اول تغطية لاوتوماك 2009(مدينة السيارت)-كريم منير

**Karim_Monir** · 04-06-2009 01:50 AM

الحصريات متعودين عليها في منتدانا نايل موتورز
والحصريات بس لمنتدانا من كريم منير
اول تغطية لاوتوماك اخبار السيارات 2009

لسه راجع من ساعة من زيارتي السنوية لمعرض مدينة السيارت
اوتوماك اخبار اليوم للسيارت 2009
وصلتني دعوة VIP اصلية مش مضروبة بتاعت يوم الخميس
ولكن اصلية بتاعت الافتتاح والحفلة من 8 الى 12 مساء
طبعا لم اتبع بروجرام الحفلة مطلقا وكان اهتمامي الاول والاخير بالسيارت وليس بالاستعراضات وغيرها
كنت على اجتماع مع احمد شاركي واحمد سامي لان كل منهم كان معاه دعوات ايضا
وللاسف الدعوة هذا العام لدخول فرد واحد وليس اثنان كما هو متعود كل عام
الدخول سمارت كاجوال وليس فورمال والحمد لله مش ناقصة ربطة كرافت في الجو الحر ده
ممنوع دخول السائقين مع توفير شركة بها افراد لتولي ركن السيارت بعد الدخول من باب المعرض مباشرة
مستوى الابهار اقل من كل عام مع قلة العارضين وعدم وجود العارضين المتميزين
لا وجود لمرسيدس ولا بنتلي ولا فيراري و وبي ام شوية عربيات عادية جدا
مع وجود قاعة كاملة لعارضين صينين جداد لدرجة اني تخيلت اني رحت الصين
مش هاقدر ارفع كل الصور الان لاني عندي شغل باكر
خاصة اني هارفعها باعلى جودة وسرعة ال دي اس ال ماتسعفش والفودافون مش لاقط 3G

دي تصبيرة ونستكمل غدا ان شاء الله
اخيرا وليس اخرا تم اجراء تست درايف لنيسان بلوبيرد مني ومن احمد سامي وشاركي وسيكتب كلمنا انطباعة عن السيارة مفصلا
كل سنة وانتم طيبين
ماتنسوش تجمع المنتدى في المعرض يوم الجمعة لساعة 3 عصرا بعد الدخول مباشرة على اليمين
وكل واحد يطبع النيم تاج اللي عملها نادر ويكتب عليها اسمه لسهولة التعرف على بعض

كريم منير
-----------------
صورة واحنا لسه داخلين ارض المعرض وده مكان الاحتفال وطبعا سيبناه على طول مالناش فيه

دي صورة البرومو بتاعهم السنادي

حسين فهمي مع حسن حسام ابو الفتوح واللي مدينا ضهرة ده حسام ابو الفتوح

على اليمن احمد سامي وحسين فهمي وعلى الشمال العبد لله

برافو تبرو جنوط 17 وب 150 الف بس

الانتريور بتاع برافو

مكان دخول الهواء البارد اسفل غرفة المحرك

مش بقولكم هاتشوفو الشخص ده كتير بيجيله كرشه نفس من العربيات الحمراء والكوبية

**Karim_Monir** · 04-06-2009 01:51 AM

ما زالت الحصريات تتوالى
مجموعة جديدة من الصور
وان شاء الله جاري رفع الصور تباعا

ملحوظة:اضغط على اي صورة لتراها بحجمها الكامل
--------------------------------------
صورة السلاريو الجديدة ومحدش يتخط من تمنها
70 الف جنيه
انا مش عارف هو بينزلها تنافس مين
جيتز مثلا ولا ايه

صورة السوناتا الجديدة من الداخل
من افقر ما يمكن والتكييف التاتش اللي فيها ماقبلوش في عربية ب 50 الف
على راي واحد كان واقف
ده تكييف يونيو اير نزل في العربيات

بواقي التشطيب داخل السوناتا(شيكرتون لزق+قطعة سلك )داخل عربية نازلة معرض دوللي
ايه حال اللي هاتتسلم للعملاء

سانتافي

الرائعة 207

207 من الخلف

تابلوة 207

207 ستيشن

207 كوبية سى سي

الانتريور بتاع الكوبية 207

واحد معرفوش حب يتصور في العربي(غاوي عربيات كابرولية وعربيات حمراء-ممكن تشوفوة في الصور تاني)

مش بقولكم هاتشوفوة تاني

التحفة 308 (الفرنسين عندهم ابداع في التصميم)

كفاية كدة وهاكمل تاني ان شاء الله

**Karim_Monir** · 04-06-2009 01:51 AM

انا واحمد سامي ومهندس حسام ابو الفتوح

هنا الشوركو الجديدة

وهنا اودي tt كوبية من الداخل

شوروكو

شوروكة من الداخل

ودي كمان

شوروكو

شوروكو من الخلف

شنطتها

جولف 6

جولف 6 من الخلف

حاجزين تست درايف لجولف 6

اودي A6

برليانس FRV

برليانس سيدان

تصميمها حلو وهاتبيع كويس

ودي من الداخل

دي المصيبة بقي
حركة زبالة

التقفيل المصري واضح وسلك ابيض

وهنا كمان السلك واضح

الخلفية واضح انها حلوة

عربية اسمها V101 ناقشين فانوس المازدا 3

ودي من جوة

الصالة دي تحس انك روحت الصين

دي من قدام

مش بقولكم صيني صيني

تقليد مين كوبر على برودا كانشيل على موتور 1300 ب 55 الف

ودي من جوة

عربية ليفان 520 هاتش باك منافس قوي ل FRV وشنطتها واسعة

من قدام

هوندا سيتى

سيتى من جوة

فورد مونديو الجديدة

فيستا الجديدة

فيستا من جوة

من الخلف

فيستا كوبية

فورد فليكس

كيا كارينز من جوة

كارينز حلوة وهاتبيع بجد

لوجان هاتش باك

كيا سول وغباء التصميم(اذواق)

تويوتا فاين(ماكيت فقط)

نيسان موانو الجديدة

مورانو من جوة

صورتي وانا جوة التست درايف لنيسان بلو بيرد

وهنا كنت جريت مالحقوش يصوروني

وهاكمل بقيه تفاصيل التست درايف بعدين
معلش انا صورت الجديد فقط والمميز
المعرض مليان اكتر وانتظرو تغطيات شاملة من الاعضاء

**egypt_dr** · 04-06-2009 02:04 AM

اشكرك على التغطية
ممكن سؤال ... سكودا موجودة ولا ايه؟؟؟
وهل في اي تخفيضات او عروض على العربيات زي معرض الاهرام يناير اللي فات؟؟؟ سواء سكودا او غيرها
وشكرا

**shafey** · 04-06-2009 02:12 AM

اية السرعة دية الله ينور

**shafey** · 04-06-2009 02:23 AM

ممكن حد يقولى فين الاقى النيم تاج

**Bossy_Fadl** · 04-06-2009 02:37 AM

شو هالسرعه يا بشمهندس كريم

ما شاء الله علي حضرتك

ميرسي كتير لالك علي التصبيره هاي و منتظرين التغطية كامله و الصور من حضراتكو و من بقيه الاعضاء ان شاء الله

و الصور منورة بيكو

المعرض شكله حلو فعلا

ان شاء الله بحاول اروح يوم الجمعة مع صحباتي عشان اشوف علي الطبيعة