مشكلة فى التكييف ومش لقلها حل

[dr_sharkawy]

انا عندى اوكتافيا a4رحت شحنت التكييف انهاردة واشتغل تمام بس حصل حاجة غريبة لما افتح التكييف العربية تبطل وشوية تظبط وهكذا ارجوا الافادة ولكم جزيل الشكر معلش ياجماعة انا كتبت فى هذا القسم لاننى اعتز بردود خبراء هذا القسم امثال م-سمير عياد وم- محمد ممدوح وهذا للذكر وليس الحصر

[samirayad]

_ من الواضح وجود خلل فى قوة تحمل المحرك لأضافة أحمال وقت السلاتسيه

_ وبناء عليه أنصح بنظافة بلف الأيدل كنترولر......وكذلك نظافة بوابة جسم الخانق................

_ والأهم من هذا كله هو عمل أعادة تنشيط لذاكرة وحدة التحكم تجاه سرعة السلانسيه idle learning procedure

[dr_sharkawy]

ازاى يا بشمهندس

[samirayad]

طريقة أعادة تنشيط ذاكرة وحدة التحكم تجاه سرعة السلانسيه idle learn procedure
-بعد فصل البطاريه لعمل صيانه معينه بالسياره أو بعد رفع وحدة التحكم من مكانها بهدف الكشف عليها وخلافه أو عند تغيير فيوز الأمداد العمومى يلزم عمل الآتى لتنشيط ذاكرة وحدة التحكم......................
بعد عمل جميع التوصيلات المطلوبه وتجهيز منظومة السياره للعمل نفذ الخطوات التاليه
1- أفتح الكونتاكت لمده 5 ثوانى
2-أغلق الكونتاكت لمدة 10 ثوانى
3-أفتح الكونتاكت لمده 5 ثوانى مره ثانيه ...وبعدها شغل المحرك على السلانسيه
4-أترك المحرك للتسخين حتى الوصول لأقصى درجة حراره ممكنه (لحد ماتعمل مراوح تهوية الردياتير).....تقريبا درجة الحراره فى هذه الأثناء بتصل الى 85 درجه مئويه 5- شغل التكييف (أن وجد) لمدة 10 ثوانى
6-أفصل التكييف(ان وجد) لمدة 10 ثوانى
وأذا كانت السياره مزوده بناقل حركه أوتوماتيكى (فتيس أوتوماتيك).......أفعل الآتى
1-أرفع فرامل اليد....وأثناء الضغط على دواسة الفرامل ضع زراع التعشيق للفتيس على الوضع d
2-شغل التكييف لمدة 10 ثوانى
3-أفصل التكييف لمدة 10 ثوانى
بعد ذلك أفصل الكونتاكت وسمى الله ......وبكده تم المراد بأذن الله

دى طريقة عمل الأيدل ليرننج .....للسيارات الدايو بناء على تصميم وحدة التحكم الخاصه بها..................................

المفروض أنك تشوف الطريقه فى الأوكتافيا زيها ولا لا .....................

عموما أعتقد مش حيكون فيه خلاف كتير ...........

لو لم تستطع الوصول الى الطريقه الخاصه بطراز سيارتك............يمكنك تجربة هذه الطريقه ........والتوفيق من عند الله..........

_ وخللى موضوع نظافة الأيدل والبوابه دلوقتى على ماتجرب الموضوع السهل ده...........وبأذن الله خيرا.............

[dr_sharkawy]

شكرا يا سعادة الباشا وجارى التجربة

[tananybasha]

نتيجة التجربة ايه لأنها لم تصلح فى الفيكترا

[samirayad]

ربنا يسهل يامحمد وتنفع عن الدكتور الشرقاوى ...........وبعدين ........بشروا ولا تنفروا...........هههههه

[tananybasha]

و ربنا انت زى العسل ربنا يسهل

[samirayad]

الله يخليك يا أبو حميد