حركة رخمة غلاسة !!!!!

[نور العمر]

بجد
رخامة وغلاسة وغتاتة
ولولا احترامي للمنتدى كنت قلت ما هو أوجع في الوصف

وأرخم من كدة تيجي من واحد في مقام جد حتى مش أب

عربيتي إللي متتسماش ( و ده لقبها الجديد الحقيقة ) راجعة من عند الميكانيكي بعد الكشف على قصة الدركسيون

فجأة وبدون سابق مقدمات وأنا قرب دخولي يوترن .. شمال ...
فراملها حجرت ونورت كونتاكت وزيت
طبعا وقفت فورا
قلت خلاص العربية باظت
عملت فرامل اليد ودوست فلاشر
واحد بيه محترم بابا جدو ورايا
عمااااال كلاكس فكلاكس فكلاكس
شاورت من المرايا العربية عطلت
مفيش فايدة
روحت نزلة من العربية ومن عصبيتي عليت صوتي العربية عطلت أموت نفسي يعني

قمة الاستفزاز وقلة الذوق والتعالي والغرور
قعد يزعق ويدي كلاكس .. وإللي وراه مستغربين منه .. ومترددين يقفولي واللا مش حيسلمه من غلاسته

المهم البيه قرر أخيرا ياخد يمن ويطلع من جنبي ... ويقوم يقوللي ( إرمي العربية دي في الذبالة )
هو يعني عشان هو راكب فولكس فاجن أحدث موديل بيتريق على عربيات مخاليق ربنا الغلبانة
بصراحة غضبانه منه وعليه ... ومش مسمحاه على جرح المشاعر ده
وأول مرة احس إن قلبي مبآش طايء كدة

ابسط حاجة .. يعدي بدون تعليق .. ويستحمل موقف إني وقفت فجأة
المهم لا هو طريق سريع ولا كان زحمة ولا الدنيا وقفت وعطلت عشان يعمل كدة
ما هو طبعا ... عمره ما حيقدر إن بنته ممكن تكون في نفس الموقف
لإن بنته مش حتركب العربيات الذبالة دي
ربنا يسامحه بقا

ناس ذوق ..ذوق..ذوق.. الصراحة

المهم دارت الرخمتينا ... وكان موقف من مواقفها أم دم تقيل

منك لله يا غلستينا

[Ahmed.Ali]

متزعليش نفسك خالص الراجل ده شكله محدث نعمه لانه لو يعرف التعب كان قدر
و متزعليش من عربيته هي برضوا شالتك في مواقف تانيه و ربنا يوفقك و تجيبي الاحسن منها و ساعتها هتقدري الي عربيته قديه و عطلت و تفتكري الموقف ده و تقولي علي الراجل ده غلبااااان

[muslimah_dentist]

متزعليش نفسك يا نور و ماتعصبيش نفسك خالصصصصصصصصصصص

خلى اللى يقول يقول ( أهو كله بيعمل بأصله)

و ربنا يقويكى على عربيتك و يرزقك بما هو خيرمنها عاجلا غير آجل.

[ezzatfox]

و لا كنتى تنزلى و لا تعبرية .. الاشكال دى مينفعش معاها غير التجاهل يعقبها نظرة احتقار عميق .
عموما متضايقيش نفسك .. الشوارع مليانة من العينة دى كتير .. اعتبرى نفسك مش شايفاهم
بس اسلوبك جميل و ضحكتينى بجد
خصوصا بعد السفنتينا ما بقت .. رخمتينا .... و كمان غلستينا

[shafey]

ولا تزعلى نفسك لو هو بارد خليكى انت اهدى منة

[نور العمر]

معلش يا جماعة ...
بس بجد استغربت الموقف جدا
ومكانش فيه داعي للتعليق ده خالص
طبعا هي عربية فلة شمعة منورة معايا وأصيلة وبنت اصول ( واضح طبعا ؟؟؟؟؟؟؟؟؟ )
بس بردو ...
جرحني في مشاعري جدا
هو ربنا بيرزق الناس
عشان تجرح غيرها
واللا الارض اتعملت للعربيات الغالية بس
ودايقني جدا ... سنه ... معقول
ده لو شاب كان معلش ... أقول أي حاجة في نفسي
لكن ده في مقام أكبر من والدي
حصل خير

وبردو ما زلت مصرة

حتتباعي حتتباعي يا بواختينا
ومن هنا ورايح ... مفيش دلع مفيش مصروف ..
مفيش حتى مام بنزين ..

حتشوفي أياااااااااااااااااااااااااااااااااااااااااااااااا م
لحد ما تبكي وتمسحي دموعك بمساحاتك ... وتقولي سامحيني
حقولك نوووووووووو .....
روحي لحال سبيلك ... ما ينفعش معاكي إلا رجل يعاملك معاملة الرجال يا غتتينا ... go a way

[r0xer]

معلش يا جماعة ...
بس بجد استغربت الموقف جدا
ومكانش فيه داعي للتعليق ده خالص
طبعا هي عربية فلة شمعة منورة معايا وأصيلة وبنت اصول ( واضح طبعا ؟؟؟؟؟؟؟؟؟ )
بس بردو ...
جرحني في مشاعري جدا
هو ربنا بيرزق الناس
عشان تجرح غيرها
واللا الارض اتعملت للعربيات الغالية بس
ودايقني جدا ... سنه ... معقول
ده لو شاب كان معلش ... أقول أي حاجة في نفسي
لكن ده في مقام أكبر من والدي
حصل خير

وبردو ما زلت مصرة

حتتباعي حتتباعي يا بواختينا
ومن هنا ورايح ... مفيش دلع مفيش مصروف ..
مفيش حتى مام بنزين ..

حتشوفي أياااااااااااااااااااااااااااااااااااااااااااااااا م
لحد ما تبكي وتمسحي دموعك بمساحاتك ... وتقولي سامحيني
حقولك نوووووووووو .....
روحي لحال سبيلك ... ما يتفعش معاكي إلا رجل يعاملك معاملة الرجال يا غتتينا ... Go a way

أهو كدا جرحتي مشاعري أنا كمان و نص رجالة المنتدى :(

------

لابجد شوفي..لو خليتي مشاعرك مرهفة للدرجة دي في مجتمع زي مجتمعنا "مجتمع ذكوري بإمتياز" فحضرتك بعيد الشر يعني هتموتي ناقصة عمر!!

راجل زي دا ماهو إلا مثال للتسلط الذكوري اللي بقى يقرف في العالم حتى برة البيت! و أنا أراهن لو راجل كان مكانك و كان مفتول العضلات و واضح عليه إنه هيعرف ياخد حقه بدراعه مكنش البيه ابو عربية فولكس فتح بؤقه و كان مش بعيد ينزل يزق معاه.

و الدنيا سلف ودين...وهيتردله في بنته اكيد.

[himatros]

نصيحة من اخ لاخته
انسي اللي اتقال ده زي محصل معايا قبل كده بس جت بشتيمة وقلة ادب وسب دين
وانا بقولك معلش انسي وربنا ع الظالم

[dr.hany]

ياريت ماتخديش كل حاجه على اعصابك فى موضوع السوااقه ...وبعدين معاه فولكس فاجن. حقه يا ستى

[نور القمر]

ولا مشاعرك تتجرح ولا حاجة
البني آدم مش بعربيته ولا بفلوسه لكن باخلاقه الطيبة
خلي عندك ثقة في نفسك وخليكي شايفة نفسك ديما الاحسن والافضل من الاخرين حتى لو كنتي راكبه عجلة وغيرك راكب طيارة

ياما اتعرضت لمواقف مماثلة يانور بس والله مكنتش بتوصل لدرجة ان اشيل في نفسي كدة
بس عندي ملحوظة جايو عصبيتك في الرد عليه استفزته وخلته يدور على كلمة يحرق دمك بيها
خليكي هادية الاعصاب وردود افعالك هادية تكسب ود الاخرين

[نور العمر]

أهو كدا جرحتي مشاعري أنا كمان و نص رجالة المنتدى :(

------

لابجد شوفي..لو خليتي مشاعرك مرهفة للدرجة دي في مجتمع زي مجتمعنا "مجتمع ذكوري بإمتياز" فحضرتك بعيد الشر يعني هتموتي ناقصة عمر!!

راجل زي دا ماهو إلا مثال للتسلط الذكوري اللي بقى يقرف في العالم حتى برة البيت! و أنا أراهن لو راجل كان مكانك و كان مفتول العضلات و واضح عليه إنه هيعرف ياخد حقه بدراعه مكنش البيه ابو عربية فولكس فتح بؤقه و كان مش بعيد ينزل يزق معاه.

و الدنيا سلف ودين...وهيتردله في بنته اكيد.

انا قصدي إنها بتدلع عليا ... وعاوزة شدة في المعاملة
والشدة من شيم الرجاااااااااااااااااااااال
نوتي كار

وهو نوتي مااااان

[moudy88]

ده تلاقيه واحد كانت حالته ضنك و بيئه ................* وربنا فتحها عليه ونسي اصله وبقى محدث نعمه...والفئه دي بقت منتشره في البلد وبتتنكر لاصلها

[A.Saad]

هوة راكب فلوكس
وانتى 127
لكن دوام الحال من المحال

[M.Mostafa80]

ولا تزعلى نفسك يانور انا بالنيابه عن الفلوكساويه كلهم بقلك معلش وعلى رأى الناس دا تلاقيه محدث نعمه ودوام الحال من المحال وأكيد ربنا مش هيسيبه ودا عطلو بجمل على الأقل أنتى أى حد هيصلحلك عربيتك لكن هوا يعينى على اللى هيحصلو

[icehearted girl]

نور

هدي اعاضبك يابنتي

اقلك علي حاجة غريبة

الراجل دا غلط كدا عشان عارف انك مش هتتصرفي معاه صح

يعني لو كان راجل مكانك مكنش التاني قدر يفتح بقه معاه والله

مقدرة موقفك جدا بصراحة حاة تضايق

كويس انه مقلكيش شمميها بصلة ولا الكلام الي بسمعه :d

في ناس بتبتقي غاية الذوق والادب والاحترام

ونا س تانية ربنا يعافينا منهم زي بابا جدو دا