن الموضوع يكلف كام...تقريبيا يعنى لو هنغير الطنبورة و مطلعش فى عيوب تانية؟

شكرا مقدما

[mohamedway]

غير الطنبوره لأنها قربت تتقطم و المسأله مش مجرد تربيط (هتلاقى الجزء الداخلى للطنبوره مربوط و الحلقه الخارجيه اتقطمت بالجزء اللى بيمشى عليه السير) و اللى بيحصل للطنبوره طول ما هيه بتلف عباره عن إجهادات ثنى نتيجه الرفه اللى فيها و ممكن يكون الثنى ده هو صوت الطقطقه اللى بتسمعها و عشان اٌقربلك الفكره فاللى بيحصل بالضبط كأنك ماسك حتة صاجه صغيره بأيدك و عمال تتنى فيها يمين شمال يمين شمال يمين شمال و بعد عدد معين من المرات هتتقطم فى إيدك.............صح ولا إيييه.........نصيحه غيرها خالص لأنك حتى لو قرط عليها هتفك تانى نتيجه الرفه اللى فيها و الإهتزاز الجامد.

[مصراوي جدا]

الف الف شكر يا بشمهندس على النصيحة
لو هتتصلح فى التوكيل ممكن الموضوع يكلف كام...تقريبيا يعنى لو هنغير الطنبورة و مطلعش فى عيوب تانية؟

شكرا مقدما

للأسف مفيش امكانية لتحديد اي تكلفة مبدئية الا بعد الفك والكشف على العربية

[mohamedway]

انا عرضت المشكلة على المهندس عبد الجليل في مركز الخدمة الرئيسي بالتوكيل شركة مصرية ورد بالآتي :

الموقف عندك شديد الخطورة والحساسية لأنه ممكن تخوفك من أن تفك الطنبورة من مكانها في محلة ، ووارد الحدوث حسب ما قلته من بيانات وفي هذه الحالة سوف تؤدي الى اجراء عمرة عمومية شاملة للمحرك

النصيحة : لا تمشي بالسيارة وحملها على ونش وارسلها للتوكيل في اسرع وقت

الخطوره اللى يقصدها المهندس عبد الجليل هى إن الطنبوره لو صامولتها إتفكت و طلعت كلها من مكانها هيطلع وراها طنبوره صغيره مشرشره و ده اللى بيمشى عليها سير الكاتينه و لو سير الكاتينه فقد حركته و إنت ماشى الصبابات و البساتم بتاعه الموتور هتتكسر و تحتاج عمره موتور زى ما قال المهندس عبد الجليل و لو حسبنا حسبتنا على ان الطنبوره هتتقطم و لكن الصاموله مش هتتفك يبقه الخطوره ده مش هتحصل و لكن توجد خطوره من نوع أخر وهى ان الدنامو هيعطل و الباور هيعطل و أهم حاجه ان طلمبه الميه هتعطل مما ي}دى لسخونه الموتور و لو مأخدش بالك من السخونه الموتور هيجيب وش سلندر.

بجد إهتم فعلا بالموضوع.

[Pharaoh]

بجد بجد مش عارف اقولكم اية على المساعدة دى
الف الف شكر يا احلى منتدى

[Pharaoh]

الخطوره اللى يقصدها المهندس عبد الجليل هى إن الطنبوره لو صامولتها إتفكت و طلعت كلها من مكانها هيطلع وراها طنبوره صغيره مشرشره و ده اللى بيمشى عليها سير الكاتينه و لو سير الكاتينه فقد حركته و إنت ماشى الصبابات و البساتم بتاعه الموتور هتتكسر و تحتاج عمره موتور زى ما قال المهندس عبد الجليل و لو حسبنا حسبتنا على ان الطنبوره هتتقطم و لكن الصاموله مش هتتفك يبقه الخطوره ده مش هتحصل و لكن توجد خطوره من نوع أخر وهى ان الدنامو هيعطل و الباور هيعطل و أهم حاجه ان طلمبه الميه هتعطل مما ي}دى لسخونه الموتور و لو مأخدش بالك من السخونه الموتور هيجيب وش سلندر.

بجد إهتم فعلا بالموضوع.

يعنى ممكن قبل ما اتحرك وانا راجع من الشغل ابص على الصاموله بتاعتها ماسكة كويس ولا لا بدل ما موضوع ان انا اجيبلها ونش دة
وخصوصا ان المشوار كله 30 كم

اروح بيها ولا اعمل اية؟

[Pharaoh]

سؤال كمان
ممكن المشكله تكون من عمود الكرنك نفسة؟ انه يكون مبوش مثلا وهو اللى بيعمل كدة فى الطنبورة؟
وساعتها اعمل اية؟

[mohamedway]

سؤال كمان
ممكن المشكله تكون من عمود الكرنك نفسة؟ انه يكون مبوش مثلا وهو اللى بيعمل كدة فى الطنبورة؟
وساعتها اعمل اية؟

المشكله مش هتخرج عن الطنبوره نفسها و الصاموله إلى رابطاها (و أعتقد إنهم فى التوكيل مش هيعملوا أكتر من إنهم يغيروا الطنبوره و الصاموله و لو فيه ورده عشان تعمل لوك للصاموله هيغيروها بردو و نصيحه لو كان سير الكاتينه اللى راكب عدى عليه أكتر من 100000كم خليهم يغيرولك سير الكاتينه و بليه الشداد و يكشفوا على الأويل سيلات بتاعت الكرنك و لو محتاجه تغيير تتغير و لو سير الكاتينه اللى راكب مش أصلى بردو خليهم يغيروه)

ممكن تروح التوكيل بالعربيه بس ما تقرصش عليها و ما تعليش الRPM و قبل ما تمشى بالعربيه إتأكد ان صاموله الطنبوره مربوطه كويس بس لازم يكون معاك عده لكده و ما ينفعش تكتشفها بأيدك كده و ما تنساش تعشق العربيه و إنت بتربط عشان متلفش معاك أو تخلى ميكانيكى يعملك الموضوع ده و توديها التوكيل علطول.

[mohamedway]

سؤال كمان
ممكن المشكله تكون من عمود الكرنك نفسة؟ انه يكون مبوش مثلا وهو اللى بيعمل كدة فى الطنبورة؟
وساعتها اعمل اية؟

إستحاله يكون الكرنك هو السبب فى الموضوع ده

[mohamedway]

زى ما قولتلك الطنبوره ممكن تعمل كده لوحدها و الرفه دى مش نتيجه خبطه و لا أى حاجه ولكن عمرها الإفتراضى إنتها...........


أقولك على حاجه انا حصلت معايا فى عربيتى القديمه و كانت فيات 131 و بردو لاحظت ان الطنبوره بتاعت طرمبه الميه بترف و بعدها بكام يوم لاقيت السير و قع و الطنبوره صاجها مقطوع من بعد المسامير و الجزء اللى فى النص اللى فيه المسامير راكب و مربوط زى ما هو و كان الحل انى غيرت الطنبوره و خلاص بس ان مشكلتك انها طنبوره الكرنك عشان كده الموقف حساس و ممكن يتسسب فى مشكله جامده لا قدر الله

[Pharaoh]

الحقوووونى

يا جماعه المشكله طلعت فى عمود الكرنك
وانا راجع عديت على همام بتاع صقر قريش
وفك الطنبورة و الترس و لقى ان فى بوش بين الترس وعمود الكرنك وهو اللى عامل كدة فى الطنبورة

وقالى ان دة نتيجة ان واحد من بدرى غير سير كاتينه و مربطش الصاموله كويس بتاعه الطنبورة
وهى اللى عملت تاكل فى عمود الكرنك

للمعلومة
هو جابلى ترس بتاع عمود كرنك كان عندة وراكب ومش مبوش فى العمود اللى راكب فيه و لما ركبه عندى لقاة مبوش بردة و كمان لان عشان عند وش عمود الكرنك اللى هى طلبمه الزيت كان فى تاكل

هو قالى الحل الوحيد عمود كرنك بالسبيكة بالترس و الطنبورة يتجابو استيراد و يتركبوا فيها

يا ترى اعمل اية قولى ياللى فاكرنى بهاجرك اعمل اييييية؟

للمعلومة بردة
ناس قالتلى المكنه لو اتفكت بتبقى لها مشاكل كتيرة بعد كدة فالاحسن اجيب نص موتور و اركبه على وش السلندر احسن

انا جايب العربيه مكملتش شهر ويحصلى كل دة!!!

[mohamedway]

يا جماعه المشكله طلعت فى عمود الكرنك
وانا راجع عديت على همام بتاع صقر قريش
وفك الطنبورة و الترس و لقى ان فى بوش بين الترس وعمود الكرنك وهو اللى عامل كدة فى الطنبورة

وقالى ان دة نتيجة ان واحد من بدرى غير سير كاتينه و مربطش الصاموله كويس بتاعه الطنبورة
وهى اللى عملت تاكل فى عمود الكرنك

للمعلومة
هو جابلى ترس بتاع عمود كرنك كان عندة وراكب ومش مبوش فى العمود اللى راكب فيه و لما ركبه عندى لقاة مبوش بردة و كمان لان عشان عند وش عمود الكرنك اللى هى طلبمه الزيت كان فى تاكل

هو قالى الحل الوحيد عمود كرنك بالسبيكة بالترس و الطنبورة يتجابو استيراد و يتركبوا فيها

يا ترى اعمل اية قولى ياللى فاكرنى بهاجرك اعمل اييييية؟

للمعلومة بردة
ناس قالتلى المكنه لو اتفكت بتبقى لها مشاكل كتيرة بعد كدة فالاحسن اجيب نص موتور و اركبه على وش السلندر احسن

انا جايب العربيه مكملتش شهر ويحصلى كل دة!!!

حرام تفك الموتور عشان عيب خارجى زى ده و أكيد المشكله ليها حل حتى لو هتخرط ترس زى الأصلى بالضبط بس يكون محمل من جوه أكتر من الأصلى شويه بس الموضوع ده محتاج خراط ميه ميه و الخامه اللى هيتخرط منها الترس تنتقى عن علم و ليس جهل.(بصراحه عيب غريب جدا و أنا كنت مستبعده جدا جدا):k30: