مراكز صيانة بروتون في الاسكندرية؟

[Islam_galal]

السلام عليكم
بدراسة قرار شراء Gen2 لم استطع الوصول لمراكز صيانة متخصصه للبروتون في الاسكندرية
هل توجد مراكز صيانة للبروتون في الاسكندرية او ميكانيكي متخصص فيها؟

[Islam_galal]

هو السؤال صعب و اللا ايه يا جماعة و اللا اسكندرية مفيهاش حد شغال في البروتون؟

[Islam_galal]

معلش يا جماعه انا قلت اعمل محاولة اخيرة لأن كدة اعتقد اشيل جين 2 من الاختيارات

[goodwave]

أوعى ......... حاسب!!!!!
لية الاستسلام بسرعة يا إسلام؟ الاسكندرانية ميستسلموش بسرعة كدة

شوف بقى الصدف..... انا معايا بولو 99 زيك وكمان بفكر اليومين دول اغير وبدرس ال GEN2 كواحدة من الاختيارات.

انا إتصلت بمسئول المبيعات في عز العرب في القاهرة وهو قالي إن ليهم مركز في الكيلو 1 الزراعي يعني قبل بوابة مرور ابيس يعني بعد جرين بلازا بشوية. دة مركز عز العرب بيع وصيانة معتمد.

لما قولتلة عاوز اتفرج على العربية قالي ليهم showroom في الداون تاون وهما عارضين ال GEN2 جنب الستروين والراجل بتاعهم هناك اسمة هاني إبراهيم.

وقالي سعر الكاملة مانيوال 1600cc بتعمل 83000 جنية وممكن يعمل واجب

لو حبيت تشوفها ممكن نتواعد ونروح نشوفها سوا وإللي في الخير يقدمة ربنا.

[eng_elnaggar]

توكيل عز العرب فعلا موجود على الزراعي قبل ابيس وهو ده اللي انا اشتريت منه الواجا ومدير المبيعات هناك اسمه استاذ حسن بيرتو وهو شخصية محترمة قوي روحله وهو هيساعدك وهيفرجك على العربية وهيعمل معاك واجب وانت بتشتري في السعر.

[fahd_628]

لما قولتلة عاوز اتفرج على العربية قالي ليهم showroom في الداون تاون وهما عارضين ال GEN2 جنب الستروين والراجل بتاعهم هناك اسمة هاني إبراهيم.

فعلا انا دائما و انا معدى بشوف الShowroom دية و بتبقى فى الحتى الى قبل ابو فارس و 24 و المنطقة دية !

[Islam_galal]

جزاكم الله خيرا
بس مركز الصيانة في اسكندرية اخباره ايه حد ليه سابق خبرة في التعامل معاه

[e_abdelraouf]

المركز معقول جدا
خبرتهم زهدت اوى فيها
انا بتعامل معاهم من سنتين و نص
على فكرة انا من اسكندرية
ولو محتاج حاجة ابقى قولى :lol:

[abo3bdolrahman]

أهلا بيك معانا يا أستاذ إيهاب و ياريت تكتبلنا تقييمك للسيارة بعد سنتين ونصف.

[e_abdelraouf]

اولا احب اشكركم على الاهتمام
بالنسبة للعربية فهى من وجهة نظرى المتواضعة من افضل السيارات اللى فى نفس الفئة
الصاج بتاعها قوى ولا يقارن الا بالالمانى
الصالون جيد مريح الى حد كبير كل حاجة فى متناول السائق
واسعة جدا من الخلف
زوايا الرؤية من الزجاج الامامى والمرايات الجانبية ممتاز
العفشة ناشفة شوية بس دة اعتقد انة بسبب العفشة الرياضية
فى ناس كانت بتقول انة فى حدفة يمين لكن انا معنديش حاجة والحمد للة
اما الجرى فهى جيدة انا جبت بيها 180 وانا مشغل التكييف ومعايا ناس ومحمل الشنطة (الواسعة)على طريق مطروح اصل كنت رايح المصسف وكانت ثابتة جدا فى المناورات حتى فى السرعات العالية
التوكيل زادت خبرتة كتييييييييير بس العيب البطء الى حد ما
ارجو ان اكون قد افدتكم
اسف للاطالة ولو حد محتاج اى حاجة انا فى الخدمة

[fahd_628]

هية العربية عاملة مع حضرتك كام كيلو ؟

[abo3bdolrahman]

اولا احب اشكركم على الاهتمام
بالنسبة للعربية فهى من وجهة نظرى المتواضعة من افضل السيارات اللى فى نفس الفئة
الصاج بتاعها قوى ولا يقارن الا بالالمانى
الصالون جيد مريح الى حد كبير كل حاجة فى متناول السائق
واسعة جدا من الخلف
زوايا الرؤية من الزجاج الامامى والمرايات الجانبية ممتاز
العفشة ناشفة شوية بس دة اعتقد انة بسبب العفشة الرياضية
فى ناس كانت بتقول انة فى حدفة يمين لكن انا معنديش حاجة والحمد للة
اما الجرى فهى جيدة انا جبت بيها 180 وانا مشغل التكييف ومعايا ناس ومحمل الشنطة (الواسعة)على طريق مطروح اصل كنت رايح المصسف وكانت ثابتة جدا فى المناورات حتى فى السرعات العالية
التوكيل زادت خبرتة كتييييييييير بس العيب البطء الى حد ما
ارجو ان اكون قد افدتكم
اسف للاطالة ولو حد محتاج اى حاجة انا فى الخدمة

يا باشا مشكور و ما طولتش و لا حاجة و جزاكم الله خيرا

[e_abdelraouf]

اشكرك اخى ابو عبد الرحمن
وللاخfahd_628
العربية عاملة 30000كم

[algaber]

شكرا للجميع انا لسة شارى بيرسونا و الحمد للة زى الفل بس خايف من اسعار الصيانة
فية حد عندة عنوان قطع غيار برتون غير التوكيا فى اسكندرية
فية حد عند كتالوج السيارة البرسونا او الجين 2

[Abo.Mayyam]

شكرا للجميع انا لسة شارى بيرسونا و الحمد للة زى الفل بس خايف من اسعار الصيانة
فية حد عندة عنوان قطع غيار برتون غير التوكيا فى اسكندرية
فية حد عند كتالوج السيارة البرسونا او الجين 2

ألف ألف مبروك وربنا يباركلك فيها

أخبار العربية إيه معاك؟ مستنيين التقييم وإنطباعك عنها