Tweet
السلام عليكم ورحمة الله وبركاته ............
اخباركم اييييييييه يا وحوووووووووووووووووش بجد مفتقدكم جداً جداً الكام شهر اللي فاتوا دول وبجد والله ما منعني عنكم غير الشديد القوي زي ما بيقولوا .........عموماً الحمد لله وربنا مايجيب حاجه وحشه تاني ان شاء الله ونفضل مع بعض دائماً وعلى الخير ان شاء الله.
المهم انا كنت شفت موضوع لحبيبي ابن الحاج عبدالمقصود عن تعديل تكييف الميجان والغاء السخن وان ده هايكون ليه تأثير ايجابي على التبريد............انا اول ما شفت الموضوع استوقفني جداً ان في حاجه اصلا ممكن نعملها نحل بيها شوية الكسل اللي موجودين في التكيف لأن انا شخصياً لو ربنا قدرني وعملت كده واقتنعت تماما ان المكيف كده بقى اقوى من الاول وقارب الى الياباني او الكوري من حيث قوة وسرعة التبريد .......هنام مرتاااح الباال لاني دايما شايف ان المنغص الوحيد في التحفه دي هو تكيفها اللي ماقدرش طبعاً اقول انه سيء لكن اقدر اقول انه كسلان شويه وارق من اللازم ....محتاج يشد حيله شويه ...يعني لو ربنا قدرنا فعلاً وظبطنا الموضوع ده يبقى خلاص مافيش اي فسوه في العربيه دي
........
كمان اللي فكرني بالموضوع ده هو امبارح نزلت من شغلي حوالي 7 المغرب ومشيت فتره من غير المكيف وقلت اشغل هواء فقط واشوف ......لقيت الهوا طالع سخن فعلاً مع اني مش عامل على السخن وانا تكييفي مانيوال .........فا على طول جات فكرة احمد وقلت لازم اعمل موضوع ونتكلم فيه بتوسع شويه ونفكر مع بعض زي ما تعودنا.
انا شخصياً اللي فهمته من موضوع احمد ان الكويل الداخلي عندنا او السربنتينه الداخليه ملاصق ليها خرطوم موصل بينها وبين مياه الموتور اللي تقريباً بتغلي !!......وده بيفسر ليه لو شغلنا هواء فقط بعد ربع ساعه مثلاُ من السير هتلاقي الهواء ساخن برضه ده معناه اني لو وصلت الى السربنتينه الداخليه هلاقي درجة حرارتها مرتفعه كمان ده بيفسر ليه التكيف بيقعد ربع ساعه مش 5 دقائق على ما يقدر يعمل حاجه ......لأن بالمنطق كده عشان ينزل من درجه حراره 40 الى 20 اكيد هياخد وقت اطول من انه ينزل من درجة حراره 20 الى اقل...........يعني احنا لو قدرنا نعمل الموضوع ده يبقى مش بنقوي المكيف ولا حاجه ده كل الموضوع انك بتشيل منه مؤثر خارجي معوق للتبريد السريع وتغير درجة الحراره.
الكلام ده نظري ويمكن اكون انا فاهم غلط الله اعلم لكن انا عن نفسي قلت اعمل كام تجربه بين عربيتي وبين عربيه تانيه ..........
التجربه الاولى / هي ان بعد ربع ساعه كامله من تشغيل المكيف افصل ال AC واشوف ايه النتيجه .....عندي بعد الفصل الموضوع ما اخدش اكتر من نص دقيقه والهوا البارد اختفى تماماً وبقى هواء محايد لاهو بارد ولا هو حار.-----العربيه التانيه بعد الفصل الهواء البارد فضل بارد بدون مبالغه اكتر من 5 دقائق طبعاً برودته بتقل لكن مش بسرعه رهيبه زي عندي...
التجربه الثانيه / ريحة الكمكمه اللي موجوده عندي تفسيرها الوحيد عندي برضه هو موضوع السخن والبارد اللي متداخلين في بعض دول ......لأن ببساطه طول ما في فريون داخل السربنتيه المشكله مش موجوده لأنه الفريون ابرد بكتير من درجة حراره المياه .......مجرد ما نفصل ال AC السربنتينه لتأثرها بالحراره المرتفعه الملاصقه ليها بتختفي برودتها في وقت سريع وده على طول بيعمل بخار مياه ودي على طول تعمل ريحة كمكمه تظهر دائما اول ما نفصل ال AC...
طيب برضه نظرياً كده والله اعلم.............لو فعلاً زي ما احنا فاهمين وان الخرطوم العجيب ده على طول مسخن السربنتينه .......متخيليين قد ايه الكمبريسور بيعاني !! ده غالباً مش هايفصل لأنه لو فصل دقيقه واحده درجة الحراره هاترتفع بسرعه اسرع من سرعة انخفاضها ......يبقى ليه يفصل ؟ او يفصل قد ايه ده كفايه اوي اقل من نص دقيقه ويشتغل تاني...........
يعني لو تفكيري صح وفهمت صح من موضوع احمد يبقى احنا كده هنستفيد الآتي :
-هانساعد المكيف انه يكون انشط من دلوقتي شويه بإننا ببساطه نبعد عنه مصدر الحراره الدائم.
-هانقلل مجهود الكمريسور .
-هانبعد عننا فكرة التبخر السريع ده وبالتالي ريحة الكمكمه .....وخلوا بالكم احنا عندنا فلتر المكيف ده على قد ما هو نعمه الا انه نقمه برضه لان روائح بخار المياه دي بتمسك في الكربون والقماش اللي في الفلتر ده وبتفضل وقت طوييل لانها مش رائحه جافه .......
المقابل اننا هانلغي السخن .......انا شخصياً ما شغلتش السخن عندي مرتين تلاته من ساعة ما عرفت العربيات عموماً ......لكن برضه ده يتوقف على نعمل الموضوع ده ازاي وعند مين وهل في خسائر ولا الموضوع آمن 100 % .......كمان الاهم عندي هل لو عملنا الخطوه دي نقدر بعد كده نرجعها تاني زي ما كانت ولا الخطوه دي في طريق رايح مالهوش رجعه !!!
توكلنا على الله نبدأ الموضوع وانا مستعد لو الموضوع آمن ابدأ انا واحمد في تنفيذه ان شاء الله ونقولكم النتائج اول بأول.......ويا رب الموضوع يكون مفيد ان شاء الله ....وجزاكم الله كل خير يا ابو حميد بجد موضوع رائع وربنا يكرمك عليه ان شاء الله .
اخباركم اييييييييه يا وحوووووووووووووووووش بجد مفتقدكم جداً جداً الكام شهر اللي فاتوا دول وبجد والله ما منعني عنكم غير الشديد القوي زي ما بيقولوا .........عموماً الحمد لله وربنا مايجيب حاجه وحشه تاني ان شاء الله ونفضل مع بعض دائماً وعلى الخير ان شاء الله.
المهم انا كنت شفت موضوع لحبيبي ابن الحاج عبدالمقصود عن تعديل تكييف الميجان والغاء السخن وان ده هايكون ليه تأثير ايجابي على التبريد............انا اول ما شفت الموضوع استوقفني جداً ان في حاجه اصلا ممكن نعملها نحل بيها شوية الكسل اللي موجودين في التكيف لأن انا شخصياً لو ربنا قدرني وعملت كده واقتنعت تماما ان المكيف كده بقى اقوى من الاول وقارب الى الياباني او الكوري من حيث قوة وسرعة التبريد .......هنام مرتاااح الباال لاني دايما شايف ان المنغص الوحيد في التحفه دي هو تكيفها اللي ماقدرش طبعاً اقول انه سيء لكن اقدر اقول انه كسلان شويه وارق من اللازم ....محتاج يشد حيله شويه ...يعني لو ربنا قدرنا فعلاً وظبطنا الموضوع ده يبقى خلاص مافيش اي فسوه في العربيه دي
........كمان اللي فكرني بالموضوع ده هو امبارح نزلت من شغلي حوالي 7 المغرب ومشيت فتره من غير المكيف وقلت اشغل هواء فقط واشوف ......لقيت الهوا طالع سخن فعلاً مع اني مش عامل على السخن وانا تكييفي مانيوال .........فا على طول جات فكرة احمد وقلت لازم اعمل موضوع ونتكلم فيه بتوسع شويه ونفكر مع بعض زي ما تعودنا.
انا شخصياً اللي فهمته من موضوع احمد ان الكويل الداخلي عندنا او السربنتينه الداخليه ملاصق ليها خرطوم موصل بينها وبين مياه الموتور اللي تقريباً بتغلي !!......وده بيفسر ليه لو شغلنا هواء فقط بعد ربع ساعه مثلاُ من السير هتلاقي الهواء ساخن برضه ده معناه اني لو وصلت الى السربنتينه الداخليه هلاقي درجة حرارتها مرتفعه كمان ده بيفسر ليه التكيف بيقعد ربع ساعه مش 5 دقائق على ما يقدر يعمل حاجه ......لأن بالمنطق كده عشان ينزل من درجه حراره 40 الى 20 اكيد هياخد وقت اطول من انه ينزل من درجة حراره 20 الى اقل...........يعني احنا لو قدرنا نعمل الموضوع ده يبقى مش بنقوي المكيف ولا حاجه ده كل الموضوع انك بتشيل منه مؤثر خارجي معوق للتبريد السريع وتغير درجة الحراره.
الكلام ده نظري ويمكن اكون انا فاهم غلط الله اعلم لكن انا عن نفسي قلت اعمل كام تجربه بين عربيتي وبين عربيه تانيه ..........
التجربه الاولى / هي ان بعد ربع ساعه كامله من تشغيل المكيف افصل ال AC واشوف ايه النتيجه .....عندي بعد الفصل الموضوع ما اخدش اكتر من نص دقيقه والهوا البارد اختفى تماماً وبقى هواء محايد لاهو بارد ولا هو حار.-----العربيه التانيه بعد الفصل الهواء البارد فضل بارد بدون مبالغه اكتر من 5 دقائق طبعاً برودته بتقل لكن مش بسرعه رهيبه زي عندي...
التجربه الثانيه / ريحة الكمكمه اللي موجوده عندي تفسيرها الوحيد عندي برضه هو موضوع السخن والبارد اللي متداخلين في بعض دول ......لأن ببساطه طول ما في فريون داخل السربنتيه المشكله مش موجوده لأنه الفريون ابرد بكتير من درجة حراره المياه .......مجرد ما نفصل ال AC السربنتينه لتأثرها بالحراره المرتفعه الملاصقه ليها بتختفي برودتها في وقت سريع وده على طول بيعمل بخار مياه ودي على طول تعمل ريحة كمكمه تظهر دائما اول ما نفصل ال AC...
طيب برضه نظرياً كده والله اعلم.............لو فعلاً زي ما احنا فاهمين وان الخرطوم العجيب ده على طول مسخن السربنتينه .......متخيليين قد ايه الكمبريسور بيعاني !! ده غالباً مش هايفصل لأنه لو فصل دقيقه واحده درجة الحراره هاترتفع بسرعه اسرع من سرعة انخفاضها ......يبقى ليه يفصل ؟ او يفصل قد ايه ده كفايه اوي اقل من نص دقيقه ويشتغل تاني...........
يعني لو تفكيري صح وفهمت صح من موضوع احمد يبقى احنا كده هنستفيد الآتي :
-هانساعد المكيف انه يكون انشط من دلوقتي شويه بإننا ببساطه نبعد عنه مصدر الحراره الدائم.
-هانقلل مجهود الكمريسور .
-هانبعد عننا فكرة التبخر السريع ده وبالتالي ريحة الكمكمه .....وخلوا بالكم احنا عندنا فلتر المكيف ده على قد ما هو نعمه الا انه نقمه برضه لان روائح بخار المياه دي بتمسك في الكربون والقماش اللي في الفلتر ده وبتفضل وقت طوييل لانها مش رائحه جافه .......
المقابل اننا هانلغي السخن .......انا شخصياً ما شغلتش السخن عندي مرتين تلاته من ساعة ما عرفت العربيات عموماً ......لكن برضه ده يتوقف على نعمل الموضوع ده ازاي وعند مين وهل في خسائر ولا الموضوع آمن 100 % .......كمان الاهم عندي هل لو عملنا الخطوه دي نقدر بعد كده نرجعها تاني زي ما كانت ولا الخطوه دي في طريق رايح مالهوش رجعه !!!
توكلنا على الله نبدأ الموضوع وانا مستعد لو الموضوع آمن ابدأ انا واحمد في تنفيذه ان شاء الله ونقولكم النتائج اول بأول.......ويا رب الموضوع يكون مفيد ان شاء الله ....وجزاكم الله كل خير يا ابو حميد بجد موضوع رائع وربنا يكرمك عليه ان شاء الله .
Comment