إعـــــــلان

Collapse

.

,
See more
See less

<< صني 2007 اوتوماتك للبيع>>

Collapse
X
 
  • Filter
  • الوقت
  • Show
Clear All
new posts

  • << صني 2007 اوتوماتك للبيع>>

    بسم الله الرحمن الرحيم
    نويت بيع العربيه و ربنا يبارك للمشتري
    البيانات:
    1-ماركة السيارة:نيسان صني اوتوماتك ex saloon
    2-الموديل/السنة:2007
    3-عدد الكيلومترات:
    45200

    4-الكماليات (كاسيت-تكييف-زجاج كهرباء-باور):باور سنتر زجاج تحكم مرايات جانبيه من الداخل تنك بنزين و شنطه من الداخل
    + كاسيت pioneer 4050 cd/mp3/usb
    gm kenwood 350 watt + speakers kenwood 500 watt 5 way لسه جداد

    5-حالة الصاج او الخوارج (رشة مناطق كذاوكذا او فابريكة او فابريكة ورشة وش نضافة):
    كنت خبطت خبطه بسيطه كسرت الفانوس الامامي و تنت حته من الرفرف (مثبت بمحضر التأمين و المعاينه) فقلت ارش العربيه كلها (ماعدا السقف طبعا) كنوع من انواع النضافه من الخرابيش و اطفال المسامير و حاليا حاله الدهان الخارجي ممتازه

    6- حاله الدواخل:فابريكه الحمد لله
    7-حالة الصالون (معقول-جيد-جيد جدا - ممتاز- حالة نادرة):ممتاز
    8-الحالة العامة او التقييم العام للسيارة (معقول-جيد-جيد جدا - ممتاز- حالة نادرة):ممتاز, صيانات دوريه في التوكيل و قطع الغيار برضو من التوكيل
    9-حالة الكاوتش (جديد او مستعمل كام كم؟):جديد
    10-حالة البطارية:جديده فارتا جافه 55 و ركبتها قبل الكاسيت بكام يوم
    11-مكان المعاينة:مدينه نصر
    12-السعر المبد ئي كام (هل قابل للتفاوض او نهائي) :79000 بالكاسيت و عده الصوت 78000 بدونهم
    13-اسم صاحب الاعلان ورقم هاتفة:العبد لله و المراسله علي الخاص
    14-تاريخ انتهاء الرخصة؟:2011/8
    15-اول يد او ثاني او ثالث الخ الخ:تاني يد
    16-امكانية البيع بتوكيل او اشتراط التسجيل:التسجيل هيكون افضل للبايع و اضمن لملكيه المشتري للعربيه التوكيلات دي سكه فيها مجال كبير للنصب
    17-حالة الموتور
    :بحالته انا مش بتاع جري و قرص
    18-لون العربيه : نبيتي ميتالك

  • #2
    ربنا ييسر لك لبيع بسعر مرضي

    Comment


    • #3
      شكرا ليك
      امين

      Comment


      • #4
        بيع موفق ان شاء الله
        وكفاية انها من شخص محترم مثلك

        جروب ورشة نايل موتورز علي الفيس بوك


        صفحة ورشة نايل موتورز على الفيس بوك

        Comment


        • #5
          المشاركة الأصلية كتبت بواسطة karim_monir مشاهدة المشاركة
          بيع موفق ان شاء الله
          وكفاية انها من شخص محترم مثلك
          شكرا و الله يا جماعه
          و شكرا كمان علي نصيحه اللاب توب

          Comment


          • #6
            يا نهار ملوش ملامح
            100 واحد شاف الموضوع
            و محدش قال اشتري
            اذن لا مفر من الاعلان
            فليكن الاعلان اذن
            و ربنا يقدم اللي فيه الخير

            Comment


            • #7
              ربنا يباركلك في بيعها .. وتجيب أحسن منها بإذن الله ..
              - -
              ليا كم سؤال لو ممكن إجابته :- طبعا انت أكيد دورت علي مشترين ليها ونزلت السوق .. هل موضوع "الرش" ده نزل كتير من سعر العربية .. وهل الرش في التوكيل ليه مزايا عن بره التوكيل وموضوع الرش ده كلفك كم ؟! .. وتالت نقطة :- الأفضل لما تيجي تبيع العربية إنك ترشها علشان المظهر وكده .. ولا تسيبها بخرابيشها وكدماتها ؟! .. وأخيرا :- حالة الدهان الخارجي هتفضل ممتازة علي طول ولا ممكن بعد فترة الميتالك بتاعها يبهت ولونه يخف عن الاول ؟! .. تحياتي ليك وربنا يوفقك في مشتري ابن حلال ..
              [CENTER][FONT=Comic Sans MS][COLOR=black][COLOR=#2d3f52]:k38: [/COLOR][SIZE=4]. . CoMpLeTed Mind 4 UnLimited Mad Man[/SIZE][/COLOR][/FONT][/CENTER]

              Myth سابقا

              Comment


              • #8
                المشاركة الأصلية كتبت بواسطة Myth مشاهدة المشاركة
                ربنا يباركلك في بيعها .. وتجيب أحسن منها بإذن الله ..
                - -

                الله يباركلك
                ليا كم سؤال لو ممكن إجابته :- طبعا انت أكيد دورت علي مشترين ليها ونزلت السوق ..
                لا والله لسه انا قلت ابدء في المنتدي و ان اتباعت خير و بركه مكنش يبقي اعلان في الجرنال

                هل موضوع "الرش" ده نزل كتير من سعر العربية ..
                مممم الرش معروف انه بينزل من سعر العربيه لسبب
                ممكن العربيه تكون متركبلها نص او ربع او فيها اي عيب خطير و صاحبها رشها و بيقول رشه بره نضافه و ده للاسف الموقف الشائع الا من رحم ربي و للسبب ده بالذات العربيه لما بترش بره عموما سعرها بينزل انما بينزل كام فمن الف الي اتنين او تلاته تنما مش اكتر من كده


                وهل الرش في التوكيل ليه مزايا عن بره التوكيل
                اكيد طبعا حسب ما اسمع من كل الناس و مفتنع قناعه تامه بكده علشان مكونات الدهان بتكون هي هي بالظبط مش بس درجه اللون و ده بيفرق في الشكل العام عن رشها بره التوكيل


                وموضوع الرش ده كلفك كم ؟!
                3300 جندي مصري فقط لاغير
                .. وتالت نقطة :- الأفضل لما تيجي تبيع العربية إنك ترشها علشان المظهر وكده .. ولا تسيبها بخرابيشها وكدماتها ؟!
                انا هرد علي النقطه دي من منطلق تاني
                انا لما اشتريت العربيه الصني كانت متخربشه و فيها شويه حكات في الاكصدمات و الباب الايمن و رسوم سيرياليه علي الكبوت
                طبعا الموضوع ده خلي ناس كتير من راغبي شرائها يتراجعو لكن بالنسبالي انا مقتنع ان العربيه في الشارع المصري لازم ولابد تتبارك من ان لأخر من اخواتها العربيات سواء واقفه او ماشيه او حتي راكنه
                فقلت اخدها علي كده و ربنا يسهل و ابقي ارشها و ارجعها زي الاول
                بس بعد ما اشتريتها كسلت و قلت يالله خليها تتحك كمان و كمان و بعدين ابقي ارشها و افرح بيها
                لغايه ما العربيه اتخبطت مني (بسبب ظابط من ظباط المرور كان بيوقف الطريق في الاوتستراد الساعه 2 الضهر و هو بيجري قدام العربيات بعرض الطريق علشان تأمين عربيه معديه!!!)
                فوقعت في مشكله الرفرف لما هيترش هيبقي شاذ عن باقي العربيه فقلت اتكل علي الله و افرح بيها بقي و ارشها كلها (عدا السقف اكيد)

                بس في نفس الوقت انا ضد ان الواحد يفرح بدهان الفابريقه زياده عن اللزوم و يمشي بالعربيه و دهانها مجرب و مقشر و يقولك علشان لما اجي ابيعها سعرها مينزلش و تبقي العربيه شكلها جربان سنين و شهور و هو عامل حساب الكام الف اللي هينزلو علي حساب منظره و شكله و هو راكب عربيه مجربه ( له في خلقه شئون)
                بس اكيد طبعا لو البيع في نيتك سيبها علي حالتها و جرب تبيع و لو لقيت مشتري خير و بركه لأن الرش هيكلفك مبلغ مش هتقدر تعوضه ابدا ساعه البيع لكن هيكون عنصر جذب للي بيفكر يركب العربيه و يستمتع بيها و بشكلها علي طول


                .. وأخيرا :- حالة الدهان الخارجي هتفضل ممتازة علي طول ولا ممكن بعد فترة الميتالك بتاعها يبهت ولونه يخف عن الاول ؟! ..
                اللي بيخلي دهان الميتالك يفقد بريقه هو الصنفره اللي بتحصل و البواب بيمسح العربيه بفوطه ناشفه و ياسلام لو فيها تراب كمان
                بتبقي عامله زي ورقه الصنفره و يوم ورا التاني بريق العربيه بيروح
                لكن غير كده و مع استخدام بولش للعربيه من ان لأخر العربيه دهانها بيعيش ببريقه اطول فتره ممكنه
                يستثني من كده بعض العربيات اللي دهانها بيكون دون المستوي

                تحياتي ليك وربنا يوفقك في مشتري ابن حلال ..

                الله يكرمك و شكرا علي المرور و لو ليك اي استفسار اسئل براحتك

                Comment


                • #9
                  والله انك راجل محترم ربنا يوفقك فى بيع العربيه لكن انا شايف ان سعرها عالى شويه لأ شويتين مغ شكرى

                  Comment


                  • #10
                    المشاركة الأصلية كتبت بواسطة elsheekhzakrya مشاهدة المشاركة
                    والله انك راجل محترم ربنا يوفقك فى بيع العربيه لكن انا شايف ان سعرها عالى شويه لأ شويتين مغ شكرى
                    ممكن توضح الاسباب و علي اي اساس؟

                    Comment


                    • #11
                      إسمحللي أرفعلك القــُــبــَّــعــَــة علي ردك ..
                      [CENTER][FONT=Comic Sans MS][COLOR=black][COLOR=#2d3f52]:k38: [/COLOR][SIZE=4]. . CoMpLeTed Mind 4 UnLimited Mad Man[/SIZE][/COLOR][/FONT][/CENTER]

                      Myth سابقا

                      Comment


                      • #12
                        سبب ايه ؟ انك راجل محترم الاجابه ده من عند ربنا
                        اما سبب ان سعر العربيه غالى شويه ؟ ارجو مراجعه اسعار مثيلاتها فى باقلى المواقع مثل ( الوسيط / كونتاكت كارز / سمسار مصر / كار 100100 ) وبعدين ياخى ربنا يحسن سوقها وتبيعها باكثر من كده كمان وحسن السوق ولا حسن البضاعه

                        Comment


                        • #13
                          المشاركة الأصلية كتبت بواسطة myth مشاهدة المشاركة
                          إسمحللي أرفعلك القــُــبــَّــعــَــة علي ردك ..
                          مش توضح لنا هاترفع القبغه لمين بالظبط اللى هاترفعهاله اعمله اقتباس

                          Comment


                          • #14
                            المشاركة الأصلية كتبت بواسطة elsheekhzakrya مشاهدة المشاركة
                            سبب ايه ؟ انك راجل محترم الاجابه ده من عند ربنا
                            اما سبب ان سعر العربيه غالى شويه ؟ ارجو مراجعه اسعار مثيلاتها فى باقلى المواقع مثل ( الوسيط / كونتاكت كارز / سمسار مصر / كار 100100 ) وبعدين ياخى ربنا يحسن سوقها وتبيعها باكثر من كده كمان وحسن السوق ولا حسن البضاعه
                            طيب لما ابيعها علي ارض الواقع هبقي اقولكم علي السعر
                            لكن ما اسهل ان مجموعه من السماسره بتوع العربيات ينزلو اعلان و اتنين و تلاته و يكتبو اللي هما عايزينه عن عربيات الله اعلم بحالتها
                            ربنا يكرم

                            Comment


                            • #15
                              المشاركة الأصلية كتبت بواسطة amir مشاهدة المشاركة
                              طيب لما ابيعها علي ارض الواقع هبقي اقولكم علي السعر
                              لكن ما اسهل ان مجموعه من السماسره بتوع العربيات ينزلو اعلان و اتنين و تلاته و يكتبو اللي هما عايزينه عن عربيات الله اعلم بحالتها
                              ربنا يكرم
                              الله كريم :k32:

                              Comment

                              Working...
                              X