شكرا وثاق للتآمين التكافلي

[abou_ruqi]

اولا : اقسم بالله العلي العظيم ان لا يوجد علاقة بيني وبين هذه الشركة من قريب ولا بعيد ولا مصلحة من اي نوع ولم افتح هذا الموضوع الا للمشاركة في المعلومات ولتعم الفائدة، وليس في النية عمل اي نوع من انواع الدعاية للشركة والله على ما اقول شهد

ثانيا : اعتقد معظمكم عارف قصة سرقة الجنوط اللي حكيتلكم عليه هنا

http://www.nilemotors.net/Nile/showthread.php?t=74862

ولله الحمد كنت مآمن على العربية تآمين تكافلي عند شركة وثاق ، وحسب وثيقة التآمين كان لازم ادفع ثمن الجنوط الاصليه ثم احصل الفاتورة لان مودرن موتورز مش من الشركات اللي وثاق متعاقدة معاها وممكن اصلح فيها من غير ما ادفع اي شيء

ومخبيش عليكم ان العملية كلفتني فوق الـ ١٠ الاف جنيه

المهم و بموجب الوثيقة المفروض ما استلمش الشيك بقيمة فاتورة التصليح الا قبل ٣ اشهر من اكمال الاوراق والاجراءات (صورة رسمية للمحضر والمعاينة والتصوير)

اللي حصل اني بعد ٣ اسابيع فقط من تسليمهم صورة المحضر الرسمي استلمت شيك بالمبلغ ( بعد خصم نسبة الاهلاك ونسبة التحمل) ودي مده - بشهادة الناس اللي شغالة هناك - قياسية

فشكرا وثاق للتآمين
وشكرا ا. احمد مدير فرع اسكندرية لدوره في تسريع استخراج الشيك
وشكرا ا. وليد مندوب الشركة لتحمله غلاستي وعصبيتي

[جندى مجند]

أبو روقى أولاً مبروك انتهاء الموضوع دة و ان شاء الله ميتكررش تانى و ربنا يباركلك فى عربيتك ... ممكن معلومات أكتر عن الشركة دى لأنى أول مرة أسمع عنها؟ و ممكن لو تعرف معلومات عن التأمين التكافلى و هل هو تأمين متوافق مع الشريعة؟

[abou_ruqi]

أبو روقى أولاً مبروك انتهاء الموضوع دة و ان شاء الله ميتكررش تانى و ربنا يباركلك فى عربيتك ... ممكن معلومات أكتر عن الشركة دى لأنى أول مرة أسمع عنها؟ و ممكن لو تعرف معلومات عن التأمين التكافلى و هل هو تأمين متوافق مع الشريعة؟

الموضوع ده في كل حاجة ومن الصفحة اللي بعتهالك حتعرف امتى التآمين يكون حلال و امتى يكون حرام

http://www.nilemotors.net/Nile/showthread.php?t=61069&page=5

[Ashraf_Ashraf]

ا
المهم و بموجب الوثيقة المفروض ما استلمش الشيك بقيمة فاتورة التصليح الا قبل ٣ اشهر من اكمال الاوراق والاجراءات (صورة رسمية للمحضر والمعاينة والتصوير)

اللي حصل اني بعد ٣ اسابيع فقط من تسليمهم صورة المحضر الرسمي استلمت شيك بالمبلغ ( بعد خصم نسبة الاهلاك ونسبة التحمل) ودي مده - بشهادة الناس اللي شغالة هناك - قياسية

يعنى الطبيعى انك تقعد 3 شهور وانت كنت حاله استثائيه يبقى ايه الحلو اللى فى الشركه ماهى زى كل الشركات نصابين وبيطلعوا عينك فى استلام الشيك وكلهم مشاء الله صواريخ فى لهف القسط
عموما مبروك انك استلمت فلوسك وربنا يحفظك من كل شر وماتحتاجش ليهم تانى

[abou_ruqi]

يعنى الطبيعى انك تقعد 3 شهور وانت كنت حاله استثائيه يبقى ايه الحلو اللى فى الشركه ماهى زى كل الشركات نصابين وبيطلعوا عينك فى استلام الشيك وكلهم مشاء الله صواريخ فى لهف القسط
عموما مبروك انك استلمت فلوسك وربنا يحفظك من كل شر وماتحتاجش ليهم تانى

لا الاصل في الشركات دلوقتي انها بتتلكك علشان متدفعش واللي اعرفهم ما اخدوش حاجة من شركات التآمين اكتر بكتير من اللي اخدوا

وبعدين وحتى لو كان بعد ٣ شهور ، مافيش تطليع عين ولا حاجة مانت بتبقى عارف قبلها ده غير انك بتبقى متفق على كده فمش حتفضل رايح جاي ؟ وبعدين ايه المشكلة لما ترفع السماع وتتصل بيهم و تسآلهم كل اسبوع ؟

وبعدين عاوز تخلص من كل الهم ده ، صلح عن اي مركز خدمه تابع ليهم و مش حتحط ايديك في جيبك اصلا

وعلى فكره هم ممكن يكونوا مش كويسين و اللي حصل معايا ده فلته
وماتفرقش معايا لو طلعوا بعد كده نصابين -ولو اني معتقدش-

المهم آنا آخدت حقي في اول تعامل بيني وبينهم وفي وقت سريع !
ملحوظة:
المهم انا عاوز اوضح حاجة بالنسبة لحوادث السرقة بالذات ، مافيش شركة بتدفع علي طول تمن اللي اتسرق -خاصة لو كانت العربية بحالها- بتدي لنفسها فرصه كام شهر لعل وعسى اللي اتسرق يرجع او البوليس يقبض على الحرام و يرد المسروقات

[جمال]

مبروك يا ابو رقية
الظاهر ان الشركة دى محترمة فعلا , على الاقل فى الاول
الحمد لله طمنتنى اصل انا مأمن فبها

[abou_ruqi]

مبروك يا ابو رقية
الظاهر ان الشركة دى محترمة فعلا , على الاقل فى الاول
الحمد لله طمنتنى اصل انا مأمن فبها

اه ما انا عارف يا سعادة الباشا وقولت برضه اكيد جمال بيه حيهتم بالموضوع ده
ان شاء الله ما نحتاجلهومش

[hshemait]

سلام عليكم

انا حاولت اكلم النهارده الشركة وثاق اكتر من مره محدش رد

فى تليفون لحد هناك مباشرة

انا عايز ائمن معاهم وعايز اكلمهم الاول

[novocaine]

النمرة دي حطها المهندس محمد في موضوع تاني:
الأنسة نادية
0124160419

فرع المهندسين حسب ما فهمت

[cool854u]

بالنسبة لشركة وثاق انا معرفش ايه نظامهم و اول مرة اسمع عنهم
بس طالما هيا شركة كويتية احب اطمن الناس ان اي شركة كويتية ادفع فيها و انت مغمض لأن الصراحة كل شركاتهم محترمة و بتراعي حق ربنا .. وعالعموم مستنين تجارب الاعضاء يحكولنا ..

[M.ABDEEN]

مبروك يا ابو رقية ومنجيلاكش في حاجة وحشة ورمضان كريم ....
سؤالي لحضرتك انا مامن في وثاق دي بس مش فاهم مرة يقولك لو التلفيات اقل من 5000 جنيه متجيبش محضر ومرة يقولك لازم معاينة ولازم تتصل ....الازاز اللي وراء عندي اتكسر بتاع الباب وعملته في التوكيل وجبت فاتورة ورفضوها وقالوا لازم معاينة وانا قرات الوثيقة ومش فاهم ياريت توضحلي حضرتك ايه اللي يتعمل من اول خربوش في العربية لاقدر الله وشكرا لك

[aratux]

موضوع التلات شهور دول فى حالة السرقة بس؟
طب لو حادثة بيصرف على طول؟
همة بيأمنوا بكام؟

[amr.elsayed]

مبروك يا ابو رقية ومنجيلاكش في حاجة وحشة ورمضان كريم ....
سؤالي لحضرتك انا مامن في وثاق دي بس مش فاهم مرة يقولك لو التلفيات اقل من 5000 جنيه متجيبش محضر ومرة يقولك لازم معاينة ولازم تتصل ....الازاز اللي وراء عندي اتكسر بتاع الباب وعملته في التوكيل وجبت فاتورة ورفضوها وقالوا لازم معاينة وانا قرات الوثيقة ومش فاهم ياريت توضحلي حضرتك ايه اللي يتعمل من اول خربوش في العربية لاقدر الله وشكرا لك

متابع باهتمام شديد
وجزاكم الله كل خير

[Samah AbdAllah]

الف مبروك والحمد للهان لسة فى شركات مضمونة ومحل ثقة

[جمال]

مبروك يا ابو رقية ومنجيلاكش في حاجة وحشة ورمضان كريم ....
سؤالي لحضرتك انا مامن في وثاق دي بس مش فاهم مرة يقولك لو التلفيات اقل من 5000 جنيه متجيبش محضر ومرة يقولك لازم معاينة ولازم تتصل ....الازاز اللي وراء عندي اتكسر بتاع الباب وعملته في التوكيل وجبت فاتورة ورفضوها وقالوا لازم معاينة وانا قرات الوثيقة ومش فاهم ياريت توضحلي حضرتك ايه اللي يتعمل من اول خربوش في العربية لاقدر الله وشكرا لك

بعد اذن ابو رقية
الكلام اللى سمعته مافيهوش تضارب
اولا لازم تبلغ الشركة بتقرير حادث ( من عندهم ) فى خلال 72 ساعة من الحادث( اى حادث عايز عنه تعويض )
وهم بيحددو مكان و وقت المعاينة ( لازم معاينة للحادث ) ويدوك اسم وتليفون المهندس اللى هيعاين
بعد المعاينة يبدأ التصليح
لو الحادث هيتكلف اكثر من 5000 ج يبقى لازم محضر شرطة