اسفسار من كل الجولفاوية لوجه الله

[ehabomar1987]

انا الحمد لله قررت اشترى جولف 1 بس كنت عايز نصيحة منكم لوجه الله

هى تقريباا مستوى السعر بتعها كام تقريباا

و قطع الغيار بتعتها متوفره ولا لآ " لحسن انا سمعت انها نادرة و كمان غالية "

اخر حاجة لما اروح اشوف عربية ايه اهم حاجة اخد بالى منها و اكشف عليها و من خلالها اعرف ان العربية كويسة ان شاء الله

معلش طولت عليكم

سلامو عليكم

[ehabomar1987]

19 واحد شاف الموضوع و محدش فكر حتى يرمى السلام
يااااااااااااه بقى ديه اخرة العيش و الملح

[M.Mostafa80]

للأسف يا اخ ايهاب واضح ان مفيش حد مننا عندو معلومات عنها واولهم انا

[x_gomgom]

اولا الكل نفسه يساعد.....
انا ليا صديق عزيز عليا اشتراها من فتره.... اهم الاشياء الاتي:
متكونش رشه دواخل. بنسبه 90 الميه هتلاقي فيها مكنه تانيه و غالبا 1400 بتاعت جولف 2 .... لو ساقط فيها مكنه اتأكد من موضوع انه نازل في الرخصه و حالته طبعا... بالنسبه لقطع الغيار على كلامه معقوله مش غاليه و متوافره...
اما الاسعار فهي من اول 17 لحد 25 (دا لو معدل فيها و شغل)
بس نصيحه من اخ ما تشتريش عربيه عدا عليها اكتر من 25 سنه عشان مش هقولك قديمه بس اساسيتها تعتبر في حكم المهريه....
و ربنا يوفقك

[x_gomgom]

اولا و قبل اي شئ انا من عشاق الجولف.... ربنا يوفقك و طمنا عملت ايه؟؟؟

[ehabomar1987]

شكراا يا استاذ m.mostafa80 و يا استاذ x_gomgom على ردودكم
بس ليا استفسار تانى معلش من الاخ x_gomgom لو مشتريش عربية عدى عليها 25 سنة طب هشترى ايه مهو على قد المبلغ اللى معايا و ممكن كمان حاجة اخيرة بعد اذنك امكان و عناوين محلات قطع الغيار للجولف
و الف شكر لسكم مرة تانية يارجالة

[x_gomgom]

معلش اصبر ..... ربنا ان شاء الله هيفتحها من وسع.
اما عن العناوين انا في واحد اعرفه اسمه محمد سمير دا في شارع دمشق... في ناس كتير اوي شغالين فيها متقلقش
ربنا يباركلك مقدماً

[ehabomar1987]

الله يخليك يا x_gomgom و شكراا على ردك السريع و كمان على صبرك
و ان شاء الله لو ربنا كرمنى فى حاجة كويسة هاقولك و ارفعلك صورها كمان
بس يا مسهل

[x_gomgom]

ربنا يوفقك و احنا هنا كلنا اخوه وانا تحت امرك

[ZALABANY]

جولف وان الرابيت ما تشتريهاش يا باشا قطع غيارها مش بس غاليه لا مش موجوده كنت هاشتري واحدهوسألت صنايعي فولكس قالي ما تاخدهاش لو عايز ممكن جولف 2 دي قطع غيارها موجوده كتير