الرد على الأسئلة:
1-هل البولو سيارة ضعيفة بمعنى انها مش بتاعت شقى (سفر ورحلات وكده)
2-قطع الغيار متوفرة
3-أسعار قطع الغيار هل هي غالية كما يقال
4- هل صالون السيارة ضيق جدا زي ما تقالي مقارنة بالكوري زي اللانوس أو الأكسنت
و شكرا مقدما ليكم يا شباب
مفيش مشكلة في السفر والرحلات...بس أي عربية في الدنيا لازم ليها جدول صيانات ولو ممشيتش عليه حتعملك صداع. الموتور مش قوي لأنه 1000 سي سي بس ومع التكييف العربية بتبقى تقيلة. معظم الناس مسقطة مواتير 1400 في العربية دي وطبعاً الفرق كبير.
قطع الغيار متوفرة أصلي ومضروب
طالما بتفكر في عربية ألماني، يبقى لازم تكون سخي مع العربية لأن قطع الغيار الأصلية غالية مش رخيصة بس متوفرة وقطع الغيار المضروبة حتوديك في مشاكل وممكن تلبس أسود على العربية. الوححيد المضمون في قطع الغيار الأصلية هو أشرف الشهابي في شارع دمشق في مصر الجديدة.
انت إزاي بتقارن بين عربية هاتش باك وبين اللانوس والأكسنت؟؟؟ الواحد لما يقارن يقارن بحاجة من نفس الفئة. طبعاً عند مقارنة البولو بالعربيتين دول هي أضيق بس أفخم بدون تفكير
نصيحة ليك لو مركبتش ألماني قبل كده وكل شغلك على عربيات آسيوي يبقى إصرف نظر عن البولو علشان ركيب الآسيوي مبيعرفش يتعامل مع الفولكس بالذات وده عن عدد كبير من المشاهدات
المفضلات