كيـــا قادمة ....SOUL تحصد الخمس نجوم في اختبار السلامة الأوروبي Euro NCAP

[Ahmed Samy]

ها هي بوادر النجاح لمجهود كيا في تحسين صورتها و المحاولة للصعود للصف الأول الأسيوي طمعا في التقدم في لسوق الأوروبي و الأمريكي......

اجتازت سيارة كيا سول اختبار السلامة الأوروبي - و هو من أشهر و أصعب إختبارات السلامة - بنجاح...



وليس بنجاح فقط ...بل حصدت السيارة نجومه الخمسة بقوة ..


اجتازت السيارة اختبار الارتطام الأمامي بنجاح ...




حتى ان الزجاج الأمامي لم يتفتت ولا يتصدع

و انما ضرر بسيط في خط غلق الأبواب الأمامي (تحت عند العجل) تم حسم نقطة عليه ...

ولكن مكونات جسم التابلو أو الكونسول أثرت على سلامة الأفخاذ بشكل ما قبل الخطورة تماما Marginal .




اما التميز فكان أكثر في اختبار العامود ...




وكذلك التصادم الجانبي

و الذي اجتازته السيارة بدون أي لون عدا الأخضر



و طبعا مساند الرأس الجديدة لكيا ..اللي اتمت مهمة الحماية من الصدمة الخلفية بلون اخضر نقي

و ده احد تعليقات محرري السيارات على النتيجة :

It's a big result for a little car

______________________________

كيا ما بتهزرش و عينها على مكان كويس وسط الصانعين .....

والإختبار ده رد قوي جدا لكل الحاجرين على كفائة الصناعة الكورية

و المشككين في أنها تستطيع انتاج سيارة أركبها باطمئنان ...

العربية دي تمنها بيبدأ من 110 ألف للمانيوال و حتى 139 الف للهاي لاين


و عقبال ما أشوفكو بعد تست النيو سيراتو اللي حاسس انه مش هايكون أقل من كده ....

أسيبكو مع الفيديو ...لأن اللي شاف غير اللي قرا


http://www.youtube.com/watch?v=okQz7PHjULc&feature=player_embedded

[a7mednour]

بسم الله ماشاء الله...
الى الأمام دائما يا كيا ونشوف منك منتجات ترضي كافة الأذواق ...
استاذ أحمد تسلم ايدك وربنا يباركلك يا رب وتستلم على خير ....

تقبل تحياتي ....

[TeMoON]

تسلم ايدك يا بشمهندس احمد بس انا مش هشترى العربية دى ولا انت هتشتريها لية عملتلها موضوع لو كدا اعملنا اتنين من الحاجات الى بتعملها دى بالفخار ولا بالعجين ولا شوف انت بتعملو باية بس اهم حاجة ظبط الاوبشن من جوة والتكسف لو سمحتى وما تنساش 300 قرش وتسلم ايدك يباشا على الموضوع الجميل دا

[enas75]

تسلم ايديك يابشدكتور/ احمد سامي.........والله العربيه كانت عجباني ان شكلها غريب
تيمون مفكرتش تجيبها ليه ........سعرها زي النيو سيراتو.وعوامل امان ممتازه........
واهو اللي يكلمك ويقولك كوري قله عربيتك خدت 5 نجوم........تبقي مش من مستوايا
هي اه شكلها غريب شويه بس حتبقي مميز في الشارع

[kareemhisham]

حاجة مطمئنة جدا ,,
ب هو الاسعار الحضرتك حاططها دى من جابر عبد الشهيد ؟؟

[Ahmed Samy]

انا ممكن أعمللكو واحدة سول بسكوت ....طعمها جنان

بس مش هاتاخد ولا نجمة ...لأنها هاتتفرفرت مع أول قطمة ......هههههههه

شكرا لردودكم يا جماعة انا عملت الموضوع مش علشان باحب السول ....(اصلي مش باحبها قوي)

بس علشان الناس تشوف ان كيا صانع قوي و عنده مقومات جيده ...

بس يا ريت ماحدش يقول يا عم دي نجوم كوري برضه ...ونجوم الياباني تلاقيها بتلمع أكثر ...


الأسعار دي فعلا عند جابر عبد الشهيد .....

و عنده واحدة هاي لاين حمرا ...بس الخامات من جوه مش حلوة ...برضه

[M.ABDEEN]

فعلا عربية محترمة وده الجديد بتاع كيا ودايما للامام وبالتوفيق للجميع

[Ahmed Anwer]

و عنده واحدة هاي لاين حمرا ...بس الخامات من جوه مش حلوة ...برضه

لا لا لا يا دكتور ،،

الخامات من جوه كويسة جدا و مش هاقول ممتازة

دي خامات و تصميم ثوري بجد ،،

خامات التابلوه رغم انها ناشفه بس فيها ملمس و نعومه غريبة

كونصول التكييف في النص مكنشي عاجبني في الصور خصوصا الدائرة اللي في النص

علي الطبيعة حاجة تانية ،، جامد جدا تحس انها هيهجم عليك

بس يمكن عشان حضرتك مش معجب بيها ،، فمش شايفها حلوة

و علي فكرة الآي 20 ،، خدت برده خمس نجوم و دي المفاجأة اللي بجد

و الوحيدة اللي ما حصلتشي غير علي ثلاث نجوم

السوزوكي التو الجديدة اليابانية

http://www.euroncap.com/latest.aspx

[TeMoON]

تيمون مفكرتش تجيبها ليه ........سعرها زي النيو سيراتو.وعوامل امان ممتازه........
واهو اللي يكلمك ويقولك كوري قله عربيتك خدت 5 نجوم........تبقي مش من مستوايا
هي اه شكلها غريب شويه بس حتبقي مميز في الشارع

والله يا استاذة ايناس انا ما بحبش فئات الهاتش باك عموما انا بحب السيدان اكتر وبعد حوار النيو سيراتو الى حصل معايا والتأخير انا سقطت كيا من كل حساباتى فا ربنا يسهل ويكرمنى يارب واقدر اجيب حتة خواجاتى كدا تكون بنت حلال وما تتعبنيش معاها

انا ممكن أعمللكو واحدة سول بسكوت ....طعمها جنان

بس مش هاتاخد ولا نجمة ...لأنها هاتتفرفرت مع أول قطمة ......هههههههه

شكرا لردودكم يا جماعة انا عملت الموضوع مش علشان باحب السول ....(اصلي مش باحبها قوي)

بس علشان الناس تشوف ان كيا صانع قوي و عنده مقومات جيده ...

بس يا ريت ماحدش يقول يا عم دي نجوم كوري برضه ...ونجوم الياباني تلاقيها بتلمع أكثر ...

طب ياريت يا باشدكتور احمد تعملى اتنين واحدة بالشيكولاتة والتانية بالفانليا ولو واحدة بالقرفة كمان يبئة كويس وزى الفل وتسلم ايدك ياباشا وبالنسبة للنجوم طبعا نجوم اوروبا احلى من نجوم اليابان وكوريا مع ان سبحان الله النجوم الى فى السما واحدة

[Bossy_Fadl]

بسم الله ما شاء الله

كيا نازلة بتقلها يا جماعة

كل يوم عم تثبت انها اسم كبير و منافس قوي لا يستهان به

كيا هلا عم تعلي من شأن الصناعة الكورية

و الدليل ان عربياتها صارت تتقارن بمثيلاتها اليابانية

العربيه تصميمها مش كتير حلو زي النيو و الكارينز

بس في الاخر هاي اذواق و راح تلاقي اقبال من ناس كتير

زيها زي الماتيريا مثلا

شكل غريب و مختلف و فيه شي بيجذب

و كونها تحصل علي خمس نجوم في اختبار السلامة فهاي نقطة تحسب لكيا

بصراحه انا كل يوم عم بيزيد انبهاري بهالشركة

ميرسي لحضرتك يا دكتور احمد علي التقرير الوافي هاد