contactcars لا يلتزم الحيادية !!!!

[josephedward]

هناك خبر حاليا على www.contactcars.com بعنوان :
"الأهرام" : الفترة الحالية أنسب توقيت للشراء

بخصوص استطلاع رأي عملته جريدة الأهرام....
وعند قراءة التفاصيل تجد أن نتيجة الإستطلاع أن 28% فقط من الناس قالوا أن : الفترة الحالية أنسب توقيت للشراء
اما الباقي فبالطبع لا....

وعند قراءتي للخبر علقت على هذه النقطة وتم حذف تعليقي....

ثم قرأت الخبر في الجريدة نفسها وجدت أن التفاصيل واحدة أما العنوان فلا.... مما يعني أن contactcars ألفت كلام على لسان الجريدة.... فلم يقل الأهرام أن "الفترة الحالية أنسب توقيت للشراء"
مما يجعلني أشك في إلتزام contactcars بالحيادية في كتاباتها و إنضمامهم لحزب " إشتروا بقى بسرعة والنبي لحسن تغلى"

أرجو أن يصحح لي أحد كلامي إذا كنت على خطأ.... وشكرا

http://www.contactcars.com/News_ViewStory.asp?NewsID=3089

[sha2e]

حضرتك نسيت ان كونتاكت كارز اصلا شركة ولو محققتش قدر معين من المبيعات فى السنه هتخسر ومش بعيد تفلس
وان مكنتش تحث الناس على الشراء فى حالة الركود الحاليه ( اللى هيا متضرره منها لابعد حد ) هتحث الناس للشراء امتى ؟؟

[Samah AbdAllah]

كل واحد عنده عقل ويقدر يميز الانسب بالنسبة له

مش كلام الجرايد والمواقع هو اللى هيحدد اختيارتنا

ممكن فى ناس بتتأثر لكن فى ناس كتير بتعرف ازاى تفكر وكده ولا كده اللى معاه فلوس فعلا بيشترى ومش فارق معاه

[Haitham10]

كل واحد عنده عقل ويقدر يميز الانسب بالنسبة له

مش كلام الجرايد والمواقع هو اللى هيحدد اختيارتنا

كلام بسكوتة صح وياريت الناس بجد تاخد بالها عشان المهلبيه كترت اوي وعموما هما ناقلين الخبر من ملحق الاهرام
واحنا عندنا الاعلام المرئى والصوتي والمقروء اصبحوا كلهم 99% مهلبيه × مهلبيه ومأجورين او تمشية مصالح لاطراف وكله بياكل عيش !

[MohaMed_Refaat]

مفيش زى نايل موتورز صدق وحيادية وامانة ومعلومات وافرة .

[Karim_Monir]

لهذا السبب رفضت ادارة نايل موتور ان تصبح احدى اكبر شركات السيارت في مصر راعى رسمى لها
راعي رسمي يعني ببساطة ان فمك اصبح مكمم ويدك اصبحت مقيدة عن الحق
الشيخ الشعراوي الله يرحمه قال
يا واكل من غير فاسك يا قرارك مش من راسك
هو ده باختصار اللي مخلينا ماشيين بالراحة بس بدون تدخل اي شركة صاحبة مصالح في ادارة المتدى

[jisso82]

ربنا يباركلكوا و تكملوا على خير إن شاء الله

[PoweRPassioN]

ربنا يباركلكوا و تكملوا على خير إن شاء الله

+1111111111111

[Haitham10]

لهذا السبب رفضت ادارة نايل موتور ان تصبح احدى اكبر شركات السيارت في مصر راعى رسمى لها
راعي رسمي يعني ببساطة ان فمك اصبح مكمم ويدك اصبحت مقيدة عن الحق
الشيخ الشعراوي الله يرحمه قال
يا واكل من غير فاسك يا قرارك مش من راسك
هو ده باختصار اللي مخلينا ماشيين بالراحة بس بدون تدخل اي شركة صاحبة مصالح في ادارة المتدى

ودة تاني سبب فحبي للمنتدى وللمكان دة بعد روح الافادة والمحبة بين الناس فيها
ويارب يفضل كدة علطول (حر)

[Ahmed Samy]

كل واحد عنده عقل ويقدر يميز الانسب بالنسبة له

مش كلام الجرايد والمواقع هو اللى هيحدد اختيارتنا

ممكن فى ناس بتتأثر لكن فى ناس كتير بتعرف ازاى تفكر وكده ولا كده اللى معاه فلوس فعلا بيشترى ومش فارق معاه

فعلا ...كلامك حضرتك سليم تماما

اللي يربط قراره بالجرايد "مدفوعة الأجر" يبقى يتشد من جيبه بقى

يشتري العربية اللي يقولولوا عليها

بالسعر اللي يقولوا عليه

و كمان في الوقت اللي يقولوا عليه

وممكن يختاروله لونها ...ليه لأ


سياسة توجيه القطيع المنتشرة في البلد دي بقت في كل حاجة

بس القطيع ده خلاص ...بح

[josephedward]

من الآخر انا شايف الصدا بدأ يبان من بعيد ...دة انا بتعمد كل شوية أروح لمعرض شكل واقنعه اني خلاص هاشتري وبعدين اقوله أصل انا مستنيها ترخص يقوللي هاتغلى أقوله مش مشكلة، هاستناها ترخص تاني... أجمد منظر ممكن تشوفه هو بياع مريل عليك يتصدم ويحبط...
و بحب قوي أمسح التراب من على العربيات وأقوله دي شكلها قديمة يا عم :-)

[bmw323]

نايل موتورز المنتدى الاول فى مصر

[Terrible_DaRsH]

الناس دى اهدافها مادية بحــــــت .

[نور العمر]

مفيش أجمل من نايل موتورز

الحمد لله .. والله منتدى يستحق
كل تقدير واحترام

بارك الله لنا فيه .. وأدام عزه

[AshTurbo]

بمنتهى البساطة كلهم بدأوا يفيصوا حتى لو كان فيهم ناس محترمة ورأيهم عادل في أول الأزمة بدأوا يضعفوا سواء لو كانوا صحفيين بيكتبوا في جرائد كبيرة أو حتى مواقع كله بدأ يشوف مصلحته ودة كويس وفي مصلحتنا لأننا عرفنا أن نهايتهم قربت وخلقهم ضاق والخدع السحرية بتاعتهم فشلت زي ماكنوا بيعملوا حكاية رفع الأسعار عشان يوهموا الناس وألحق أشتري ياعم المدلوق قبل مالأسعار تغلى وطبعاً العربيات تخلص من عندهم في أيام يبقى مايغلوش ليه طول مافي ناس بتدلق وتشتري بالسعر الغالي ؟ .