محــدث : مقارنه شامله بين النيو سيراتو والالنترا - المواصفات والكماليات والأسعار 2010

[Hosam_Optrawy]

بسم الله الرحمن الرحيم

المحرك : ( الالنترا والسيراتو ) كامه علويه مزدوجه - 4 سلندر - 16 صمام
DOHC CVVT 4 Cylinder 16 Valve

الالنترا محرك من طراز Gamma I
السيراتو محرك من طراز Gamma II

سعه المحرك : ( الالنترا والسيراتو ) 1591 cc

القدره القصوى : ( الالنترا ) 121 حصان @ 6200 Rpm
( السيراتو ) 124 حصان @ 6300 Rpm

العزم الأقصى : ( الالنترا ) 153 @ 4200 Rpm
( السيراتو ) 156 @ 4200 Rpm

نظام الوقود : ( الالنترا والسيراتو ) حقن متعدد النقاط

ناقل الحركه : ( الالنترا والسيراتو ) مانيوال 5 سرعات - اوتوماتيك 4 سرعات

سعة خزان الوقود :
( الالنترا ) 53 لتر
( السيراتو ) 52 لتر

سعة الحقيبه الخلفيه :
( الالنترا ) 402 لتر
( السيراتو ) 415 لتر

السيراتو شنطتها اوسع لكن مش بكتير

وزن السياره : ( الالنترا ) مانيوال 1171 كجم - اوتوماتيك 1187 كجم

( السيراتو ) مانيوال 1236 كجم - اوتوماتيك 1326

الالنترا وزنها أخف

أدنى ارتفاع عن الأرض : ( الالنترا والسيراتو ) 15 سم

الضمان : ( الالنترا ) 3 سنوات او 100 الف كم

( السيراتو ) 5 سنوات او 100 الف كم

الابعاد

( الالنترا )

الطول الكلى : 4505
العرض الكلى : 1775
الارتفاع الكلى : 1490
قاعدة العجلات : 2650

( السيراتو )

الطول الكلى : 4530
العرض الكلى : 1775
الارتفاع الكلى : 1460
قاعدة العجلات : 2650

وانا هاحاول اوضح الفرق بالظبط فى الابعاد

عشان برضه بيحصل خناقات على ان السيراتو مجرد شكل

وهى هى نفس الابعاد والشاسيه بتوع الالنترا والسيراتو الشكل القديم

السيراتو أطول من الالنترا ب 2.5 سم

انما الاتنين نفس قاعدة العجلات 2 متر و 65 سم

اما المسافه من العجله الخلفيه الى مؤخره السياره

فالالنترا اطول بنصف سم ففى الالنترا المسافه 99 سم اما السيراتو 98 سم ونصف

المسافه من العجله الاماميه الى مقدمه السياره

السيراتو أطول ب 3 سم لان المسافه فى السيراتو 89 سم ونصف اما الالنترا 86 سم ونصف

اما الطول من الارض الى سقف السياره

الانترا أطول ب 3 سم لان المسافه فى الالنترا 1 متر و 49 سم اما السيراتو 1 متر و 46 سم

بالنسبه لعرض السياره من الامام

فالالنترا والسيراتو نفس العرض من الامام فى جسم السياره والمسافه 1 متر و 77 سم ونصف

ولكن السيراتو أعرض ب 1.4 سم فى المسافه بين العجلتين الاماميتين

فالمسافه فى السيراتو 1 متر و 55.7 سم اما الالنترا 1 متر 54.3 سم

وفى العرض من الخلف

السيراتو أعرض ب 2.3 سم لان السيراتو 1 متر و 56.4 سم والالنترا 1 متر و 54.1

الكماليات والتجهيزات :

الالنترا : 3 فئات ( مانيوال - اوتوماتيك - اوتوماتيك Gls )

المانيوال : سنتر لوك بريموت وانذار - تكييف - باور - 4 زجاج كهربا - مرايات كهربا - كاسيت CD - نور قراءه - حامل أكواب

السعر : 92 الف ( 95 الف بفتحة سقف )

الاوتوماتيك Gl : سنتر لوك بريموت - تكييف - باور - 4 زجاج كهربا - مرايات كهربا - كاسيت CD - نور قراءه - حامل أكواب

السعر : 99 الف ( 102 الف بفتحة سقف )

اوتوماتيك Gl + فرامل Abs و 1 ايرباج

السعر : 105 الف ( 108 الف بفتحة سقف )

اوتوماتيك Gl + فرامل Abs و 2 ايرباج

السعر : 107 الف ( 110 الف بفتحة سقف )

اوتوماتيك Gls : سنتر لوك بريموت وانذار - تكييف اوتوماتيك - باور - 4 زجاج كهربا - مرايات كهربا - كاسيت CD -حامل أكواب - فوج لايت - نور قراءه - جراب نظاره - كمبيوتر رحلات للسائق - نور ستوب خلفى

السعر : 108 الف ( 111 الف بفتحة سقف )

اوتوماتيك Gls + فرامل Abs و 1 ايرباج

السعر : 114 الف ( 117 الف بفتحة سقف )

اوتوماتيك Gls + فرامل Abs و 2 ايرباج

السعر : 116 الف ( 119 الف بفتحة سقف )

جميع الفئات جنوط عاديه مش سبور ومقاس الكاوتش 195/65-15

ــــــــــــــــــــــــــ

السيراتو : 6 فئات ( مانيوال Lx - اوتوماتيك Lx - اوتوماتيك Ex - اوتوماتيك Sx - أوتوماتيك Sx فتحة سقف - اوتوماتيك Sx هاى لاين )

المانيوال : تكييف - كاوتش 15 ( 195/65 ) - باور - سنتر لوك - 4 زجاج كهربا - مرايات كهربا - سى دى اوديو

السعر : 96 الف

اوتوماتيك Lx : تكييف - كاوتش 15 ( 195/65 ) - باور - سنتر لوك - 4 زجاج كهربا - مرايات كهربا - سى دى اوديو

السعر : 103 الف

اوتوماتيك Ex : تكييف - ايرباج - جنوط سبور 16 ( 205/55 ) - باور - سنتر لوك - 4 زجاج كهربا - مرايات كهربا - ضبط ارتفاع الكرسى - مسند يد امامى وخلفى - حامل اكواب - طى الكنبه الخلفيه - راديو سى دى Mp3 مع فتحة Aux - تحكم فى السى دى من الطاره ( ملتى فنكشن ) - زجاج ملون - فوج لايت - نور قراءه - جراب نظاره - فتيس كروم - مقابض الابواب مطليه بطلاء معدنى - عجلة قياده مطليه بطلاء معدنى

السعر : 109 الف

اوتوماتيك Sx : تكييف اوتوماتيك - 2 ايرباج -جنوط سبور 17 ( 215/45 ) - فرامل Abs - باركنج سنسور - اضاءه اوتوماتيك - باور - سنتر لوك بريموت - 4 زجاج كهربا - مرايات كهربا - طاره جلد - الفتيس وفرامل اليد كروم - مقابض الابواب مطليه بطلاء معدنى - عجلة قياده مطليه بطلاء معدنى - المقابض الخارجيه كروم - ضبط ارتفاع الكرسى - مسند يد امامى وخلفى - حامل اكواب - طى الكنبه الخلفيه - راديو سى دى Mp3 مع فتحة Aux - تحكم فى السى دى من الطاره - عدادات رياضيه وكمبيوتر للسائق - مسند رأس قابل للتعديل - زجاج ملون - فوج لايت - نور قراءه - جراب نظاره - دواسات كروم

السعر : 116 الف

اوتوماتيك Sx : نفس كماليات Sx + فتحة سقف

السعر : 120 الف

اوتوماتيك Sx هاى لاين : نفس كماليات Sx + فتحة سقف وسمارت كى وفرش جلد

السعر : 126 الف

ــــــــــــــــــــــــــــ

فى نهاية المقارنه نجد ان السيارتين متقاربين جدا
ولكن السيراتو تتفوق فى حداثة التصميم والشكل والقيمه مقابل السعر

ولكن رغم تفوق السيراتو على الالنترا تظل الالنترا عربيه ممتازه وأثبتت كفاءه

وفى النهايه أرجو ان اكون أفدتكم بهذه المقارنه

.....

هذا الموضوع حصرى وخاص بنايل موتور ومحظور نقله بدون ذكر المصدر

________________
تم تثبيت الموضوع لقيمته
و تقديرا للمجهود المبذول
مشرف عام .2

[n8os]

وبكده تكون المقارنه اتحسمت للسيراتو

[Hosam_Optrawy]

وبكده تكون المقارنه اتحسمت للسيراتو

أكيــــد

[Bossy_Fadl]

الالنترا عربيه محترمة و ممتازة

بس هيدا ما بيمنع انو السيراتو حسمت المقارنة

My cerato slogan is

New Cerato

She rocks.....She rules

[M.ABDEEN]

مالكش حل يا حسسس باشا!!!!!!!!!! جايب الارقام باللملللي وفعلا السيراتو تتفوق وشكرا على مجهودك وشكلك كده راسم على وظيفة مرجع المنتدى مع قرب نزول المجلة ؟؟؟؟؟؟؟؟بجد تستاهلها وانت تستحق وربنا يخليك لينا يا معلم

[blazer]

تفوق واضح للسيراتو
دا بلاضافه ان العربيه شكلها احلى من الالنترا
وان فيها نظم ثبات و اتزان الكترونيه (غير ال abs و ال ebd)

[M.Osman]

شكراً أستاذ حسام على المجهود الروعة ...
سؤال لسينيور غبور : هو انت ناوي إنشاء الله تنزل الإلانترا بوسائل أمان إمتى؟؟؟

اوتوماتيك ex : تكييف - ايرباج - جنوط سبور 16 ( 205/55 ) - باور - سنتر لوك بريموت - 4 زجاج كهربا - مرايات كهربا - ضبط ارتفاع الكرسى - مسند يد امامى وخلفى - حامل اكواب - طى الكنبه الخلفيه - راديو سى دى mp3 مع فتحة aux - تحكم فى السى دى من الطاره - زجاج ملون - فوج لايت - نور قراءه - جراب نظاره

السعر : 109 الف

أنا شايف ان الفئة دي معقولة جدا ( سعر مقابل إمكانيات ) بس ناقصة abs بس

[Fadi Ezzat]

مقارنة هايلة ياحسام اوى

[Samah AbdAllah]

مقارنة متميزة وموضوعية

[de3bis]

تمام كده ده انت بالشكل ده جمعت كل البيانات المختصة بالموضوع ده فى مكان واحد.

شغل على ميه بيضاء.

و ميخرجكش الا من واحد بيفهم

[Hosam_Optrawy]

مالكش حل يا حسسس باشا!!!!!!!!!! جايب الارقام باللملللي وفعلا السيراتو تتفوق وشكرا على مجهودك وشكلك كده راسم على وظيفة مرجع المنتدى مع قرب نزول المجلة ؟؟؟؟؟؟؟؟بجد تستاهلها وانت تستحق وربنا يخليك لينا يا معلم

ياباشا ربنا يخليك شكرا اوى على كلامك كلك ذوق

بس انا معرفش حكاية وظيفة مرجع المنتدى دى

عموما انا اكيد اتمنى

[Hosam_Optrawy]

شكراً أستاذ حسام على المجهود الروعة ...
سؤال لسينيور غبور : هو انت ناوي إنشاء الله تنزل الإلانترا بوسائل أمان إمتى؟؟؟


أنا شايف ان الفئة دي معقولة جدا ( سعر مقابل إمكانيات ) بس ناقصة abs بس

العفو يا استاذ نورت الموضوع

وفعلا معاك حق الفئه دى كانت ناقصه بس Abs وتبقى حلوه اوى اوى

[Hosam_Optrawy]

مقارنة هايلة ياحسام اوى

مقارنة متميزة وموضوعية

تمام كده ده انت بالشكل ده جمعت كل البيانات المختصة بالموضوع ده فى مكان واحد.

شغل على ميه بيضاء.

و ميخرجكش الا من واحد بيفهم

متشكر جدا ياجماعه كلكم ذوق والله

[frozen_heart]

اوتوماتيك Sx هاى لاين : نفس كماليات Sx + فتحة سقف وسمارت كى وفرش جلد

السعر : 126 الف

تسلم ايدك ياباشا (مقارنه تمام التمام)
بس فى حاجه ناقصه ياباشا فى الفئه HIGH LINE SX
نظام زر تشغيل المحرك (Start Button)
وعاشت الايادى

[frozen_heart]

اوتوماتيك Sx هاى لاين : نفس كماليات Sx + فتحة سقف وسمارت كى وفرش جلد

السعر : 126 الف

تسلم ايدك ياباشا (مقارنه تمام التمام)
بس فى حاجه ناقصه ياباشا فى الفئه HIGH LINE SX
نظام زر تشغيل المحرك (Start Button)
وعاشت الايادى