إعـــــــلان

**samirayad** · 06-06-2009, 12:04 AM

هى دورة الفرامل عندك فيها سيرفو فرامل

**نور العمر** · 06-06-2009, 01:03 AM

يعني إيه سيرفو فرامل ؟؟؟؟؟

**samirayad** · 06-06-2009, 01:12 AM

لما تفتحى الكبوت ....حتلاقى وراء دواسة الفرامل من جوه الحوض طاقيه فى وضع عمودى ( شبه الطبق كده وشكلها أسود) ووراها ماستر الفرامل الرئيسى ......وفى الغالب هى عندك .....لأن دى لما بتهرب هواء بتخللى الفرامل تحجر .....وبتسحب هواء المحرك وتخللى المكنه تترج معاكى وتبطل العربيه كمان

**samirayad** · 06-06-2009, 01:16 AM

............دا حوض مكنه عربيه لانوس ....شايفه تنك زيت الفرامل أبو غطاء أصفر ده ....وراه للداخل ....السيرفو ...شبه الصينيه ولونه أسود......أبقى شوفى عندك زيه أو قريب منه .....وأكيد حتلاقيه طبعا ....بس ممكن تلاقى اللى عندك حجمه أصغر شويه (اللى ملزوق عليه ورقه بيضاء زى شريط كده )..............

**ASKAFRAWY** · 06-06-2009, 01:25 AM

المشاركة الأصلية كتبت بواسطة samirayad مشاهدة المشاركة

هى دورة الفرامل عندك فيها سيرفو فرامل

بشمهندس سمير تسمحلى بالرد:

الفيورا 85,87 دورة الفرامل على سيرفو:
ممكن يكون هناك تهريب من السيرفو العمومى او من كاوتش ماستر الفرامل وممكن تتاكدى يا نور

من الوضوع دة اما عن طريق الكشف او ملاحظة وجود زيت اسفل كبوت العربية او على الجزء الداخلى من احدى كاوتش العربية نفسه

تهريب الزيت او وجود هواء فى الدائرة هيتسبب فى تحجير الفرامل او العكس البدال خفيف جدا و بيوصل لاخر مشواره بدون توقف للسيارة.
موضوع لمبة الزيت:
مقاس الزيت ناقص ولا طبيعى وهل لمبة الزيت بتنور مع سخونة العربية!
ممكن يكون عيب طرمبة الزيت ودة المفروض المبة هتفضل منورة دايما
او نقص الزيت نتيجة ان الموتور خفيف فمع ارتفاع درجة حرارة الموتور ممكن مستوى الزيت يقل!
هل موضوع لمبة الزيت دة متكرر؟

**samirayad** · 06-06-2009, 01:52 AM

بشمهندس سمير تسمحلى بالرد

ياباشا أتفضل ..........وكويس أنك أكدت أن العربيه فيها سيرفو .....وهو ده اللى عامل المشكله فعلا ......لأن أما أختنا بدوس فرامل العربيه بتكون داخله على سلانسيه وبكده المكنه بتبطل منها او بتكون على وشك التبطيل وبترعش ولو بطلت طبعا لازم تنور جميع لمبات البيان اللى فى التابلوة.......... لأن السيرفو بيهرب هواء السلانسيه كله بره الطاقيه بتاعة السيرفو..............وأنا أعتقد أن مفيش مشاكل فى دورة زيت الفرامل............والمشكله فقط ( تغيير السيرفو )

**samirayad** · 08-06-2009, 12:48 AM

موضوع أكون ماشية وفجأة لمبة الكونتاكت والزيت تنور .. وفي نفس الوقت الفرامل بتحجر تحت رجلي .. بمجرد ما أقف وأدور الموضوع ينتهي .... ( ده كدة تغيير سيرفو )..

نعم

أتأكد إزاي ..

ماهى واضحه

أنا لسة مغيرة ماستر فرامل عمومي ومركبة ماستر خلفي في العجل ...

كان الله فى العون ...........وخليكى فاكره حتة الماستر الخلفى دى .....لأن حنعوزها بعدين مع الكلام القادم

الميكانيكي .. شرحلي موضوع السلانسيه ده وطبعا مستوعبتوش قوي ... وقاللي الموتور كدة عالي .. وعمل حاجة في ثواني وقاللي كدة وطيتو ؟؟؟؟؟ طبعا مفهمتش حاجة

حتلاقيه لف الأسبراتير شمال شويه أو قلل خلط الهواء للبنزين من خلال مسمارى الهواء والبنزين

الموضوع التاني ... العربية عجلها بيأفش ومش بمشي بيها مرتاحة

دى أنا شاكك أن الماستر الخلفى هو السبب ومطلوب تروحى تانى للى ركب الماستر الخلفى علشان يظبط رجلاش فرامل الفرده دى

ساعات بشك إن فرامل اليد مرفوعة ... لكن بتكون نازلة ... هل ده مؤشر ... ( تغيير ديسك واسطوانة ) ؟؟ لإن الفتيس كمان بيخشن في النقلات مع القفشة دي .... ودي بتيجي بعد ما بمشي بالعربية شوية ويبدأ يظهر العيب ده

لو العيب ده مكنش موجود قبل موضوع الماستر الخلفى .......يبقى الدبرياش سليم

أنا صبري نفذ وزهقت

أن مع العسر يسرا

مبقتش عارفة
استمر مع العربية دي واتحدى كل المواقف معاها واتعلم
واللا ابيعها واخلص بأي ثمن

كله بأوانه

بجد ................... زهقت

قولى لا اله الا الله .....وأستغفريه يجعل لكى من كل كرب مخرجا ..........وأنظرى الى صورة الأمور اللى ماسك أسياخ حديد الشباك فى توقيعك يرتاح بالك

لو السيرفو ... تكلفته كام بالتقريب

أعتقد عندك 50 ج على الأكثر

والديسك والاسطوانة .. أتأكد إزاي

أنتظرى تلك النقطه بعد مراجعة فرامل الفرده الخلفيه

**نور العمر** · 08-06-2009, 06:09 PM

الفرامل نعمت النهادرة فجأة
دي حركة بسبب السيرفو
اشتريت زيت باكم ... وحطيتو مش كله
أخشن البدال شوية ورجع نعم تاني
رحت للميكانيكي .. قاللي هوا ... ولازم يحل الاربع فرد
لما اشوف أخرتها إيه ؟؟؟؟؟؟؟؟؟

**ASKAFRAWY** · 08-06-2009, 06:16 PM

المشاركة الأصلية كتبت بواسطة نور العمر مشاهدة المشاركة

الفرامل نعمت النهادرة فجأة
دي حركة بسبب السيرفو
اشتريت زيت باكم ... وحطيتو مش كله
أخشن البدال شوية ورجع نعم تاني
رحت للميكانيكي .. قاللي هوا ... ولازم يحل الاربع فرد
لما اشوف أخرتها إيه ؟؟؟؟؟؟؟؟؟

ربنا معاكى..و اخرتها خير باذن الله
بس انت واثقة من الميكانيكى دة؟؟
المفروض ان العيب البيتصل مايرجعلوش تانى كل شوية!
مش عارف بصراحة موضوع السفنتينا دة غريب اوى!
هى الحالة مستعصية

**samirayad** · 08-06-2009, 10:36 PM

ما أنا قولتلك قبل كده ............بلاش تروحى أنت بالعربيه للصنايعيه ......لأن معظمهم معدومى الضميرللأسف... .....وخللى والدك أو أخيكى هو اللى يظبطلك العربيه بحيث تستعمليها أنت فقط .......وتبقى بعيده عن أفلام الصنايعيه ..........وبجد ده أحسن حل ليكى ......وربنا يوفقك لما فيه الخير

**ابو حسين** · 09-06-2009, 12:17 AM

المشاركة الأصلية كتبت بواسطة samirayad مشاهدة المشاركة

ما أنا قولتلك قبل كده ............بلاش تروحى أنت بالعربيه للصنايعيه ......لأن معظمهم معدومى الضميرللأسف... .....وخللى والدك أو أخيكى هو اللى يظبطلك العربيه بحيث تستعمليها أنت فقط .......وتبقى بعيده عن أفلام الصنايعيه ..........وبجد ده أحسن حل ليكى ......وربنا يوفقك لما فيه الخير

Comment

Comment

إعـــــــلان

.

السفنتينا .... بتكون ماشية وفجأة!!!!!!

السفنتينا .... بتكون ماشية وفجأة!!!!!!

Comment

Comment

Comment

Comment

Comment

Comment

Comment

Comment

Comment

Comment

Comment