سلسلة كيف تركن سيارتك 1

[محمد عز]

السلام عليكم اعضاء منتدى نايل موتورز الكرام

لفت نظرى وجود موضوع فى المنتدى الاعضاء بيسالوا فيها ازاى يركنوا صح وبصورة صحيحة وبدون اى خساير او خدوش فى العربيه

فانا كنت عملت موضوع مشابه عن اليو تيرن وازاى نلف للخلف بصورة صحيحة ورابط الموضوع

من هنا

وحابب انى استكمل المواضيع اللى من الصورة ده لانه فيها فايدة للاعضاء وبتساعد على تنظيم المرور عن طريق نقل الوعي المرورى للافراد العاديين

ودلوقتى نرجع لموضوعنا اللى هوا ازاى نركن

فى الموضوع ده هنتكلم ازاى نركن موازى للرصيف وان شاء الله فى موضوع تانى هنتكلم ازاى نركن عمودى على الرصيف ووش العربيه يبقى للشارع

وطبعا الصور خير مثال للتوضيح لضمان وصول المعلومة بصورة صحيحية وبسرعه


يلا بينا نبدا

وزى ما هوا موضح فى الصورة اننا نوقف موازاى للعربيه اللى واقفة قدام المكان اللى احنا عاوزين نركن فيه بس هنبقى متاخرين عنها حاجة بسيطه فى حدود من 20 ل 30 سم


.

الصورة التانية

هنقوم بلف الدريكسيون الى اقصى اليمين مع الرجوع للخلف والنظر الى المرايه الشمال




الصورة التالتة

اول ما نشوف الرصيف فى المرايه هنقف ونعدل الدريكسيون فى المنتصف ونرجع حاجة بسيطة فى حدود 30 - 50 سم




الصورة الرابعه

هنبدا نلف الدريكسيون الى اقصى اليسارونرجع للخلف




الصورة الخامسة

هنعدل وضع الربيه بإننا نميل شوية نحية اليمن ونطلع للامام




وبكده يكون قدرنا نركن العربيه بشكل صحيح وتكون موازية للرصيف


طبعا الموضوع محتاج شوية تدريب فى الاول بعد كده هتلاقى نفسك بتركن كويس جدا


ارجو ان الموضوع ينال اعجابكم ويارب اكون قدرت افيدكم


ملحوظة (الموضوع من مجهودى الشخصى والصور من تصميمى)

[omarhelalyehia]

الله يبارك فيك وفى مجهودك شئ جميل و بسيط و رائع

[محمد عز]

الله يبارك فيك وفى مجهودك شئ جميل و بسيط و رائع

ربنا يكرمك ويعزك

[tarekaf78]

مجهود رائع

[EslaM_NagY]

ربنا يباركلك

[THEMAYOR]

موضوع ممتاز و فى انتظار باقى السلسله
انا بحب المواضيع دى جدا علشان فيها فنيات محترمة و هادفة
جزاك الله كل خير

[Rembrandt]

موضوع مفيد خصوصا للسيدات

[محمد عز]

مجهود رائع

ربنا يباركلك

موضوع ممتاز و فى انتظار باقى السلسله
انا بحب المواضيع دى جدا علشان فيها فنيات محترمة و هادفة
جزاك الله كل خير

متشكر اوى ياجماعة على ردودكم الايجابية وتشجعيكم

[ahmedhilmy]

تمام جدا الله ينور عليك شرح سلس و بسيط

[محمد عز]

تمام جدا الله ينور عليك شرح سلس و بسيط

الله يكرمك

[mahmoud_magdy]

شكرا جزيلا
موضوع جامد والله تسلم ايدك
وياسلام لو حطيت عليه اسم المنتدى بقى

[Mar80]

متشكرين جدا على الموضوع الجميل ده

[A.Saad]

الف شكر
بس افتكر ان اخوك نفسه كمان فى الركن العمودى

[Ahmed Selim]

موضوع متميز من شخص متميز

بارك الله فيك و جعله فى ميزان حسناتك إن شاء الله.

[ahmouda2009]

شكرا علي الموضوع و الصور بس انت لم تذكر المسافيه بينك و بين السيارة اللي جنبك قبل الركن تكون قد ايه علشان دي اهم نقطة لضبط الركنة كويس