موضوع خطييييييير برجاء المشاركة

**KiNgMaX** · 07-05-2007 05:31 PM

:lol: :roll: :lol: كام مرة فكرت انك تخرج تتفسح وقعدت تلف بدماغك فى البلد وفى الآخر مالقتش حتة كويسة تروحها رحت داخل تنام وانت قرفان
اكيد الموقف ده اتعرضله كتييير مننا
فانا بقترح وبما ان الأجازة جاية اانا نعمل هنا مرجع شامل لكل الاماكن الكويسة اللى الواحد ممكن يروحها ويبقى مبسوط
يعنى كل عضو يقولنا على كام مكان هو بيستريح فيهم سواء بقى مكان أثرى او كافيتريا او ملاهى أو ... أو ... وياسلام بقى لو يقول الأسعار كمان
ولو فى مكان رحته قبل كده ومستريحتش فيه او مشيت مضايق قولنا عليه
وبكده يبقى عندنا مرجع للخروجات لما نحب نخرج نرجعله
وبما ان انا من اسكندرية فياريت كل الأعضاء الأسكندرانية يشاركو فى الموضوع
اللى يعرف حتة فى اى مكان يقول ومحدش يبخل علينا بمعلومة

:lol: :roll:

**أبو عبدالله** · 07-05-2007 06:25 PM

بصراحه الازهر بارك تحفه والله جميل جدا ومحترم ونظيف

**ashraf_hisham** · 07-05-2007 06:31 PM

السلام عليكم و رحمة الله وبركاته

فى كمان قرية الخيول العربيه
مكان حلو أوى ممكن يستمتع بيه كل افراد الأسره من الكبير حتى الأطفال

**Dr Ahmed** · 07-05-2007 07:43 PM

فى مدينتى المكان الوحيد المناسب للفسحة هو فوق سطوح بيتنا ........

مراسلكم من بنها العسل

**Hazem Salah** · 07-05-2007 09:00 PM

أنصحبالذهابالىالفرعالجديدلتريانونالجديد

( أمام شيراتون القاهرة - جنب نادى التجديف )
مكان فعلا تهدى فيه أعصابك بعد تعب الاسبوع

**Abdallah** · 07-05-2007 09:07 PM

فى الاسكندرية افضل قهوة الفيشاوى بجرين بلازا
فى المنصورة : السلاملك كافيه, او نقعد نشرب شاى عن احمد على المشاية( داخل السيارة ).
بورسعيد : يوجد العديد من الكافتيريات على شارع طرح البحر, قعدة ظريفة على البسين فى فندق سونستا ومش غالية الحقيقة, كورنيش البحر جامد جدا طبعاودول الى فاكرهم دلوقتى.

**baher** · 07-05-2007 09:28 PM

أنا ارشح ليكم الأماكن التاليه في القاهره:
أولا مركب السرايا العائم فوق فيه قعده تحفه ع ضهر المركب والمينمم 35جنيه
ثانيا في برده تشيلز فوق المركب العايم النيل سيتي ودي الصبح من غير منيم ويوم الخميس بس على مافتكر فيه منيمم 25 جنيه والكافيه من الداخل مقسم لدورين والدور التاني أفضل من الأول والدور التاني مقسم لقسمين برده قسم في الopen air وقسم تكييف عادي.
ثالثا"في داخل فندق ماريوت الزمالك في كافيهات تحفه في الجاردن بس الأسعار هيا كمان تحفه.
رابعا" ودي قعدتي المفضله في الصيف في المقطم بس موش عند الكافيهات لأ قبل الكافيهات في كشك كده الراجل بيجيب لينا حصيره وتكيات نفرش الحصيره احنا والشله ونتكى ومصر كلها تحتينا مع الشاي بالنعناع والجو الخرافي وندفع كل واحد خمسه جنيه بالكتير
في مكان برده انا رحت مع العيله ع صحراوي اسكندريه بعد خوالي 150كيلو من مصر وقبل الاسكندريه بحوالي 65 كيلو المكان ده هو أفريقيا بارك اللي هو حديقه الحيوان المفتوحه تاخد جوله كامله بعربيتك وسعر التذكره 70جنيه للعربيه أيا كان العدد داخلها المكان لذليذ وجديد ومتكلف والأطفال بالذات هيعجبهم .
في الأسكندريه بقى في مكانين بحبهم جدا المكان الأول قدام مكتبه الاسكندريه بالظبط ع الكورنيش في كافيه لذيذ أوووي تعقد فيه وتلاقي الموج بيدغدغ تحتيك كده وهو هادي والأضاءه بتاعته منخفضه
وفي مكان تاني قدام كارفور اسمه جانجل كافيه جامد جدا بس هو موش قدام كارفور بالظبط
وكل ما افتكر مكان جديد هقؤلكم بس ياريت الكل يشارك ويقؤل الاسعار عامله ازاي خلينا نفيد بعض

07-05-2007 09:31 PM

KiNgMaX--فكرة هايلة وموضوع جميل --ويعتبر خدمة هايلة للاخوة المغتربين اللى انشاء الله ينزلوا مصر فى الصيف --انا شخصيا ذهبت الى مكان --بس مش عارف هو اللى يقصدة الزميل والاخ ابو عبدالله--الازهر بارك --على كل حال هو كان على ما اتذكر فى الدراسة قريب من صلاح سالم ومن دار الافتاء --وبالفعل كان مكان مفاجأة --مكان فية سحر غريب --والمطعم اللى جلسنا فية كان هايل --ومنة تكشف كل قاهرة المعز--يا ترى هو دة يا ابو عبدالله-----وغير هذا اجلس بصفة دايمة فى --كوفى شوب سيدى منصور فى المهندسين --بجوار جامع مصطفى محمود --واحيانا فى قرية اندريا فى المريوطية--واحيانا فى قهوة بلدى فى امبابة--وبصراحة ما بلاقيش نفسى الا هناك--

**محمد المرسي** · 08-05-2007 12:48 PM

الموضوع جامد جداً ...
وانا سأتكلم عن السويس {بلد الغريب} اللى أنا غريب فيها....
أكثر الأماكن المشهورة فى السويس هو الكورنيش الجديد بجانب الأستاد وبه طفطف {للى عايزين يتجولو على الشارع رايح جاى} وكمتن بور توفيق ...
والأماكن الخاصة هناك كافتريا السرايا وهى كافتريا محترمة وهى فى طريق بور توفيق...
وكاستلو وهو نادى أجتماعى وهو أمام الأستاد...
وأيضا فندق أسماعيل ياسين وهو أمام الكورنيش ...
والى لقاء قريب فى بلد الغريب ...