العربية بتتشفط لورا !!!

[nasroo]

العربية بتتشفط لورا ليه؟

لما بكون ماشي على الثالث والسرعة تنزل على40 او 35 وانقل للتاني بلاقي العربية اتشفطت لورا زي ما اكون فرملت فجأة مع اني على سرعة الغيار التاني وبرضة بتحصل معايا نفس الحركة لما بنقل من الرابع للتالت
بس الحركة دي مابتحصلش على طول وفي الغالب بتحصل لما بكون ماشي بسرعة واهدي مرة واحدة وانقل الغيار على الاقل
انا حاسس ان ده عيب سواق مش كده؟

[samirayad]

بس الحركة دي مابتحصلش على طول وفي الغالب بتحصل لما بكون ماشي بسرعة واهدي مرة واحدة وانقل الغيار على الاقل

ماهو ده شىء عادى .........لما بتشيل رجلك من على البنزين بصوره فجائيه والعربيه ماشيه مسرعه .......وبالذات لما تكون مش مريح المكنه فى الغيار وقاتل على الفتيس ............الفتيس بيحاول يفرمل السرعه شويه ويشفطها لوراء

[nasroo]

يعني اعمل ايه؟
لو ماشي على الثالث والسرعة هديت وبقت 30 مثلا انقل على الثاني ولا استنى شوية ؟ وانقل امتى على التاني؟

[samirayad]

دى عملية موازنه بينك وبين نفسك ............وبعدين أنت سواق قديم برضه ...............وهل الفرامل كويسه برضه ومطمن لها ولا لا

[Drift_Lover]

بيتهيأ لي ده اسوب قياده أكثر منه امكانيات سيارة.
وزي ما الاخ سمير قال. هو ده الطبيعي.
كحل للمشكلة حاول تشبع سنه بنزين وانت بتسيب دبرياج بعد ماتنقل للتاني. وواحده واحده حتتظبط معاك.

[nasroo]

الفرامل كويسة بس انا للاسف مش سواق قديم ولا حاجة -دي اول عربية ليا وبقالها معايا 6 شهور بس

[samirayad]

يبقى بالتعود ............كله حيبقى تمام .......ومش عاوزين ندخل نفسنا فى متاهات الكنترول دلوقتى ........على ماتشوف النظام برضه........لأنك فى كلامك بتقول فيما معناه ................أن الظاهره دى بتحصل معاك ( ساعات ساعات ............فممكن مع التعود وحساسية الغيار ......تجد ماتتمناه )

[samirayad]

فيه سؤال كده عاوز أسألهولك ............الموضوع ده ظهر معاك قريب ولا موجود من زمان ( من أول شراءك للعربيه من 6 شهور )

[MMamdouh]

Rev matching

http://www.youtube.com/watch?v=VnZjeN7LuUg

MMamdouh

[samirayad]

هو طبعا واضح من العنوان يا أبو حميد ......هو التناسب والتماشى مع عدد اللفات أثناء النقل عبر الفتيس .............بس أنا حاسس من الفيديو .......أن بيستخدم عملية التوافق والتناغم بين النقل وعدد اللفات فى التزويد ............وليس مع رفع القدم الفجائى ............ياريت تعلق على الجزئيه دى .............وكمان لو سمحت تشرحلنا طريقة الرفع للفيديوهات ....والصور وتدينا فكره كده عن موضوع الصندوق الماسى .......لأن بينى وبينك لسه الموضوع معايا مش قد كده فى التعامل معاه ..............فى أيكونات أستخدام كتير ......لأننى طلبتها من أخونا drift- lover أى البشمهندس : محمود ......والظاهر نسينا ...............هههههههههههه

[nasroo]

فيه سؤال كده عاوز أسألهولك ............الموضوع ده ظهر معاك قريب ولا موجود من زمان ( من أول شراءك للعربيه من 6 شهور )

هو مابيحصلش كتير بس اخر ايام اتكررت معايا مرتين او 3 ورا بعض

[samirayad]

أنا بأأقصد الظاهره دى كانت موجوده معاك من شهر أو أثنين مثلا ومن ساعة ما أشتريت العربيه وأنت حاسس بالوضع ده............ولا لسه جديده معاك اليومين دول ( من أسبوع أو أثنين مثلا )

[medohai510]

السلام عليكم،،
مور السيارة وحاول تذقها للأمام والخلف أذا وجدتها سهلة يبقي كدة تمام والخطفة لورا هذه من رفعه رجلك من علي دواسه البنزين أما أذا كانت السيارة ثقيلة لا قدر الله أكشف علي الفرامل و رومان بلي العجلي الأمامي والخلفي والله الموفق

[MMamdouh]

هو طبعا واضح من العنوان يا أبو حميد ......هو التناسب والتماشى مع عدد اللفات أثناء النقل عبر الفتيس .............بس أنا حاسس من الفيديو .......أن بيستخدم عملية التوافق والتناغم بين النقل وعدد اللفات فى التزويد ............وليس مع رفع القدم الفجائى ............ياريت تعلق على الجزئيه دى .............وكمان لو سمحت تشرحلنا طريقة الرفع للفيديوهات ....والصور وتدينا فكره كده عن موضوع الصندوق الماسى .......لأن بينى وبينك لسه الموضوع معايا مش قد كده فى التعامل معاه ..............فى أيكونات أستخدام كتير ......لأننى طلبتها من أخونا drift- lover أى البشمهندس : محمود ......والظاهر نسينا ...............هههههههههههه

فعلا هو بيعمل كدة بين النقلات... السواق مش حيبقى عندة تحكم فى حالة رفع القدم الفجائى... الا اذا خللاه مش فجائى

بالنسبة لرفع الفيدوهات فا من اليوتيوب يدوبك تاخد copy من اللينك بتاع الفيديو و تعمل paste فى مشاركة جديدة و هو حيظهر فى الصورة اللى شوفتها فى مشاركتى السابقة لوحدة

بالنسبة للصور لو هى على سايت مثلا فا حتاخد اللينك بتاعها copy و بعدين تدوس على الزرار دة و تعمل paste للعنوان و تدوس OK حتظهر الصورة

MMamdouh

[Samir Elshahawy]

طيب لو أتأخر في الغيار شوية بمعني انه ينقل و يفضل دايس دبرياج لحد ماسرعة العربية تنزل شوية كمان مش ده ممكن برضه يكون حل ؟؟