كام واحد فى المنتدى بيفكر فى الفيستا الجديدة ؟؟

[kareemhisham]

كام واحد يا جماعة مقبل على شراء عربية و بيفكر فى الفورد فيستا الجديدة جديا ؟؟
عايزين نعرف بعض عشان ممكن نلم بعض و نروح نشترى ,, فيبقى فى تخفيض مثلا او عروض

و يارت اليقرأ الموضوع و مش ناوى يقولنا ايه رأيوا فى العربية

و شكرا

[solid_khaled]

انا نفسى فيها اكيد عشان عندى فيستا 2000
بس للاسف سعرها يجيب mazda 3 automatic
لانى بحس انى مقدرش انفق اكثر من 80 الف فى عربية هاتش باك

[kareemhisham]

انا نفسى فيها اكيد عشان عندى فيستا 2000
بس للاسف سعرها يجيب mazda 3 automatic
لانى بحس انى مقدرش انفق اكثر من 80 الف فى عربية هاتش باك

يبقا اكيد حضرتك ماشوفتهاش على الحقيقة ,, لانها فعلا اشيك من المازدا كتير

[kareemhisham]

يا جماعة مكتوب انهاردة فى جرنال اخبار اليوم ان الدفعة الاولى بتاعت الفيستا خلصت - و الكان قالوا حد من الاعضاء هنا قبل كدة - و انهم فتحوا باب الحجز للدفعة التانية و التالتة

[mahamedaraby]

هى بكام وفيه منها فئات ولا فئه واحده بس نازله

ولو فيه فئات ايه الفرق ما بينهم واسعارهم كام وشكرا ليكم

[kareemhisham]

هو مش نازل منها غير فئتين فيهم نفس الاوبشنز و كل حاجة الفرق بينهم بس هو ان واحدة 5 باب و التانية 3 باب
ال5باب ب115
و ال3 باب ب117
و الاتنين اوتوماتيك ستيبترونيك

[CryptonX]

سيارة تحلفة طبعا و لكنها غالية جدا و خصوصا ان فورد ملهاش سوق جامد في مصر .

ما هو لو فكرى جروب بس ينزل فئات اقل شوية هتبقى فى رنج ال100 و كان هيبقى سعر ممتاز عليها

[mohaismail]

حلوة جدا بس تمنها مبالغ فيه جامد بصراحة وكمان 1400 سى سى

[kareemhisham]

حلوة جدا بس تمنها مبالغ فيه جامد بصراحة وكمان 1400 سى سى

انا من وجهة نظرى التمن مش مبالغ فى ولا حاجة
العربية تقفيل المانى %100
شكل تحفة من برة و من جوة
و لو قارناها بالفابيا هتلاقى ان الفابيا الاوتوماتيك ب 121 انما دى ب 114
و بعدين هو سعرها مبالغ فى بالنسبة لايه ؟؟
مفيش عربيات فى السوق تنافسها غير الفابيا
و محدش يقولى جراند بونتو ,, الجراند بونتو ب108 و 77 حصان !!