إيه رأيكم في الأسترا

[essam_yehia]

السلام عليكم

شباب المنتدي الرائع أرجوا رأيكم في الأسترا 2004 و 2005 من حيث الأتي :
هل هي تجميع مصري أم إستيراد ألماني؟
مدى إستخدام البنزين
حجم العربية من الداخل
أسعار قطع الغيار
هل في أي مشكله في مودلي 2004 و 2005

ولكم جزيل الشكر

[modux]

اهلا وسهلا بيك هنا في المنتدي

هيا مصري
انا عارف ان موتورها قوي 1600

كعادة الاوبل قطع الغيار الغالية شوية بس بتعييييييش

اعتقد بلاش الموديل ده لان في ناس كتير سمعتها بتشتكي من كثرة اعطله
خليك في الموديل اللي قبله
2000
2001

و سقطله موتور 1600
او 1800
بيكون تحفة و كويس اوي علي العربية

[HNaga]

بالعكس انا عمرى ماشتكيت من عطل فى العربية وعربيتى 2004
كل اللى بيتصرف عليها صيانة و قطع غيار وبنزين وتربيط عفشة
بس فعلا عمرها ماعطلت غير مرة كانت البطارية ماتت

[modux]

عربيتك عاملة كام كيلو !!!

و اخبارها معاك اية

انا في واحد صاحبي مرة وقفت عشان حساس كهرباء

و مرة واحد تاين جابت وش سلندر بس مش عارف ازاي !!!


طيب ممكن تقولنا اخبار قطع غيارها اية و بتصلحها فين ؟

[HNaga]

عاملة 85 الف
العربية كويسة جدا فيها بالنسبة لى مميزات وعيوب الألمانى تكييف مش ممتاذ بس كويس - طلعة العربية مش قوية عشان مش خفيفة واوتوماتيك بس أحسن ميزة إنها راسية و ثابتة يعنى 120 ده عادى جدا تاخد بيه ملفات وعفشتها قوية رغم إنى غيرت المساعدين
فيها أوبشنز مش موجودة فى عربيات تانية - أوبشنز بسيطة بس متميزة
موتور سحبه حلو لما تفتح بتحس بقوتة بس إستهلاك البنزين بتاعه جوة البلد عالى شوية
من الأخر لو موتورها 1800 تبقى عربية تحفة

بالنسبة لوش السلندر أعتقد انه ماغيرش السيور

قطع غيارها أكيد غالية زيها زى أى عربية المانى بس العيب الحقيقى ان قطع غيار كتير مش موجودة غير فى التوكيل يعنى ياتجيبها إستيراد يا من التوكيل رأسا والتوكيل اغلى من المحلات بدرجة ملحوظة

وبرضه مش اى حد يعرف فيها
مثلا مرة جيب بوجيهات سبورت رحت لميكانيكى قاللى ماعنديش المفك اللى يفكها مسامير عربيتك
مرة برضه كنت عايز أضبط لمبة الزينون برضه الكهربائ مالاقاش عندى حاجة للرجلاش بتاعها وإضطريت أروح بنزينة أعملها

تصليح ميكانيكا و كهرباء الحمد لله ماحتجتش لحد دلوقتى - بالنسبة للصيانة فى مركز الطيران و مقار

[telatfy]

بالنسبة لأستهلاك الوقود كل 100 كيلو ب 10 ليتر داخل المدينة تصل الى 160 ك على الطولى بسرعة 90

[TAG_Turbo0]

بالنسبة لأستهلاك الوقود كل 100 كيلو ب 10 ليتر داخل المدينة تصل الى 160 ك على الطولى بسرعة 90

كتير أوى الأستهلاك ده

[mrwho2892]

انا يا جماعه مركبتش غير عربيات اوبل من سنه 1994 الاول كانت الفيكترا و حاليا استرا 2004 بالمختصر المفيد العربيه زيها زى اى عربيه ليها عيوب و ليها مميزات.
فى بدايه الامر كانت العربيه بتاكل بنزين بطريقه مستفزه كانت بالكتير بتعمل 185 كيلو فى الصفيحه المهم و هى فى الضمان رحت نزلت السوفتوير الاسبورت بتاعها من ساعتها كل حاجه اختلفت فى العربيه والله لدرجه ان فى ناس افتكرت ان الفتيس بتاعها Cvt و استهلاك البنزين وصل 280 كيلو فى الصفيحه و بالنسبه لقطع الغيار كل حاجه موجود الاصلى و التايوانى يعنى لو مرايه اتكسرت مترحش تشترى الاصل بألف جنيه فى حين ممكن تجيب التايوانى ب 150 جنيه انما فى حاجات لازم تتعمل جوا التوكيل عشان تاخد عليها ضمان و كلام الناس الى بتقول الصنايعيه الى بتفتى كتير صح 100%
اكبر عيب فى العربيه دى ان الكرسيين الى قدام موبيكا مصرى مقرف لا يقارن بالاسترا الى قبلها او الفيكترا و اظن دول حلهم سهل من بورسعيد:)
فى حاجه ملفته فى العربيه دى ان الفرامل بتاعتها ما شاء الله فوق الممتازه و الاوكتافيا A5 الى الناس منبهره بيها خارج مستوى المقارنه فى الموضوع ده نهائيا

[mrwho2892]

على فكره يا جماعه انا عربيتى عامله 125000 كيلو و جربو موضوع السوفتوير ده حتحس انك راكب عربيه مانيوال و يابانى كمان والله عن تجربه بس السرعه القصوى مجبتش معايا اكتر من 210

[mrwho2892]

على فكره يا جماعه انا عربيتى عامله 125000 كيلو و جربو موضوع السوفتوير ده حتحس انك راكب عربيه مانيوال و يابانى كمان والله عن تجربه بس السرعه القصوى مجبتش معايا اكتر من 210

[mohamed ibiza]

الاسترا جميلة بس القطع سعرها في العلالي

[Ahmad Aboul Fotouh]

السلام عليكم و رحمة الله
العربيه دي ممتازه اخر حاجه
1- هل هي تجميع مصري أم إستيراد ألماني؟
تجميع برازيلي

2-مدى إستخدام البنزين
عالي زي ما قالولك

2-حجم العربية من الداخل
واسعه جدا

3-أسعار قطع الغيار
الاصلي غالي و متوفره بره التوكيل باسعار ارخص بس مش مضمونه و فيه كمان كوري و صيني و اتحاد اوروبي و هتلاقي السعر اللي يناسبك

الصاج قوي جدا . الثبات ممتاز انا كنت باخد ملفات علي 140 و ثاببته
من الاخر عربيه لو سقتها مش هتعرف تركب كوري ولا ياباني تاني
كفايه انها واخده افضل سياره في اوروبا عام 2004

[ADM]

على فكره يا جماعه انا عربيتى عامله 125000 كيلو و جربو موضوع السوفتوير ده حتحس انك راكب عربيه مانيوال و يابانى كمان والله عن تجربه بس السرعه القصوى مجبتش معايا اكتر من 210

ممكن اعرف موضوع السوفت وير دة ؟ الاى موديل وهل ممكن للفيكترا ؟ و منين ؟ شكرا

[mrwho2892]

اولا آسف جدا انى اتأخرت على الاخ Adm
بالنسبه لموضوع السوفتوير المفروض انو موجود و فعال للعربيات من اول موديل 2000 و السوفتوير دا من التوكيل و نصيحه بلاش تلعب فيه برا التوكيل.
انت عندك حاجتين ممكن يتعملو اما تعديل السوفتوير الموجود عن طريق تظبيط مدى الكهربا و كميه ضخ الوقود و دا انا مجربتوش.
انا الى حصلى انى اول ما جبت العربيه لخبطت بالكامل رحت كشفت طلع سوفتوير فوانا بتكلم مع مهندس الصيانه قالى اننا حنزل السوفتوير هو هو تانى فسألته على السوفتوير السبورت و طلع موجود بس بيتحط على ضمانتك عشان لو واحد مش فاهم و بيصلح عطل فى التوكيل و 10 برا ممكن تفوتلك الموتور بس غير كده حتتجن من الى العربيه حتعمله يكفى اقولك ان Rpm و انت ماشى وسط الزحمه او بتحرك العربيه بينط على 3 مباشره و لو محتاج اى تفاصيل تانيه انا تحت امرك

[ENG\AHMED]

يعنى دة للمواتير الايكوتك بس ولا لكل المواتير لأن من اول 2000 كان فية الايكوتك والعادى؟؟
واية فرقة عن العادى؟؟كمان معنى كلامك انة هيحسن السحب انة يزود استهلاك البنزين مش يقللة