افيدونى فى البولو 98

[bogyman123]

السلام عليكم
انا انشاء الله نويت اشترى بولو 98 وعارف ان اسعار قطع غيارها غالية بس هل العربية من النوع اللى مبتستحملش وبتفتح بقها بسرعة ولا ممكن تستحملنى ؟
وسوال كمان هل استهلاكها للبنزين عالى ؟
وهل هى كتينة ولا سير تقسيمة؟
وشكرا

[tarekaf78]

العربية دي قوية و بتستحمل و قطع الغيار متوفره هية غالية شوية بس بتعيش المهم انك تجيب قطع الغيار الاصلية بتاعتها يعني الماني و العربية مبتستهلكش بنزين و العربية كتينة

[M.Mostafa80]

حافظت عليها وما أهنتهاش هتشيلك وقت الزنقه بهدلتها سور هتطلع عينك لأنها بنت ناس ومش وش بهدله ههههههههههههههههههههه أنا مالى بتكلم عنها كأنها عروسه كدا ليه

[nab!l]

استاز مصطفى
انت لو راكب عربيه اعلى من البولو جيتا قيكترا اى حااااااااااجة
هتنحاز اوى للبولو كدااااااااااااااااااااااا؟

[M.Mostafa80]

مش انحياز اخى العزيز والله العربيه دى فعلا ممتازه بص أنا ركبت فورد أسكورت عربيتى السابقه الله لا يعودها أيام ورتنى النجوم فى عز الظهر ركبت لانسر كرستاله 99 بتاعت زميلى فى المكتب مدتيشأى حجاه بخدها فى عربيتى غير الجرى ركبت فورد فوكاس بتاعت مدير العام فى الشركه وقعدت معايا يومين عربيه كبيره ومحترمه بس كانت مشكله فى الركن والمناوره بيها مخاطره وركبت نيو سيراتو برغم الفخامه والكماليات العاليا والبرستيج محستش فيها بالثبات على السرعات العاليه لحين تجربتها على طريق أفضل من طريق الأسماعيليه ركبت الألنترا 2006 بتاعت والدى مع أنها ممتازه وفلته من غبور ألا أنها ما بتخودنيش زى البولو ركبت الفيرنا 1600 أتوماتيك بتاعت الشركه وقعدت معايا أسبوع سفاحه بنزين ركبت الماتريكس عامله زى المرجيحه بعد ال 110 هو دا سبب حبى للعربيه دى دا غير أنها وش خير عليا وجبتها مع مولد بنتى البكريه فاليها حب خاص عندى

[nab!l]

اه قول كده
هى وش الخير عليك
لكن مش احسن من العربيات اللى انت جربتها دى كلها!!!!!!

[M.Mostafa80]

لو خدت بالك أنا طلعتلك مشكله فى كل عربيه من العربيات اللى فاتت بس أنت مجمعتش معايا وبعيد عن التحيز العربيه بتديلك الأتى وفى ناس كتيره ممكن تأكد كلامى دا عشان لوفى شبهه أنى متحيز
ثبات زى الفل بالنسبه للفئه والحجم أستهلاك بنزين زى الفل يكفى بتعمل 340كم فى الصفيحه خارج البلد السياره غير ديقه من الداخل لو قارنتها بالانوس والأكسنت اللى المفروض أنهم عربيات سيدان
المناوره فيها قدره عاليه على المناوره بسبب حجمها المتميز وثباتها
الركنه أى حته صغيره موجوده فى الشارع بتركن فيها
قطع غيار أغلى نسبيا من الكورى ولكن عمرها أطول
عايزنى أقول لحضرتك أيه تانى جرى بتجرى يمكن معملتهاش تانى من ساعه محصلت بس أنا جيبت بالعربيه دى 170 كم فى الساعه الثبات كان ماشاء الله عليه فهحتاج أيه تانى من اى عربيه تانيه مدام كل الحاجات دى موجوده
وعشان يبقى قولنا اللى لينا واللى علينا
العربيه يعبها تقل حركتها مع عمل التكييف ودا طبيعى لصغر حجم المحرك
شنطتها صغير ودى هقلك فيها مش تبقى عين فى الجنه وعين فى النار مباقاش عايز عربيه تساعدنى فى الحمه وفى الركنه وأقول أنا عايز شنطه
بأختصار العربيه دى بالنسبالى فى الفتره الحاليه ملبيه كل أحتياجاتى

[nab!l]

طب يا سيدى عقبال ماتعدى المرحلة الحالية وتجيب عربيه تانيه افخم واحسن وسعتها هتنسى البولو
وهتحب الجديدة بكل عيوبها
وبعدين انت جبت 170 عشان الرياح والطريق المنحدر
لكن اخرها 150 طبعا ومش هتجبهم لو التكييف شغال

[M.Mostafa80]

طب يا سيدى عقبال ماتعدى المرحلة الحالية وتجيب عربيه تانيه افخم واحسن وسعتها هتنسى البولو
وهتحب الجديدة بكل عيوبها
وبعدين انت جبت 170 عشان الرياح والطريق المنحدر
لكن اخرها 150 طبعا ومش هتجبهم لو التكييف شغال

ربنا يدينا ويديك ياسيدى

[umoussa]

العربية البولو من 95 لحد 2001 مفيش أي غبار عليها

ومينفعش تقارن عربية أوربي بأي عربية آسيوي

عربية أوربي ألماني (وكمان فولكس) يبقى أروع حاجة في الدنيا

والدليل شوف الناس بتعشق البيتلز رغم انها اتشالت من على خط الانتاج في السبعينات

الي بيفهم بيركب فولكس
والي بيضحك على نفسه يقول أي كلام تاني

فوكس واجن بالألماني يعني عربية الشعب!!!

[M.Mostafa80]

فوكس واجن بالألماني يعني عربية الشعب


دا كلام سليم ميه فى الميه

[phantom22]

سؤال ممكن اعرف سعر الكتينه كام؟

[M.Mostafa80]

لو حضرتك تقصد سير الكاتينه يبقى من 90 الى 100 جنيه

[M.Mostafa80]

لو تقصد بلى الكاتينه يبقى 250 الى 300 ولونى مش متأكد قوى من الموضوع ده مغيرتهاش من ساعه ما جبت العربيه بقالها معايا 3 سنين

[umoussa]

سعر السير ده مش سعر السير الأصلي مش كده؟ دا كونتينينتال ولا جيتس ولا بوش؟